Remus Lupin
| Remus Lupin | ||
|---|---|---|
| Personaxe d'Harry Potter | ||
 | ||
| Universu | universu de Harry Potter | |
| Creador/a/es | J. K. Rowling | |
| Información | ||
| Sexu | masculín | |
| Fallecimientu | tarrenes de Hogwarts, 2 de mayu de 1998 | |
| Ocupación | maestru, profesor y vixilante | |
| Cónxuxe | Nymphadora Tonks | |
| Fíos |
Ted Lupin (en)  | |
| Nacionalidá | Reinu Xuníu | |
| [editar datos en Wikidata] | ||
Remus John Lupin ye un personaxe ficticiu de la serie Harry Potter, creada por J. K. Rowling. Ye un magu y home llobu que foi profesor de Defensa contra les Artes Escures en Hogwarts y miembru de la Orde del Fénix. Apaez per primer vegada en Harry Potter and the Prisoner of Azkaban (1999).[1]
Lupin convirtióse n'home llobu cuando yera neñu tres ser mordíu por Fenrir Greyback. Albus Dumbledore permitió-y estudiar en Hogwarts y estableció midíes pa que pudiera tresformase ensin poner en peligru al restu del alumnáu. Na escuela foi amigu de James Potter, Sirius Black y Peter Pettigrew, formando con ellos los Merodeadores.
Como profesor, Lupin conviértese n'ún de los docentes más apreciaos por Harry y enséña-y a producir un Patronus pa defenderse de los dementores. Al final del cursu abandona Hogwarts cuando se fai pública la so condición de licántropu.[2]
Más tarde reincorpórase a la Orde del Fénix y participa na guerra contra Lord Voldemort. Casa con Nymphadora Tonks y tienen un fíu, Teddy Lupin. Dambos muerren na batalla de Hogwarts en Harry Potter and the Deathly Hallows.[3]
Na serie cinematográfica foi interpretáu por David Thewlis.
Referencies
[editar | editar la fonte]Enllaces esternos
[editar | editar la fonte]| Control d'autoridaes |
|
|---|
Datos: Q208657
Multimedia: Remus Lupin