Richard Dedekind

Richard Dedekind
Vida
Nacimientu	Braunschweig, 6 d'ochobre de 1831
Nacionalidá	[[Duchy of Brunswick (en)
Llingua materna	alemán
Muerte	Braunschweig, 12 de febreru de 1916 (84 años)
Sepultura	Braunschweig Main Cemetery (en)
Familia
Padre	Julius Dedekind
Madre	Caroline Marie Henriette Emperius
Hermanos/es	Julie Dedekind; Adolf Dedekind
Familia	ver Alfred Dedekind (sobrín);
Estudios
Estudios	Martino-Katharineum (en) ; (1838 - 1848) ; Collegium Carolinum (en) ; (1848 - 1850) ; Universidá de Göttingen ; (1850 - 1852) ; Universidá Federico Guillermo ; (1852 - 1854)
Nivel d'estudios	Philosophiæ doctor ; habilitation (en)
Tesis	Über die Elemente der Theorie der Euler'schen Integrale
Direutor de tesis	Carl Friedrich Gauss
Llingües falaes	alemán
Alumnu de	Peter Gustav Lejeune Dirichlet
Oficiu
Oficiu	matemáticu, filósofu, profesor universitariu
Emplegadores	Universidá de Göttingen (1854 – 1858); Escuela Politéunica Federal de Zúrich (1858 – 1862); Technische Universität Braunschweig (1862 – 1894)
Trabayos destacaos	Stetigkeit und Irrationale Zahlen; Was sind und was sollen die Zahlen?; Über die Theorie der ganzen algebraischen Zahlen; Dedekind cut (en) ; Dedekind's isomorphism theorem (en) ; Dedekind domain (en) ; Dedekind–Kummer theorem (en) ; construction of the real numbers (en) ; Dedekind eta function (en) ; Dedekind zeta function (en) ; Dedekind psi function (en) ; Dedekind–Hasse norm (en) ; Cantor–Dedekind axiom (en) ; Dedekind group (en) ; Dedekind-infinite set (en) ; Dedekind sum (en) ; Dedekind number (en) ; least-upper-bound property (en)
Miembru de	Academia Alemana de les Ciencies Naturales Leopoldina ; Niedersächsische Akademie der Wissenschaften zu Göttingen ; Accademia Nazionale dei Lincei ; Academia Prusiana de les Ciencies ; Academia Francesa de les Ciencies ; Burschenschaft Brunsviga (en)

Julius Wilhelm Richard Dedekind (6 d'ochobre de 1831, Braunschweig – 12 de febreru de 1916, Braunschweig) foi un matemáticu alemán qu'exerció una fuerte influyencia nos matemáticos posteriores, especialmente nel campu de la teoría de númberos.

Biografía

Nació en Brunswick (alemán: Braunschweig), el más nuevu de los cuatro fíos de Julius Levin Ulrich Dedekind. Vivió con Julia, la so hermana soltera, hasta que finó en 1914; él mesmu tamién quedó solteru. En 1848 entró nel Colegium Carolinum de la so ciudá natal, y en 1850, con sólides conocencies de matemátiques na Universidá de Gotinga.

Dedekind aprendió matemátiques nos departamentos de matemátiques y física d'aquella universidá, siendo unu de los sos principales profesores Moritz Abraham Stern, y tamién física de la mano de Wilhelm Eduard Weber. La so tesis doctoral, supervisada por Gauss, titulábase Über die Theorie der Eulerschen Integrale (Sobre la teoría de les Integrales eulerianas), y anque nella nun se reflexaba'l talentu qu'amosó nos sos trabayos posteriores, Gauss supo apreciar el don de Dedekind pa les matemátiques. Dedekind recibió'l so doctoráu en 1852, siendo'l postreru alumnu de Gauss, y trabayó de siguío nuna tesis de habilitación, que yera necesaria n'Alemaña pa llograr la "laude docendi" (habilitación d'enseñanza docente n'universidaes alemanes).

