Robert Patrick

De Wikipedia
Saltar a: navegación, buscar
Robert Patrick
Robert Patrick
Nome real Robert Hammond Patrick, Jr.
Nacencia 5 de payares de 1958 (59 años)
Bandera de Estaos Xuníos d'América Marietta, Xeorxa,
Estaos Xuníos
Fíu/os Austin Patrick
Samuel Patrick
Ficha en IMDb

Robert Hammond Patrick Jr. (Marietta, Xeorxa, Estaos Xuníos; 5 de payares de 1958), ye un actor de cine y televisión estaunidense ganador de Premios Saturn. Ye meyor conocíu pol so papel como'l T-1000, el cyborg que camuda de forma y principal antagonista na película de James Cameron Terminator 2: El xuiciu final. Otros creitos inclúyen-y actuando en Cop Land, Spy Kids, The Faculty, y Los Ánxeles de Charlie: A la llende, según un papel recurrente na serie de televisión The Sopranos. Patrick tamién actuó en series de televisión empobinaes a la ciencia ficción, con papeles recurrentes en Más allá de la llende y más concretamente en Espediente X, onde protagoniza, ensin dulda el so papel más importante dende Terminator 2, como'l escépticu axente John Doggett. Más apocayá, Patrick interpretó al padre de Johnny Cash na película ganadora de los Premios de l'Academia nel añu 2005, Walk the Line. Yera unu de los actores principales de la serie d'acción y drama de la CBS The Unit, atayada en 2009.

Biografía[editar | editar la fonte]

Primeres etapes de la so vida[editar | editar la fonte]

Robert Patrick, Jr., el mayor de cinco hermanos, nació en Marietta (Xeorxa) el 5 de payares de 1958, fíu de Nadine y Robert Patrick, un banqueru. Pasó los sos primeros años de vida en Bay Village, un pequeñu suburbio de Cleveland (Ohio). Foi un atleta y futbolista na Bowling Green State University. El so hermanu Richard Patrick ye'l cantante de la banda Filter.

Carrera[editar | editar la fonte]

Patrick saltó a la fama pol so papel como antagonista de Arnold Schwarzenegger na película de 1991 Terminator 2: El xuiciu final. Interpretaba'l papel del T-1000, un imparable Terminator que tomaba forma humana, fechu de metal líquido que podía asonsañar l'apariencia de les persones con tan solo tener contactu físicu con elles; el so personaxe lluchó contra'l de Schwarzenegger, esta vegada "el bonu", el T-800. Un interés: Robert tamién interpretó esti personaxe na película "El mundu según Wayne", cuando un policía detien el coche que conducíen Wayne y Gart, averar al autu y pregúnta-y: "¿Visti a esti rapazu?", enseñándo-y la semeya de John Connor, de 10 años, y tamién nun curtiu cameo na película "Last Action Hero", tamién protagonizada por Schwarzenegger, onde se-y ve salir de la estación de policía.

En 2000, Patrick apaeció en dellos episodios de The Sopranos, interpretando a David Scatino. Tamién aportó a reconocíu na pequeña pantalla pol so papel del Axente John Doggett, ente 2000 y 2002 nes 2 últimes temporaes de Espediente X.

En 2004 actuó na serie Stargate Atlantis nel episodiu piloto como'l Coronel Marshall Sumner. Más apocayá, nel filme Walk the Line, mientres 2005, y nes miniseries de TV Elvis, Robert Patrick actuó de padre de Johnny Cash y de Elvis Presley, respectivamente. Tuvo un papel regular en The Unit, y ta programáu que va terminar filmando Lonely Street, una comedia onde'l so papel ye'l de Mr. Aaron, una misteriosa celebridá que pensó asonsañar la so propia muerte y que nun ye otru que Elvis Presley. N'ochobre de 2006 actuó en The Marine como Rome, el villanu.

Vida personal[editar | editar la fonte]

Patrick ta casáu cola actriz Barbara Patrick, qu'apaeció con él en dalguna de les sos películes tales como Zero Tolerance y como Barbara Doggett en dos episodios de Espediente X. Tien una fía llamada Austin y un fíu llamáu Samuel. Casi tolos años, fai'l Love Ride, un paséu de caridá en motocicleta que se celebra añalmente nel sur de California. Robert tamién ye l'hermanu de Richard Patrick, exguitarrista de Nine Inch Nails y cantante de los grupos de rock Filter y Army of Anyone.

Filmografía[editar | editar la fonte]

Patrick en 2007

The Cool Surface (1994) - Jarvis Scott

From Dusk Till Dawn 2: Texas Blood Money (1999) - Buck

Walk the Line (2005) - Ray Cash

Enllaces esternos[editar | editar la fonte]