Refinación

De Wikipedia
Saltar a navegación Saltar a la gueta

La refinación o refino ye'l proceso de purificación d'una sustanza química llograda munches vegaes a partir d'un recursu natural. Por casu, el petróleu va amburar xeneralmente nel so estáu natural, pero nun puede utilizase directamente nos motores de combustión, por cuenta de la presencia de borrafes y a la xeneración de subproductos.

La refinación de líquidos llógrase de cutiu al traviés de la destilación o fraccionamiento. Un gas puede refinase tamién d'esta manera esfreciéndolo o estruyéndolo hasta la so licuefacción. Los gases y líquidos tamién pueden refinase por estracción con un disolvente qu'esllea la sustanza d'interés o bien les impureces.

Munchos sólidos pueden refinase por aciu la crecedera de cristales nuna solución del material impuro; la estructura regular del cristal tiende a favorecer el material deseyáu y a escluyir otros tipos de partícules. Utilícense tamién reacciones químiques pa esaniciar impureces de tipos especiales.

L'usu de siliciu y otros semiconductores en electrónica depende d'un control precisu de les impureces, pa lo cual desenvolviéronse técniques especiales como la refinación per zones.

Otros materiales que se suelen refinar son los metales, los azucrees y los aceites.

Ver tamién[editar | editar la fonte]


Refinación