Rick Aviles

De Wikipedia
Saltar a navegación Saltar a la gueta
Wikipedia:Artículos revisaos
Rick Aviles
Vida
Nacimientu Nueva York14 d'ochobre de 1952
Nacionalidá Bandera de Estaos Xuníos d'América Estaos Xuníos
Fallecimientu

Los Ángeles17 de marzu de 1995

(42 años)
Causa de la muerte fallecimiento por sida
Oficiu
Oficiu actor y Comediante
IMDb nm0043173
Cambiar los datos en Wikidata

Rick Aviles (14 d'ochobre de 1952 — 17 de marzu de 1995) foi un actor y comediante d'Estaos Xuníos recordáu pol so papel de Willie Lopez na película Ghost.

Primeros años[editar | editar la fonte]

Aviles (nacíu como Richard Anthony Aviles) nació na ciudá de Nueva York. La so güela treslladóse de Puertu Ricu a Estaos Xuníos a mediaos de la década de 1900 buscando una meyor calidá de vida. Los sos padres nacieron en Nueva York. El so padre Mariano Aviles yera fíu únicu de padres puertoriqueños y la so madre Carmen Reyes yera d'ascendencia venezolana. La so madre yera una muyer educada que s'aseguró de que los sos fíos fueren educaos cultural y académicamente. Aviles foi'l segundu de tres hermanos y yera bien apegáu a la so familia. Vivíen en Manhattan, Nueva York, nun barriu duru au davezu metíase en problemes. Una de les sos ventayes yera'l so llau risible. Los sos hermanos Angel Aviles (actriz y productora) y Rod Reyes (comediante y chef) tamién tán rellacionaos al mundu del entretenimientu.[1]

Carrera[editar | editar la fonte]

Nos años 1970 y 1980, Aviles trabayó como comediante en vivu nel circuitu de clubes de Greenwich Village, Nueva York. En 1981, consiguió'l papel de Mad Dog en The Cannonball Run. Siguiría trabayando en catorce producciones más. En 1987, consiguió un pequeñu papel como l'home del caltenimientu en El secretu del mio ésitu, protagonizada por Michael J. Fox. Esi mesmu añu foi anfitrión de It's Showtime at the Apollo, y siguiría como presentador hasta 1991.[2]

En 1990, Aviles consiguió unu de los sos más memorables papeles. Interpretó a Willie Lopez, l'asesín de Sam, en Ghost. La película foi aplastante ésitu na taquilla y recibió delles nominaciones al Óscar. Amás de Aviles, Ghost tamién cuntó coles actuaciones de Demi Moore, Patrick Swayze, Whoopi Goldberg y Vincent Schiavelli. Esi añu tamién apaeció en El padrín III de Francis Ford Coppola, onde foi acreditáu como Mask #1. Tamién tuvo papeles en Carlito's Way (1993), protagonizada por Al Pacino; Waterworld (1995), protagonizada por Kevin Costner; Mystery Train (1989), xuntu a Joe Strummer y Steve Buscemi; y fixo la voz d'una cucaracha en Joe's Apartment.[2]

Ente les series nes que trabayó tán Mr. & Mrs. Dracula (1980), The Day Women Got Even (1980), The Carol Burnett Show (1991) y The Stand (1994) de Stephen King.

Muerte[editar | editar la fonte]

Dempués de contraer VIH por aciu l'abusu d'heroína, Aviles morrió'l 17 de marzu de 1995 en Los Angeles, California, pola mor del sida.[3]

Filmografía[editar | editar la fonte]

Cine
Añu Pelícuña Papel Notes
1981 The Cannonball Run Mad Dog
1984 Billions for Boris Hector
1987 Street Smart Solo
The Secret of My Succe$s Maintenance Man
1988 Mondo New York Comic in Park
Spike of Bensonhurst Bandana Conocida tamién como: The Mafia Kid o Throwback!
1989 Mystery Train Will Robinson Segmentu: "Lost in Space"
Identity Crisis El Toro
1990 Ghost Willie Lopez
The Godfather Part III Mask #1
Green Card Vincent
1993 The Saint of Fort Washington Rosario
Carlito's Way Quisqueya
1995 Waterworld Gatesman
1996 Joe's Apartment Cockroach Voz
Televisión
Añu Títulu Papel Notes
1980 Mr. and Mrs. Dracula Mario
The Day the Women Got Even Pancho Diaz Telefilme
1989 No Place Like Home J.J. Telefilme
1991 Monsters Un capítulu
The Carol Burnett Show Dellos personaxes
1993 Moon Over Miami Frankie The Rat Un capítulu
1994 The Stand Rat Man Miniserie

Referencies[editar | editar la fonte]

Enllaces esternos[editar | editar la fonte]