Richard Burgi

De Wikipedia
Saltar a navegación Saltar a la gueta
Richard Burgi
Richard Burgi
Vida
Nacimientu

Montclair30  de xunetu de 1958

(60 años)
Nacionalidá Bandera de Estaos Xuníos d'América Estaos Xuníos
Oficiu
Oficiu actor, actor de televisión y actor de cine
IMDb nm0121404
Cambiar los datos en Wikidata

Richard Burgi (30  de xunetu de 1958Montclair), ye un actor, actor de televisión y actor de cine estauxunidense. Ye conocíu poles sos participaciones como'l Detective Jim Ellison en The Sentinel y como Karl Mayer en Desperate Housewives.

Biografía[editar | editar la fonte]

Vida personal[editar | editar la fonte]

Burgi nació nos suburbios de (Montclair, Nueva Jersey. La so familia tuvo arreyada nel teatru comuñal. El so hermanu ye Chuck Burgi, un baterista de rock bien conocíu que compartió escenariu con distintos artistes, ente ellos Billy Joel. Dempués de la secundaria, Burgi viaxó al traviés de los EE.XX. y Europa, tomando trabayos ocasionales.

Burgi casóse con Lori Kahn el 25 de payares de 1995. Tuvieron dos fíos, Jack (8 d'avientu de 1996) y Samuel (15 d'agostu de 2000), y vivieron en Llaguna Beach, California, hasta'l so divorciu en 2011.

En febreru de 2012, Burgi contraxo matrimoniu con Liliana López.

Carrera[editar | editar la fonte]

Burgi empezó la so carrera en Nueva York, interpretando papeles regulares en series televisives norteamericanes (soap opera, como por casu One Life to Live, Another World y As The World Turns. Depués de camudase a Los Angeles, actuó na serie Days of our Lives y apaeció en diversos programes de televisión (incluyendo la película Chamaleons de 1989), gracies a lo cual recibió un papel na serie Viper. El so primer papel protagonista sería en One West Waikiki (1994).

Burgi foi escoyíu como'l protagonista de la serie The Sentinel (1996-1999), atayada dempués de tres temporaes. Al nun resolvese les cuestiones clave del argumentu, el siguidores de la mesma realizaron una campaña por que se filme media temporada dándo-y el debíu final. Más tarde, recibió papeles recurrentes en The District, 24 y Judging Amy, según pequeños papeles n'otres series y nel cine. En 1998 fixo la remake de la película I Married a Monster.

Dende l'añu 2004, Burgi participó con papeles protagónicos en series como Desperate Housewives, Harper's Island y Hot in Cleveland, ente otres, y apaeció como actor invitáu en Law & Order: Special Victims Unit. Chuck, One Tree Hill, solo por mentes dalgunes. Tamién protagonizó na pantalla grande'l thriller Cellular (2004), según una nueva versión de Fun with Dick and Jane y el romance In Her Shoes xuntu a Toni Collette. En 2007, participa na película de terror Hostel: Parte II y, en 2009, en Friday the 13th.

Filmografía[editar | editar la fonte]