Reptilia

De Wikipedia
Saltar a: navegación, buscar
Pa otros usos d'esti términu, ver Reptilia (cantar). Disambig.svg

Artículu principal: Sauropsida
Commons-emblem-notice.svg
Reptilia
Rangu temporal: 310 Ma-0 Ma
Tuatara.jpg
Tuatara (Sphenodon punctatus)
Clasificación científica
Reinu: Animalia
Filu: Chordata
Subfilu: Vertebrata
Clas: Reptilia
Laurenti, 1768
Subclases

Los reptiles (Reptilia) son un grupu parafiléticu de vertebraos amniotes provistos d'escames epidérmiques de queratina. Foron bien abondosos nel Mesozoicu, dómina na que surdieron los dinosaurios, pterosaurios, ictiosaurios, plesiosaurios y mosasaurios. Según la taxonomía tradicional los reptiles son consideraos una clase; según la sistemática cladística, son un grupu parafiléticu ensin valor taxonómicu.

Característiques[editar | editar la fonte]

La mayoría de los reptiles afixéronse a la vida terrestre , pero finalmente afayamos que dalgunos viven n'agua. Una piel resistente y escamoso ye una de les sos adautaciones. Otres de les adautaciones que contribuyeron al ésitu de los reptiles en tierra firme son, ente otres, qu'inclúin pulmones bien desenvueltos, un sistema circulatoriu de doble circuitu, un sistema excretor que caltién l'agua, fuertes estremidaes, fertilización interna y güevos terrestres con cascarón. Amás los reptiles pueden remanar la so temperatura corporal camudando de llugar.[1]

Control de temperatura corporal[editar | editar la fonte]

La capacidá pa controlar la so temperatura corporal ye una enorme ventaya pa los animales activos. Los animales de los que falemos hasta agora son ectotérmicos. Los ectotérmicos utilicen la conducta pa controlar la temperatura del cuerpu. Pa calecer, tiéndense baxo'l sol tol día o permanecen so l'agua mientres la nueche. Pa esfrecese, muévense escontra la solombra, naden, o abellúguense en llurigues soterrañes.[1]

Alimentación[editar | editar la fonte]

La gran mayoría de los reptiles son carnívoros y tienen un tractu dixestivu cenciellu y curtiu, una y bones la carne ye abondo simple pa descomponer y dixerir. La dixestión ye más lenta que nos mamíferos, lo que reflexa'l so lentu metabolismu mientres el reposu y la so incapacidá pa estremar y mazcar los sos alimentos. Esti metabolismu tien requerimientos d'enerxía bien baxos, dexando que los grandes reptiles, como los cocodrilos y les grandes culiebres constrictores puedan vivir d'una comida grande per meses, dixiriendo amodo a una presa de gran tamañu.

Los reptiles herbívoros sicasí, tienen los mesmos problemes de masticación de los mamíferos herbívoros, pero, a falta de los dientes complexos que tienen éstos últimos, los reptiles traguen roques y piedres (denomaos gastrolitos) pa facilitar la dixestión: les roques llávense nel estómagu, ayudando a moler la materia vexetal. Les tortugues marines, cocodrilos ya iguanes marines tamién usen los gastrolitos como llastre, lo que sírve-yos d'ayuda pa la inmersión.

Respiración[editar | editar la fonte]

Los pulmones de los reptiles son esponxosos y tienen mayor superficie pa intercambéu de gases que los anfibios. Estos ye porque la mayoría de los reptiles nun puede intercambiar gases al traviés de la piel, como fai la mayoría de los anfibios de piel húmedo. Munchos reptiles tienen músculos qu'arrodien les costielles y espanden el cuévanu torácicu pa esneldar, o colapsen el cuévanu pa exhalar. Delles especies de cocodrilos tamién tienen repliegues cutaneos que dixebren la boca de los conductos nasales, asina alienden poles foses nasales mentanto tienen la boca abierta. Pa intercambiar gases col mediu ambiente, los reptiles tienen dos pulmones funcionales o bien, nel casu de ciertes especies de culiebres namái ún.[1]

Circulación[editar | editar la fonte]

Los reptiles tienen un eficaz sistema circulatoriu de doble circuitu. Una de les víes lleva y recueye sangre de los pulmones. La otra vía lleva y recueye sangre del restu del cuerpu. El corazón de los reptiles contién dos aurícules y ún o dos ventrículos. La mayoría de los reptiles tienen un ventrículu únicu con un septu parcial: dexa dixebrar el sangre oxixenáu del sangre ensin oxixenar mientres el ciclu de bombéu. Los cocodrilos y caimanes tienen los corazones meyor desenvueltos ente los reptiles modernos, pos tiénenlu compuestu de dos aurícules y dos ventrículos. Esta conformanza tamién esiste n'aves y mamíferos.[1]

Escreción[editar | editar la fonte]

