Richard Herd

De Wikipedia
27-05-2020 09:02
Richard Herd
Vida
Nacimientu Boston26 de setiembre de 1932
Nacionalidá Bandera de Estaos Xuníos d'América Estaos Xuníos
Muerte Los Angeles[1]26 de mayu de 2020[1] (87 años)
Causa de la muerte cáncanu[2]
Estudios
Llingües falaes inglés
Oficiu actor de televisión, actor de cineactor de voz
Trabayos destacaos Seinfeld
IMDb nm0378800
Cambiar los datos en Wikidata

Richard Herd (26 de setiembre de 1932Boston – 26 de mayu de 2020Los Angeles) foi un actor d'Estaos Xuníos de películes y televisión. Conocíu pol so papel na serie de ciencia ficción V de la cadena NBC (1983) y la secuela en V The Final Battle (1984), interpretando a John, el comandante supremu de los Visitantes.

Otros papeles principales del mesmu xéneru inclúin participaciones recurrentes na serie de NBC seaQuest DSV como l'almirante William Noyce, y en Star Trek: Voyager como almirante Owen Paris, el padre de Tom Paris. Dos apariciones como convidáu especial en Quantum Leap, nuna serie pa neños foi'l Captain Galaxy (Moe Stein), un viaxeru del tiempu. Apaeció en delles convenciones d'aficionaos por cuenta de la so interpretación de papeles en series de ciencia ficción.
Amás de la ciencia ficción, tuvo de cutiu'l papel del capitán Dennis Sheridan en T. J. Hooker de 1982 hasta 1985, y apaeció en Seinfeld como'l Señor Wilhelm, el xefe de George Costanza en New York Yankees. Otres apaiciones como convidáu inclúin The Rockford Files, Starsky & Hutch, Quantum Leap, The A-Team, NYPD Blue, y JAG. Fixo'l so debú cinematográficu na película Hercules in New York (1970), y dacuando sirvió como'l tercer Vicepresidente Nacional del Sindicatu d'Actores Estauxunidenses Screen Actors Guild.

El so primer papel protagonista foi na película de suspensu The China Syndrome (1979) xunto a Jane Fonda, Jack Lemmon y Michael Douglas, nel cual protagonizaba a Evan McCormick, un corruptu presidente de la compañía de gas y lletricidá de California. Con esti papel algamó la fama fuera d'Estaos Xuníos. Según los datos de la Internet Movie Database, tien traces faciales similares al actor Karl Malden y de cutiu ye confundíu con él.

Filmografía[editar | editar la fonte]

Referencies[editar | editar la fonte]

  1. 1,0 1,1 «Richard Herd, Mr. Wilhelm on 'Seinfeld,' Dies at 87» (26 mayu 2020).
  2. Afirmao en: The Hollywood Reporter. Títulu: He also appeared on 'T.J. Hooker' and three 'Star Trek' shows and on the big screen in 'All the President's Men' and 'The China Syndrome.'. Data de consulta: 27 mayu 2020. Editorial: Penske Media Corporation. Llingua de la obra o nome: inglés. ISSN: 0018-3660.

Enllaces esternos[editar | editar la fonte]