Ricardo Mojardín

De Wikipedia
Saltar a navegación Saltar a la gueta
Ricardo MojardínPicto infobox character.png
Vida
Nacimientu

Bual1956

[1] (64/65 años)
Nacionalidá Flag of Spain.svg España
Estudios
Llingües castellanu
Oficiu
Oficiu pintorgrabador
Cambiar los datos en Wikidata

Ricardo Mojardín (1956Bual) ye un pintor, grabador y autor d'instalaciones asturianu.

Mojardín fizo esposiciones individuales nuna buena riestra de ciudaes españoles n'Asturies, Madrid, Bilbao, Barcelona, Teruel, Lugo, Marbella, La Coruñay Girona asina como nel estranxero, Pau y Tarbes (Francia) y Quitu (Ecuador) participando en feries d'arte y esposiciones coleutives n'Europa, América del Sur, Estaos Xuníos, Canadá y Xapón. Recibió numberosos premios de pintura y grabao, ente otros el Premiu de Pintura de la Xunta Xeneral del Principáu d'Asturies y el Premiu Nacional de Grabáu del Muséu del Grabáu Español Contemporaneu. La so obra ta presente en diversos museos y instituciones públiques y privaes d'Europa, América y Xapón.

Biografía[editar | editar la fonte]

Aunque nació en Bual, treslladóse cola familia a vivir a Les Vegues (Corvera) y nel institutu foi alumnu d'otru pintor asturianu, Vicente Santarúa que descubrió en Ricardo les sos cualidaes artístiques. Posteriormente pasaría pola Escuela d'Artes y Oficios d'Avilés.

Previamente a dedicase a l'actividá artística, Ricardo Mojardín trabayó d'aprendiz n'Ensidesa onde entró con dieciséis años[2].

Dende finales de los años 90, recurriendo a una audaz y irónica xeneralización de los códigos estéticos, les pintures, grabaos yinstalaciones de Ricardo Mojardín muévense nun suxerente y personal triángulu d'interrellaciones llendáu pola historia del arte, el ser humanu y el restu de los animales. A pesar d'ello, son siempre estos últimos los que tienen el papel protagonista, nunes ocasiones por ser los destinatarios casi esclusivos de les obres espuestes (Autorretratos na cuadra, 1992; Durero en La Mesa, 1998; Una Historia del Arte pa vaques, 2002; Arqueoloxía pa cascoxos, 2002, etc.) y n'otres por ser el modelu representáu nes mesmes (Karmanimal-retratos, 2003; Karmanimal-muuu, 2004, Karmanimal-Acuarium, 2005; Karmanimal-en El Prado, 2005/2006; o Cave canem, 2007/08). En toes estes series Ricardo Mojardín dilí les fronteres ente humanidá y animalidá, entre lo racional y lo irracional, cuestiona mordazmente l'apropiación n'esclusiva poel homo-sapiens de conceptos como sensibilidá artística, cultura o espiritualidá, y invita a reflexonar sobre l'arrogancia y la prepotencia del ser humanu nes sos rellaciones tanto col propiu arte como colos demás seres vivos.

Referencies[editar | editar la fonte]

  1. «registro de autoridades BNE». Consultáu'l 3 xunetu 2020.
  2. [1] La Nueva España, 27.06.2010

Enllaces esternos[editar | editar la fonte]