Rho Coronae Borealis

De Wikipedia
Saltar a: navegación, buscar
Rho Coronae Borealis
Rho Coronae Borealis
Constelación Corona Borealis
Ascensión reuta α 16h 01min 02,66s
Declinación δ +33º 18’ 12,6’’
Distancia 56,8 ± 0,7 años lluz
Magnitú visual +5,40
Magnitú absoluta +4,18
Lluminosidá 1,61 - 1,77 soles
Temperatura 5855 K
Masa 0,96 soles
Radiu 1,35 soles
Tipu espectral G0V
Velocidá radial +18,4 km/s
Otros nomes HD 143761 / HR 5968
HIP 78459 / SAO 65024

Rho Coronae Borealis (ρ CrB / 15 Coronae Borealis) ye una estrella na constelación de Corona Boreal de magnitú aparente +5,40.[1] Visualmente ta asitiada al norte de ι Coronae Borealis y al nordés de θ Coronae Borealis y Alphecca (α Coronae Borealis).[2]

Distante 56,8 años lluz del Sistema Solar, Rho Coronae Borealis ye una nana mariella análoga al Sol de tipu espectral G0V y 5855 K de temperatura.[3] De masa prácticamente igual a la masa solar y con un radiu un 35% más grande qu'el radiu solar, tien una lluminosidá equivalente a 1,70 soles. El so metalicidá, basada na bayura de fierro, ye aprosimao 2/3 de la de la nuesa estrella.[3] Amuesa una actividá de cromosférica relativamente baxa y ye una estrella de lenta rotación, completando un xiru n'aprosimao 20 díes;[4] esti valor ye llixeramente inferior al del Sol —25,4 díes—.[5] Piénsase que Rho Coronae Borealis ta cerca del final de la so etapa como estrella de la secuencia principal. Ello concuerda cola so edá envalorada, en redol a 11.000 millones d'años.[3]

Rho Coronae Borealis tien un discu circumestelar de polvu que puede ser similar en composición al Cinturón de Kuiper del Sistema Solar, pudiendo estendese hasta 85 UA de la estrella.

Sistema planetariu[editar | editar la fonte]

En 1997 anuncióse'l descubrimientu d'un planeta estrasolar, denomináu Rho Coronae Borealis b, con siquier la masa de Xúpiter, orbitando mui cerca de la estrella —apenes a 0,22 UA, daqué más de la metá de la distancia ente Mercuriu y el Sol— con un periodu orbital de 39,85 díes.[5][6]

Acompañante
(N'orde dende la estrella)
Masa
(MJ)
Períodu orbital
(días)
Semiexe mayor
(UA)
Excentricidá
Rho Coronae Borealis b > 1,04 39,845 0,22 0,04 ± 0,015

Propúnxose la presencia d'un segundu planeta más masivu —Rho Coronae Borealis c— nuna órbita esterior.[2] Sicasí, analís astrométricos posteriores suxuren que'l primer planeta podría tener una masa enforma mayor que la primeramente calculada, en redol a 115 vegaes la masa de Xúpiter, nun siendo nesti casu un planeta sinón una tenue nana colorada acompañante.[7]

Ver tamién[editar | editar la fonte]

Referencies[editar | editar la fonte]

  1. LHS 3145 -- High proper-motion Star (SIMBAD)
  2. 2,0 2,1 Rho Coronae Borealis (Solstation)
  3. 3,0 3,1 3,2 Takeda, Genya; Ford, Eric B.; Sills, Alison; Rasio, Frederic A.; Fischer, Debra A.; Valenti, Jeff A.. «Structure and Evolution of Nearby Stars with Planets. II. Physical Properties of ~1000 Cool Stars from the SPOCS Catalog». The Astrophysical Journal Supplement Series 168. pp. 297-318. http://cdsads.u-strasbg.fr/cgi-bin/nph-bib_query?2007ApJS..168..297T&db_key=AST&nosetcookie=1. 
  4. Henry, Gregory W.; Baliunas, Sallie L.; Donahue, Robert A.; Fekel, Francis C.; Soon, Willie. «Photometric and Ca II H and K Spectroscopic Variations in Nearby Sun-like Stars with Planets. III.». The Astrophysical Journal 531. pp. 415-437. http://adsabs.harvard.edu/cgi-bin/bib_query?2000ApJ...531..415H. 
  5. 5,0 5,1 Noyes, Robert W.; Jha, Saurabh; Korzennik, Sylvain G.; Krockenberger, Martin; Nisenson, Peter; Brown, Timothy M.; Kennelly, Edward J.; Horner, Scott D.. «A Planet Orbiting the Star ρ Coronae Borealis». The Astrophysical Journal 483. pp. L111–L114. http://cdsads.u-strasbg.fr/cgi-bin/nph-bib_query?1997ApJ...483L.111N&db_key=AST&nosetcookie=1. 
  6. Rho Coronae Borealis (The Estrasolar Planets Encyclopaedia)
  7. Han, Inwoo; Black, David C.; Gatewood, George. «Preliminary Astrometric Masses for Proposed Estrasolar Planetary Companions». The Astrophysical Journal 548. pp. L57-L60. http://cdsads.u-strasbg.fr/cgi-bin/nph-bib_query?2001ApJ...548L..57H&db_key=AST&nosetcookie=1.