Roberto Frassinelli

De Wikipedia
Roberto Frassinelli
Vida
Nacimientu Ludwigsburg1811[1]
Nacionalidá Bandera d'Alemaña Alemaña
Muerte Corao1887[1] (75/76 años)
Estudios
Llingües falaes alemán
Oficiu antropólogu, arqueóloguartista
Cambiar los datos en Wikidata

Roberto Frassinelli Burnitz (1811Ludwigsburg – 1887Corao) foi un anticuariu, bibliófilu, dibuxante autodidauta y montañeru decimonónicu alemán establecíu n'Asturies.

Biografía[editar | editar la fonte]

Robert Bartholomäus Carl Frassinelli Burnitz, nació nuna familia de altos funcionarios al serviciu de la Casa de Württemberg. Fíu de Franz Bartholomäus Frassinelli, xefe de cocina y mayordomu nel palaciu real, natural de Trento (imperiu austrohúngaru), y de Friederike Wilhelmine Caroline Burnitz, fía d'otru altu cargu real, Carl Friedrich Burnitz. Yera primu del pintor Carl Peter Burnitz y del arquitéutu Rudolf Heinrich Burnitz. Una familia relevante social y económicamente, con formación universitaria y artística, lo cual marcará la vida y la personalidá del xoven Frassinelli.

L'alemán de Corao fizo estudios de drechu, medicina y llingües clásiques (griego y llatín) y modernes. Na universidá de Tubingen (1831-33), onde coincide col poeta románticu Friedrich Hörderlin, xuniéndose a la fraternidá liberal secreta Feuerreiter (Xinetes del Fueu). Tres la muerte del so padre y pola creciente posición revolucionaria de la so organización, xunto col escritor Berthold Auerbach, abandona esta universidá trelladándose a la universidá d'Ingolstadt-Landshut de München, pero nun consiguen evitar el so arrestu preventivu pola revuelta de Frankfurt (1833) acusaos d'alta traición. Condenáu (1836) na prisión militar de Hohenasperg (Ludwigsburg), tres recobrar la llibertá entama un viaxe per Europa, visitando Francia ya Italia, calando al poco per España, y aprovechando la desamortización de Mendizábal, en 1840, apaez per Madrid como marchante d'anticuarios y bibliófilos del so país, llabor que fízolu viaxar frecuentemente na gueta a precios irrisorios de restos arqueolóxicos, oxetos artísticos y biblioteques de los monasterios desamortizados, y por esti motivu llegó a Asturies. De xuru, debieron ser munchos lo bienes culturales espoliaos d'España por Frassinelli y llueu perdíos nel tiempu y la memoria, anque pocos son los conocíos, pol altu valor, como'l Beato de Magius de San Miguel de la Escalada (Lleón) o les tables flamenques pintaes por Petrus Christus y el taller de Rogier van der Weyden. Apaez per Asturies tempranamente, per 1839-40, enamorándose del país. Hacia 1845 anda caciplando pela biblioteca de la universidá d'Uviéu, comprando y vendiendo lo que quier.

A finales de 1854, Frasinelli avecíndase en Corao (Cangues d'Onís), tres casase en Madrid con Ramona Dominga Díaz Mariño (natural de Santiago de Xuvencos, Galicia), y ellí muerre la so madre Friederike Burnitz (1857). Pero nun s'aísla del mundu en Corao, sinón que se procura una posición como llatifundista comprando numberoses finques, ente elles llugares emblemáticos como la cueva de Cuḥerreru, popularmente llamada cueva del Cuélebre, y la posesión de Les Mestes, n'Orandi (Cuadonga). Denuncia dalgunes esplotaciones mineres ensin demasiada utilidá. Forma parte la vida del conceyu y ye nomáu comisariu de caminos. Entra nes llistas eleutorales a Cortes en calidá de arquitéutu. En 1862 inaugúrase la nueva ilesia de San Cristóbal de Pintueles (Cabranes), edificada por iniciativa del matemáticu Joaquín María Fernández Cardín y pa la que Frassinelli diseña los altares, y esi mesmu añu contesta a la encuesta sobre enseñanza agrícola, señalando la necesidá de potenciala n'Asturies.

Como dibuxante, aparte la so etapa estudiantil, destaca la so collaboración con José Amador de los Ríos na so magna obra Monumentos arquitectónicos de España (1859-1876), onde apaez la mayor parte de la so producción, dibuxando les illustraciones referíes a Asturies.

La presencia de Frassinelli fai de Corao llugar de parada obligada pal viaxeru cultu interesau nel arte y na arqueoloxía asturiana. Asina, cerca de 1860, descubre'l dolmen d'Abamia xunto a Manuel de Assas, col que collaborara nel Álbum artístico de Toledo (1848), y José Amador de los Ríos, que visita Asturies pa recoyer la poesía popular asturiana pa elixir los monumentos a incluyir na so magna obra Monumentos arquitectónicos de España (1859-1876), onde apaez la mayor parte de la producción de Frassinelli, dibuxando les illustraciones referíes a Asturies. Otra obra suya sería lÁlbum Monumental Astur que regaló al rei Alfonsu XII cuando visitó Cuadonga.

Cuando en 1871 Juan de Dios de la Rada y Delgado realiza la so espedición arqueolóxica al norte d'España y visita en Corao la cueva del Cuélebre, Frassinelli ya ye miembru de drechu de la comunidá científica española; en 1866 ingresó na Academia de Belles Artes de San Fernando y en 1868 na Academia de la Historia. Esi mesmu enviaría a Madrid, para el recién creado Muséu Arqueolóxicu Nacional, del que yera direutor José Amador de los Ríos, l'ortostatu con grabaos del dolmen d'Abamia, xunto con otros oxetos. Foi vocal de la Comisión de Monumentos históricos y artísticos de Oviedo, sociu del Instituto Arqueológico de Roma y a Corao lleguen honores, siendo nombrau Comendador de la Orden de Isabel la Católica y condecoráu cola Cruz de Francisco José de Austria.

Dende los años setenta hasta la muerte del obispu d'Uviéu Benito Sanz y Forés (1882) dedicóse intensamente a les obres de Cuadonga, primero proyeutando y faciendo El Camarín de la Cueva y La Capilla del Campu'l Colláu y más tarde centrau na basílica. Neste obres yera alministrador y contratista, diseñador y mayestru d'obres, en perféuta sintonía col canónigu Máximo de la Vega y l'obispu Sanz Forés. Ente 1882 y 1887, los nuevos collaboradores del obispu Martínez Vigil, responsables de la basílica de Cuadonga, le postergaron totalmente, colo que se retiró a su casa de Corao, onde morrió, siendo sepultáu n'Abamia.

Foi Frassinelli un eruditu que afayó nel país asturianu non pocos yacimientos arqueolóxicos y numberoses inscripciones romanes.

Bibliografía[editar | editar la fonte]

  • AA.VV.: Diccionario Enciclopédico del Principado de Asturias, Ediciones Nobel, Uviéu, 2004, Tomu 7, pax. 94.
  • PRADO GONZÁLEZ, RAÚL: en Gran Enciclopedia Asturiana, Silverio Cañada, Xixón, 1970, Tomu VII, pax. 99-100.

Referencies[editar | editar la fonte]

  1. 1,0 1,1 Identificador BNE: XX932897. Apaez como: Roberto Frassinelli. Data de consulta: 9 ochobre 2017.

Enllaces esternos[editar | editar la fonte]

Plantía:Enllaces personas