La orina produzse nos reñones, en dellos reptiles, la orina flúi al traviés d'unos tubos direutamente escontra una cloaca asemeyada a la de los anfibios. N'otros casos, la vexiga urinaria almacena la orina enantes de mexala pela cloaca. La orina de los reptiles contién amoniacu o ácidu úricu. Los reptiles que viven principalmente nel agua, como los cocodrilos y caimanes, escreten la mayor parte de les sos refugayes nitroxenaes en forma d'amoniacu, un compuestu tóxicu. Los caimanes y cocodrilos beben muncha agua, y esto esllía l'amoniacu de la orina y ayuda a espulsalo. En contraste, munchos otros reptiles, sobremanera los que viven puramente en tierra firme, nun escreten amoniacu direutamente. En cuenta de ellos convierten l'amoniacu nun compuestu llamáu ácidu úricu. L'ácidu úricu ye muncho menos tóxicu que l'amoniacu, asina que nun fai falta eslleílo enforma. Nestos reptiles, l'escesu d'agua absuérbese na cloaca y convierte la orina en cristales d'ácidu úricu que formen un sólidu blanco y pastoso. Como desanicien refugayes que contienen pocu líquidu, los reptiles pueden caltener agua.[1]

Rempuesta[editar | editar la fonte]

El patrón básicu del encéfalu d'un reptil ye asemeyáu al d'un anfibiu, anque'l celebru y el cerebelu son considerablemente más grandes comparaos col restu de la masa encefálico. Los reptiles que son activos mientres el día, suelen tener güeyos complexos y pueden percibir bien los colores. Munches culiebres tienen tamién un escelente sentíu del olfatu. Arriendes de les foses nasales, la mayoría de los reptiles tien un par d'órganos sensoriales nel cielu la boca, que pueden detectar la presencia de sustancies químiques cuando'l reptil saca la llingua. Los reptiles tienen oyíos simples con tímpanu esternu y un güesu únicu que conduz el soníu al oyíu internu. Les culiebres tamién pueden captar vibraciones del suelu per duana de los güesos del craniu.[1]

Movimientu[editar | editar la fonte]

En comparanza con munchos anfibios, los reptiles con pates tienden a tener estremidaes más grandes y fuertes que-yos dexen caminar, correr, escavar, nadar o engatar. Amás, les pates de dellos reptiles tán más per debaxo del cuerpu que nos anfibios, lo que-yos dexa cargar más pesos. Igual que nos anfibios, l'escayu dorsal de los reptiles ayuda a realizar gran parte del movimientu.[1]

= Reproducción[editar | editar la fonte]

Tolos reptiles reprodúcense por fertilización interna, onde'l machu deposita la so espelma nel interior del cuerpu de la fema. Casi tolos reptiles machos tienen un órganu asemeyáu al pene que-yos dexa depositar la espelma nel cuerpu de la fema. Dempués de la fecundación, l'aparatu reproductivu de la fema cubre a los embriones con delles membranes y un cascarón correosu.

Oríxenes evolutivos[editar | editar la fonte]

Los reptiles orixináronse a partir d'anfibios nel periodu Pérmicu, diversificándose mientres el Triásicu, Xurásicu y Cretácicu. A finales d'esti periodu sumieron casi por completu dellos grupos na gran estinción masiva del Cretácicu Terciariu, fai unos 65 millones d'años.

Taxonomía[editar | editar la fonte]

Según la taxonomía tradicional, los reptiles inclúin trés grandes llinaxes, contemplaos davezu como subclases:

Según la sistemática cladística, los reptiles son parafiléticos, como puede comprobase nel siguiente cladograma, basáu en Tree of Life y bien simplificáu:[2]


Amniota

Synapsida ("reptiles" mamiferoides y mamíferos)


Sauropsida

Anapsida (tortugues y numberoses formes fósiles)


Diapsida
Lepidosauria

Rhynchocephalia (na actualidá, namái los tuátares de Nueva Zelanda)



Squamata (llagartos, culiebres)



Archosauria

Crocodylomorpha (cocodrilos y formes fósiles rellacionaes)


Dinosauria

Ornithischia (Triceratops, Iguanodon, Stegosaurus)


Saurischia

Sauropodomorpha (Diplodocus, Brachiosaurus)


Theropoda

Terópodos non aves



Aves










Los sinápsidos, qu'inclúi los actuales mamíferos y una gran cantidá de formes fósiles rellacionaes con ellos y conocíos como "reptiles" mamiferoides, nun tienen de clasificase se dientro de los reptiles que, en sen estrictu, inclúin namái anápsidos y diápsidos. Les Aves queden englobaes nel clado Dinosauria xunto a tiranosaurios y formes allegaes; nótese que'l grupu actual más cercanu filoxenéticamente a les Aves son los cocodrilos. Si s'incluyen les Aves, el grupu Reptilia (=Sauropsida) ye monofiléticu.

Anguaño, úsase'l términu Sauropsida pa designar l'agrupación Anapsida + Diapsida; Sauropsida ye sinónimu de Reptilia en sen restrictivu (nun incluyendo Synapsida); l'antiguu conceutu de Reptilia (Synapsida + Anapsida + Diápsida) tiende a abandonase.

Referencies[editar | editar la fonte]

  1. 1.0 1.1 1.2 1.3 1.4 1.5 1.6 (2004) «19», Biología (en Español). Massachusetts: Prentice Hall, 800-802. ISBN 0-13-115538-5.En castellanu
  2. Tree of Life, Amniota


Enllaces esternos[editar | editar la fonte]