Resistência Galega

De Wikipedia
Saltar a navegación Saltar a la gueta
Resistência Galega
Operacional 2005 (ñacimientu)
Oxetivos Facer de Galicia un estáu soberanu
Rexones d'aición Flag of Galicia.svg Galicia
Ideoloxía socialismu, galleguismu, nacionalismu gallegu, independentismu
Brazu políticu estrema izquierda
Enemigos Flag of Spain.svg España
[editar datos en Wikidata]

Resistência Galega ye una organización armada gallega que ñació en 2005. Distintes persones a títulu individual y pequeños grupos reivindicaron aiciones violentes de llucha independentista gallega d'esquierdes. El términu ñaz a partir d'un Manifiestu de Resistência Galega[1] publicáu nel 2005.

Historia[editar | editar la fonte]

Pintada a favor de Resistência Galega nun caxeru de Novagalicia Banco en Redondela.

La primer referencia al términu Resistência Gallega apaez nos díes previos al "Día da Patria" de 2005, cuando s'espubliza n'internet un "Manifiesto pola Resistência Galega". El manifiestu anima a la "luita popular galega pola Libertação nacional e social da Galiza", xustificando la llucha armada, y defendiendo una resistencia ensin nomes nin sigles, anónima.

Nos dos años vinientes, apaecen pintaes col lema de Resistência Galega en llugares atacaos por esta, que dempués sedrán reivindicaos pola organización. Llegó a pensase la esistencia d'una organización con esi nome, supuestamente llideráu por Toninho y otros dos foraxíos. Asina, la prensa atribuyó distintos atentaos, ya intentos d'atentaos, al supuestu grupu Resistência Galega. Nel norte de Portugal atoparon material pa fabricar esplosivos, acompañáu de panfletos que facíen referencia a Resistência Gallega, tamién s'especuló sobre la esistencia d'un comandu estable nel estáu Portugués. Hebo un aumentu d'actos de l'autonomada "resistencia violenta" nes víspores del "Día da Patria", lo que significó un aumentu de la presencia policial sobre l'ámbitu independentista, y la denuncia d'esta "represión" por distintos coleutivos.

N'avientu de 2007, cuando la mesma Unión Federal de Guardias Civiles reconoz que "Resistência Galega, como tal nun esiste". Según recueye El País tres esi comunicáu, estes mesmes fontes afirmen que "Resistência Galega nun ye una organización, sinón un manifiestu al que s'acueyen mozos independentistes pa reivindicar les sos aiciones". Per otru llau, organizaciones independentistes, como AMI, Briga y Nós-UP, afirmen nun tener nenguna conocencia sobre Resistência Galega.

Tres la esplosión d'una bomba nun stand comercial d'una urbanización en Perbes (Miño), el delegáu del gobiernu español en Galicia, Manuel Ameijeiras, cuntó que l'atentáu yera bien asemeyáu a otros anteriores de Resistência Galega, anque reconoció que l'actu nun fuera reivindicáu por nengún grupu.

Atribuyóse-y l'allugamientu d'una bomba na sede del PP d'Órdenes el 13 de xunu de 2010 y l'allugamientu d'un artefautu en setiembre de 2011 contra la casa de Manuel Fraga en Vilalba. El 30 de payares de 2011 foron deteníes en Vigo y Padrón cuatro persones supuestamente rellacionaes cola so órbita cuando presúntamente preparaben un atentáu contra los príncipes d'Asturies na ciudá d'A Coruña y otru por cuenta de los actos nel Día de la Constitución Española. A los cuatro deteníos prindáronse-y artefautos esplosivos de fabricación casera, ún d'ellos con metralla. El vienres 2 d'avientu foron deteníos otros dos presuntos miembros de Resistência Galega en Lugo.

El 7 de mayu de 2012 s'alcontró un artefautu esplosivu na puerta de la sede del Partíu Popular en Meis que foi desactiváu. Un mes dempués, el 8 de xunu, esplosionó una bomba nel llocal d'esi mesmu partíu políticu en Ribadumia causando importantes estrozos na fachada del edificiu. El 6 d'agostu d'esi añu, foron desactivaos otros dos artefautos esplosivos asitiaos nun repetidor de telecomunicaciones en Vigo, siendo dambos reivindicaos por Resistência Galega. El 16 de setiembre de 2012 foron deteníos cuatro presuntos miembros de Resistência Galega nel parque de Castrelos (Vigo) acusaos de los fechos socedíos el 6 d'agostu d'esi añu.

El xuez Eloy Velasco de l'Audiencia Nacional imputó un delitu d'enaltecimientu del terrorismu a cuatro manifestantes que'l día 2 de xunetu de 2013 participaron en Santiago de Compostela nuna concentración de sofitu a presuntos miembros de Resistência Galega que taben siendo xulgaos [2][3]. En payares de 2013 la policía anunció que Resistência Galega taba mercando illegalmente una docena de pistoles en Portugal[4].

Conderga[editar | editar la fonte]

El 12 de setiembre de 2013 l'Audiencia Nacional condergó a cuatro miembros de Resistência Galega a penes d'ente 10 y 18 años de cárcel por participación n'organización terrorista, tenencia d'esplosivos y falsificación de documentos con fines terroristes.

Según la sentencia'l 30 de payares de 2011 en Vigo, ún de los condergaos apurrió trés termos metálicos que conteníen 4,8 quilos d'esplosivos. La Policía Nacional detuvo al conductor del coche que llevaba estos esplosivos nel peaxe de l'AP-9 en Teo. Nel rexistru de la casa d'ún de los deteníos atoparon 3,2 quilos d'esplosivos, permisos de conducir y DNIs falsificaos.[5]

N'avientu de 2014 l'Audiencia Nacional condergó a 11 años de cárcel a Héctor José Naya y a trés años de cárcel a Xurxo Rodríguez y Diego Santín pol allugamientu n'agostu de 2012 de trés artefautos esplosivos nes instalaciones de radiu y televisión nel monte Sampaio de Vigo que causaron 11.197 euros en daños[6]. De los trés condergaos, namái Xurxo Rodríguez Oliveira almitió la so pertenencia a una organización terrorista.[7]

Referencies[editar | editar la fonte]