Richard Dedekind

De Wikipedia
Saltar a navegación Saltar a la gueta
Richard Dedekind
Dedekind.jpeg
Vida
Nacimientu Braunschweig6 d'ochobre de 1831
Nacionalidá Confederación Xermánica
Imperiu alemán
Fallecimientu

Braunschweig12 de febreru de 1916

(84 años)
Sepultura Braunschweig
Familia
Padre Julius Levin Ulrich Dedekind
Madre Caroline Marie Henriette Emperius
Hermanos/es
Estudios
Estudios Universidad Técnica de Brunswick
(1848 - 1850)
Universidá de Gotinga
(1850 - 1852)
Universidá Humboldt de Berlín
(1852 - 1854)
Nivel d'estudios Ph.D.
habilitación
Direutor de tesis Carl Friedrich Gauss
Peter Gustav Lejeune Dirichlet
Llingües alemán
Oficiu
Oficiu matemáticu, filósofu y profesor universitariu
Empleadores Escuela Politécnica Federal de Zúrich  (1858 -
Universidad Técnica de Brunswick  (1862 -  1894)
Miembru de Academia Alemana de les Ciencies Naturales Leopoldina
Academia de Ciencias de Gotinga
Academia Nacional de los Linces
Academia Prusiana de les Ciencies
Academia Francesa de les Ciencies
Cambiar los datos en Wikidata

Julius Wilhelm Richard Dedekind (6 d'ochobre de 1831 - 12 de febreru de 1916) foi un matemáticu alemán.

Biografía[editar | editar la fonte]

Nació en Brunswick (Alemán: Braunschweig), el más nuevu de los cuatro fíos de Julius Levin Ulrich Dedekind. Vivió con Julia, la so hermana soltera, hasta que finó en 1914; él mesmu tamién quedó solteru. En 1848 entró nel Colegium Carolinum de la so ciudá natal, y en 1850, con sólides conocencies de matemátiques na Universidá de Gotinga.

Dedekind aprendió matemátiques nos departamentos de matemátiques y física d'aquella universidá, siendo unu de los sos principales profesores Moritz Abraham Stern, y tamién física de la mano de Wilhelm Eduard Weber. La so tesis doctoral, supervisada por Gauss, titulábase Über die Theorie der Eulerschen Integrale (Sobre la teoría de les Integrales eulerianas), y anque nella nun se reflexaba'l talentu qu'amosó nos sos trabayos posteriores, Gauss supo apreciar el don de Dedekind pa les matemátiques. Dedekind recibió'l so doctoráu en 1852, siendo'l postreru alumnu de Gauss, y trabayó de siguío nuna tesis de habilitación, que yera necesaria n'Alemaña pa llograr la "laude docendi" (habilitación d'enseñanza docente n'universidaes alemanes).

Mientres los siguientes años, estudió teoría de númberos y otres materies con Gustav Dirichlet, al que-y xuniría una gran amistá. P'ampliar les sos conocencies, encetó l'estudiu de les funciones abelianas y elíptiques de la mano del xenial Bernhard Riemann. Namá tres estes esperiencies, na so formación, atopó a la fin los sos campos de trabayu principales: la álxebra y la teoría de númberos alxebraicos. Dicir d'él que foi'l primeru n'impartir clases universitaries sobre la teoría de les ecuaciones de Galois. Foi amás el primeru n'entender el significáu fundamental de les nociones de grupu, cuerpu, Ideal nel campu del álxebra, la teoría de númberos y la xeometría alxebraica.

Los sos cortes atayen definitivamente'l problema de la fundamentación del analís al definir el conxuntu de los númberos reales a partir de los racionales. Nel so maxistral artículu de 1872, Dedekind caracterizó los númberos reales como un cuerpu ordenao y completo, y ufiertó un desenvolvimientu de tola cuestión que ye un modelu d'organización y claridá.

El so trabayu sobre los númberos naturales foi tamién fundamental, sentando bases pa la teoría de conxuntos, xuntu con Frege y Cantor, y dando una fundamentación bien rigorosa de los llamaos Axomes de Peano (publicaos pol italianu un añu más tarde).

Con ser importantes, eses nun fueron les contribuciones principales de Dedekind a la matemática pura: trabayó tola so vida na teoría de númberos alxebraica, qu'en bona midida creó. Y en el procesu, sentó munchos de los métodos característicos de la álxebra moderna, hasta'l puntu de que Emmy Noether solía repitir que "tou ta yá en Dedekind".

La correspondencia de Dedekind con otros matemáticos resultó especialmente granible y estimulante: primero de too la correspondencia con Cantor, onde asistimos a la nacencia de la teoría de conxuntos transfinitos; pero tamién la correspondencia con H. Weber, qu'ente otres coses condució a un artículu pioneru de la xeometría alxebraica; y la que caltuvo con Frobenius, impulsando'l desenvolvimientu de la teoría de representaciones de grupos.

Bibliografía[editar | editar la fonte]

  • R. Dedekind. ¿Qué son y para qué sirven los númberos?, y otros escritos. Edición de J. Ferreirós. Madrid, Alianza, 1997.
  • S. W. Hawking (ed). Dios creó los númberos. Barcelona, Crítica, 2007. Inclúi los trabayos sobre númberos naturales y reales.
  • Biografía de Dedekind en Divulgamat: http://divulgamat.ehu.es/weborriak/historia/MateOspetsuak/Dedekind.asp
  • Artículu de Ignasi Jané sobre Dedekind y Cantor: http://divulgamat.ehu.es/weborriak/historia/Gaceta/Historia43.pdf
  • Correspondencia con Cantor, disponible en Cantor, Georg (2005): Fundamentos pa una teoría xeneral de conxuntos: escritos y correspondencia selecta; ed. J. Ferreirós; Barcelona, Editorial Crítica.

Enllaces esternos[editar | editar la fonte]










Richard Dedekind