Mientres los siguientes años, estudió teoría de númberos y otres materies con Gustav Dirichlet, al que-y xuniría una gran amistá. P'ampliar les sos conocencies, encetó l'estudiu de les funciones abelianas y elíptiques de la mano del xenial Bernhard Riemann. Namái tres estes esperiencies, na so formación, atopó a la fin los sos campos de trabayu principales: la álxebra y la teoría de númberos alxebraicos. Dicir d'él que foi'l primeru n'impartir clases universitaries sobre la teoría de les ecuaciones de Galois. Foi amás el primeru n'entender el significáu fundamental de les nociones de grupu, cuerpu, Ideal nel campu del álxebra, la teoría de númberos y la xeometría alxebraica.

Los sos cortes atayen definitivamente'l problema de la fundamentación del analís al definir el conxuntu de los númberos reales a partir de los racionales. Nel so maxistral artículu de 1872, Dedekind caracterizó los númberos reales como un cuerpu ordenao y completo, y ufiertó un desenvolvimientu de tola cuestión que ye un modelu d'organización y claridá.

El so trabayu sobre los númberos naturales foi tamién fundamental, sentando bases pa la teoría de conxuntos, xunto con Frege y Cantor, y dando una fundamentación bien rigorosa de los llamaos Axomes de Peano (publicaos pol italianu un añu más tarde).

Con ser importantes, eses nun fueron les contribuciones principales de Dedekind a la matemática pura: trabayó tola so vida na teoría de númberos alxebraica, qu'en bona midida creó. Y en el procesu, sentó munchos de los métodos carauterísticos de la álxebra moderna, hasta'l puntu de que Emmy Noether solía repitir que "tou ta yá en Dedekind".

La correspondencia de Dedekind con otros matemáticos resultó especialmente granible y estimulante: primero de too la correspondencia con Cantor, onde asistimos a la nacencia de la teoría de conxuntos transfinitos; pero tamién la correspondencia con H. Weber, qu'ente otres coses condució a un artículu pioneru de la xeometría alxebraica; y la que caltuvo con Frobenius, impulsando'l desenvolvimientu de la teoría de representaciones de grupos.

Referencies

↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
1 2 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
↑ URL de la referencia: http://www.w-volk.de/museum/grave58.htm.
↑ Afirmao en: autoridaes BNF. Identificador BnF: 123734127. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

Bibliografía

R. Dedekind. ¿Qué son y para qué sirven los númberos?, y otros escritos. Edición de J. Ferreirós. Madrid, Alianza, 1997.
S. W. Hawking (ed). Dios creó los númberos. Barcelona, Crítica, 2007. Inclúi los trabayos sobre númberos naturales y reales.
Biografía de Dedekind en Divulgamat: http://divulgamat.ehu.es/weborriak/historia/MateOspetsuak/Dedekind.asp Archiváu 2011-03-16 en Wayback Machine
Artículu de Ignasi Jané sobre Dedekind y Cantor: http://divulgamat.ehu.es/weborriak/historia/Gaceta/Historia43.pdf Archiváu 2010-10-11 en Wayback Machine
Correspondencia con Cantor, disponible en Cantor, Georg (2005): Fundamentos pa una teoría xeneral de conxuntos: escritos y correspondencia selecta; ed. J. Ferreirós; Barcelona, Editorial Crítica.

Enllaces esternos

Wikimedia Commons tien conteníu multimedia tocante a Richard Dedekind.
http://plato.stanford.edu/entries/dedekind-foundations/
O'Connor, John J.; Robertson, Edmund F., «Richard Dedekind» (n'inglés), MacTutor History of Mathematics archive, Universidá de Saint Andrews, http://www-history.mcs.st-andrews.ac.uk/Biographies/Dedekind.html .

[205eabda4a2cf7d4f8ede558f514fc289fb74afd-1] Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.

[abc9457dcf728dd069b8ed5b2e1a86035cf2b679-2] 1 2 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.

[503c8b8879ebe3e0e1614b921627708c0b8228ca-3] Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.

[a8a4fc30573835316c931097824a0a441444c0df-4] URL de la referencia: http://www.w-volk.de/museum/grave58.htm.

[d5754eaedf6f992702847706a004472bf74467c6-5] Afirmao en: autoridaes BNF. Identificador BnF: 123734127. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[1]

[2]

[3]

[4]

[5]