Richard Felton Outcault

Richard Felton Outcault
Vida
Nacimientu	Lancaster , 14  de xineru de 1863
Nacionalidá	Estaos Xuníos
Fallecimientu	Flushing , 25  de setiembre de 1928 (65 años)
Sepultura	Forest Lawn Memorial Park
Estudios
Estudios	Art Academy of Cincinnati
Llingües	inglés
Oficiu
Oficiu	historietista, pintor y guionista
Emplegadores	The Street Railway Journal New York Herald Judge Life Truth Magazine New York World  (1894 -  ochobre 1896) New York Journal-American  (ochobre 1896 -  1898) New York World  (1898 - New York Journal-American  (1905 -  1920)
IMDb	nm0653653

Richard Felton Outcault (Lancaster, Ohio, 14 de xineru de 1863; Flushing, Nueva York; 25 de setiembre de 1928) foi guionista y dibuxante d'historietes asina como pintor estadunidense. Outcault foi'l creador de la serie The Yellow Kid (El rapaz amariellu), a partir de la que nació y se desarrolló la historieta y la tira cómica tal y como les conocemos anguaño.

Biografía

Fragmentu de Buster Brown de 1903.

Outcault entamó la so carrera como ilustrador téunicu de Thomas A. Edison y como dibuxante humorísticu pa les revistes Judge y Life.

Bien ceo firmó pal New York World de Joseph Pulitzer y nel so suplementu dominical a color llamaáu World entamó, el 5 de mayu de 1895, la serie de megaviñetes cómiques Hogan's Alley que presentaba a un neñu de los suburbios y sobre la so camisa apaecíen los testos. A partir del 5 de xineru de 1896, esta camisa foi colloreada, a modu d'esperimentu, con un color particularmente abegosu por aquel tiempu: l'amariellu; d'esta manera la espresión popular Yellow Kid acabó por pasar dende'l públicu hasta'l títulu xeneral de la serie.

Cuando n'ochobre de 1896 pasó a trabayar pal New York Journal de William Randolph Hearst, rival de Pulitzer, The Yellow Kid entamó a apaecer como una socesión de viñetes en llugar d'una sola. Esto, que Outcault llevó a cabu por iniciativa del propiu Hearst ye considerao por munchos teóricos el verdaderu momentu del nacimientu de la historieta.

En 1897 volvió a cambiar de periódicu, creando pal New York Herald, les series Poor Li'l Mose (1901) y Buster Brown (1902-1905). Ésta última continuaríala en New York American dende 1906 hasta 1920.