Reserva de la biosfera
En 1970 la UNESCO entamó'l proyeutu "l'home y la biosfera", que tenía como oxetivu conciliar la mentalidá y l'emplegu los recursos naturales, esbociando'l conceutu d'angüañu de desenrrollu sostenible. Como parte d'esi proyeutu esbillaríanse aries xeográfiques representatives de los estremaos hábitats del planeta, avarganando tantu ecosistemes terrestres como marítimos. Eses aries conócense como reserves de la biosfera.
Estes reserves de la biosfera tan reconocíes internacionalmente, magar que cinquen baxu la soberanía de los sos respeutivos países, y nun tan cubixaos y abellugaos por nengún tratáu internacional. Esbíllanse pol so afoguín científico, bancándose nuna serie de criterios que determinen si un espaciu enclúyese nel programa.
La función prencipal d'estos espacios ye obviamente el caltenimientu y abeyu la biodiversidá. Magüer, tamién s'escorre l'espoxigue económico y humán d'estes zones, asina como la vistigación, l'ensiñanza y el intercambéu d'información ente les estremaes reserves, que forman una rede mundial
Nel añu 2005, esisten 482 reserves de la biosfera en 102 países desemeyos.
Ver tamién[editar | editar la fonte]
Referencies[editar | editar la fonte]
Enllaces esternos[editar | editar la fonte]
- Llista la rede Reserves de la Biosfera, web Unesco (inglés)
- Web oficial del programa MAB en castiellán (castiellán)
- Páxina de la UNESCO sobro'l MAB en Llatinoamérica (castiellán)
- Web oficial la Reserva de la Biosfera de la Sierra les Ñeves (castiellán)
- Web oficial la ONG que coalministra la Reserva de Biosfera Sierra les Mines, en Guatemala (castiellán)
- Web la Reserva de la Biosfera'l Cabo de Cabu Gata (castiellán)