Revueltu de Güevu

De Wikipedia
Saltar a: navegación, buscar
Revueltu con beicon.

El revueltu de güevu ye un platu fechu con güevos llixeramente batíos y cocináu nun sartén con aceite o mantequilla hasta que cuaya y forma una especie de grumos. Ye consideráu unu de los platos más xenéricos de la cocina y forma parte principalmente d'un almuerzu anque en delles cocines forma parte de platos principales.

Carauterístiques[editar | editar la fonte]

Güevu revueltu con cogordes

Al batíu de güevos pueden amestáse-y pequenes tires de tocín, taquinos de xamón, cachos de quesu, distintos vexetales y tamién nata o lleche por que quede más nidia.

Cuando s'eslee güevu con otros líquidos, por riegla xeneral auméntase la temperatura a la que cuaya'l güevu y esto ten de ser tomáu en cuenta al faer un güevu revueltu, la dilucción fai que les distancies de les proteínes atopase con más molécules d'agua y ye necesariu más temperatura por que les molécules de proteína se ordenen, l'azucre fai crecer la tempertura igualmente. Si consideramos l'amiestu d'un vasu de lleche, azucre y un güevu al nun entemecese la temperatura de cuayáu ye cercana a los 70 °C ente que l'amiestu va rondar los 78º-80 °C.[1]

Suelse dicir que'l sal y los alimentos acedos 'endurecen' les proteínes del güevu, esto ye por cuenta de qu'amenorguen la temperatura de cuayamientu, pero producen coles mesmes una testura más tienra (especialmente más tienra cola adición de ingrecientes acedos). En delles recetes emplegábase verjus como acidulante, na cocina marroquina atópense platos con güevu revueltu a los que se añade vinagre.[2]

Variantes[editar | editar la fonte]

Revueltu de merluza y oricios na Sociedá Gastronómica El Rinconín

Al ser un platu de bona preparación y qu'almite numberoses combinaciones, los güevos revueltos tán presentes en casi cualquier cocina del mundu. En dellos países como Estaos Xuníos y Canadá suelen sirvise nel almuerzu y n'Inglaterra formen parte del almuerzu inglés, al igual que los güevos con bacon. Na cocina mexicana atópense platos como'l machuca con güevu. Na cocina escocesa, los scotch woodcock. N'España pueden comese acompañaos d'espárragos trigeros o con arbeyos, gambes, o angules (bien sía la orixinal o un sucedaneu de surimi). Tamién son bien tradicionales los duelos y quebrantos. En Colombia y Venezuela, los güevos revueltos puramente dichos lleven tomate y cebolla cortaos en brunoise llamenlos  "güevos pericos" (Colombia) o a cencielles "pericu" (Venezuela).

Referencies[editar | editar la fonte]

  1. "On food on Cooking", Harold McGee, 2004, Capítulo sobre "Eggs"
  2. "Couscous and Other Good Food from Morocco", P Wolfert - 1973 - Harper & Row