Robert Stephens
Robert Stephens | |
|---|---|
| Vida | |
| Nacimientu | Bristol, 14 de xunetu de 1931[1] |
| Nacionalidá |
 Reinu Xuníu |
| Muerte | Londres, 12 de payares de 1995[1] (64 años) |
| Causa de la muerte | complicaciones quirúrxiques |
| Familia | |
| Casáu con |
Maggie Smith (1967 – 1974) Patricia Quinn (1995 – 1995) |
| Fíos/es | |
| Estudios | |
| Llingües falaes | inglés |
| Oficiu | actor de teatru, actor de cine, actor de televisión |
| Premios | |
| Nominaciones | |
| IMDb | nm0827137 |
 | |
.svg){kind=small}
Robert Stephens (14 de xunetu de 1931, Bristol – 12 de payares de 1995, Londres) foi un actor británicu y miembru de la compañía teatral inglesa Royal National Theatre.
Trayeutoria[editar | editar la fonte]
Nacíu en Bristol, Inglaterra, aportó a unu de los actores más respetaos de la so xeneración, y na década de 1960 considerábase-y como'l socesor natural de Laurence Olivier.
En 1949, Stephens ganó una beca pa estudiar na compañía teatral de l'actriz Esme Church, na Bradford Civic Theatre School, en Bradford, onde conoció a Nora, una compañera d'estudios que sería la so primer esposa. El so primer trabayu profesional llegó nel Teatru Unicorn, dempués de lo qu'en 1951 pasó l'añu faciendo papeles de repertoriu nel Teatru Royalty de Morecambe, a lo cual siguieron temporaes de xira y d'actuaciones nel Hippodrome, en Preston. El direutor londinense Tony Richardson vio una actuación nel Royalty y ufiertó-y un puestu na primer temporada de la English Stage Company nel Royal Court Theatre en 1956. [2]
Nel so trabayu pal cine inclúyese una actuación menor como'l Príncipe Escala na cinta de Franco Zeffirelli Romeo y Julieta (1968), según papeles protagonistes na película de Billy Wilder The Private Life of Sherlock Holmes (1970) y nel filme de ciencia ficción The Asphyx (1973). Stephens y la so tercer esposa, l'actriz Maggie Smith, actuaron xuntos nel teatru y nel cine, destacando'l trabayu de la pareya en The Prime of Miss Jean Brodie en 1969. Sicasí, tres la so salida del National Theatre en 1970 y la rotura del so matrimoniu en 1973, la so carrera sufrió un cayente, a lo cual contribuyó amás la so adicción a la bébora.
Anque siguió trabayando como actor teatral (destaca la so actuación nel Royal National Theatre cola obra The Mysteries en 1986), cinematográficu (The Fruit Machine en 1988) y televisivu (importante papel de Abner Brown na dramatización de la BBC en 1984 del clásicu infantil The Box of Delights, y de maestru nun colexu de Oxford nun episodiu de Inspector Morse), nun foi hasta la década de 1990 en que volvió recuperar el so puestu como primer figura de la interpretación, cuando la Royal Shakespeare Company convidólu a encarnar a Falstaff en Enrique IV, parte 1 y a faer el papel del títulu en El rei Lear. En 1993 foi compensáu col Premiu Laurence Olivier al meyor actor pola so actuación como Sir John Falstaff en Enrique IV, cola Royal Shakespeare Company.
Amás, Stephens dio voz a Aragorn na serie radiofónica de 1981 de BBC Radio El Señor de los Aniellos.
Vida personal[editar | editar la fonte]
Stephens casóse cuatro veces:
- 1951, con Nora Ann Simmons; tuvieron un fíu, Michael Stephens, y divorciáronse en 1952.[2][3]
- 1956, con Tarn Bassett; tuvieron una fía y divorciáronse en 1967
- 1967, con Maggie Smith. Tuvieron dos fíos, los actores Toby Stephens y Chris Larkin, y divorciáronse en 1974.
- 1995, con Patricia Quinn (tamién conocida como Lady Stephens), qu'actuó con él en Fortunes of War y na producción televisiva de la BBC The Box of Delights.
En sufriendo mientres dellos años una mala salú, Stephens finó en Londres, Inglaterra, en 1995 por entueyos surdíos tres un tresplante de fégadu. Tenía 64 años d'edá, y once meses enantes fuera nomáu caballeru.
Seleición de la so filmografía[editar | editar la fonte]
- A Circle of Deception (1960)
- A Taste of Honey (1961)
- Pirates of Tortuga (1961)
- The Inspector (1962)
- Cleopatra (1963)
- The Small World of Sammy Lee (1963)
- Romeo and Juliet (1968) como El Príncipe Escalus
- The Prime of Miss Jean Brodie (1969)
- The Private Life of Sherlock Holmes (1970)
- Travels with My Aunt (1972)
- The Asphyx (1973)
- Luther (1974)
- QB VII (1974, TV)
- The Duellists (1977)
- At Night All Cats Are Crazy (1977)
- The Shout (1978)
- Holocaustu (1978, TV)
- Les jeux de la Comtesse Dolingen de Gratz (1980)
- Anyone for Denis? (1982, TV)
- Comrades (1986)
- High Season (1987)
- L'imperiu del Sol (1987)
- American Roulette (1988)
- The Fruit Machine (1988)
- Testimony (1988)
- Ada in the Jungle (1988)
- Enrique V (1989)
- Wings of Fame (1990)
- The Children (1990)
- Afraid of the Dark (1991)
- Chaplin (1992)
- Searching for Bobby Fischer (1993)
- The Secret Rapture (1993)
- Century (1993)
- England, My England (1995)
Referencies[editar | editar la fonte]
- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ 2,0 2,1 Stephens, Robert; Coveney, Michael (1995). Knight Errant. Londres: Hodder and Stoughton, páx. 11–15. ISBN 0340649704.
- ↑ Coveney, Michael (2004). «Stephens, Sir Robert Graham (1931–1995)», Oxford Dictionary of National Biography. Oxford: Oxford University Press.
