Rebecca Romijn

De Wikipedia
Saltar a: navegación, buscar
Rebecca Romijn
Rebecca Romijn
Rebecca Romijn in Marchesa 2.jpg
Romijn en 2012.
Nome real Rebecca Alíe Romijn
Nacencia 6 de payares de 1972 (45 años)
Bandera de Estaos Xuníos d'América Berkeley, California, Estaos Xuníos
Otros nomes Rebecca Romijn-Stamos
Fíu/os Dolly Rebecca Rose (2008)
Charlie Tamara Tulip (2008)
Ficha en IMDb

Rebecca Alíe Romijn (Berkeley, California, 6 de payares de 1972) ye una actriz y exmodelu d'Estaos Xuníos. Mientres el so matrimoniu con John Stamos foi conocida como Rebecca Romijn-Stamos.

Biografía[editar | editar la fonte]

Infancia y mocedá[editar | editar la fonte]

Romijn(nació en Berkeley, California). Ye fía de Jaap Romijn, un fabricante de muebles y Elizabeth Kuizenga, profesora d'inglés nuna escuela pública y autora de llibros de testu. Poles sos venes cuerre sangre holandés, yá que el so padre ye nativu de la localidá holandesa Barneveld y la so madre ye fía de padres holandeses. Rebecca estudió secundaria nel Berkeley High School onde yera conocida como la Jolly Blonde Giant, daqué según l'allegre roxa xigante, anque ella almitió que nunca se lo tomó a mal [1].

Mientres estudiaba música na Universidá de California, empezó a trabayar como modelu pa consiguir dineru y treslladóse a París mientres 2 años. Amás del inglés, tamién fala francés y holandés.

Carrera[editar | editar la fonte]

Romijn trabayó como modelu de bañadores ente o otros para Sports Illustrated[1] y Victoria's Secret. Tamién trabayó de 1998 a 2000 pal programa de la MTV House of Style, dedicáu a la moda. Dotada d'una estraordinaria guapura, ta considerada por munchos como una de les muyeres más formoses del mundu, Rebecca siempres apaez nes llistes añales de les más belles en revistes como Maxim (2003, 2004, 2005, 2006), AskMen.com (2001, 2002, 2003, 2005, 2006) y FHM (2000, 2001, 2002, 2003, 2004, 2005).

Romjn Modelando.

Rebecca tuvo'l so primer papel importante en X-Men (2000) interpretando a Mística, papel que repitió en X-Men 2 (2003) y en X-Men: The Last Stand (2006). Nestes películes, el so traxe consistía en maquillaxe azul y delles prótesis estratégicamente asitiaes sobre'l so cuerpu desnudu. En X-Men 2, amás, apaez col so aspeutu "normal" nuna escena na que ta nun chigre. Tamién apaez col so aspeutu "normal" nuna escena en X-Men: The Last Stand, cuando pierde los sos poderes y apaez col pelo negru. Tamién foi la protagonista principal de la película Femme Fatale (2002) de Brian De Palma. En 1997 apaeció na serie Friends interpretando a Cheryl.

En 2006 protagonizó la serie de televisión Pepper Dennis, onde demostró'l so talentu pa la comedia, el drama y como cantante. Tamién apaeció na serie Ugly Betty (2007), la versión americana de Yo soi Betty, la fea, interpretando'l papel de Alexis Meade, una muyer transexual, hermana del protagonista de la serie Daniel Meade. Abandonó la serie nos primeres episodios de la tercer temporada, por cuenta del so estáu de xestación tan avanzáu na vida real.

Una vegada que Rebecca tuvo a les sos fíes ximielgues apaeció como protagonista en serie de la ABC Eastwick que trataba sobre bruxes. La serie tuvo poco ésitu y foi atayada na so primer temporada.

Vida privada[editar | editar la fonte]

Casóse col actor John Stamos el 19 de setiembre de 1998. Mientres el so matrimoniu ella usó'l nome de Rebecca Romijn-Stamos tantu na so vida personal como profesional. La pareya anunció la so separación el 12 d'abril de 2004 y divorciáronse el 1 de marzu de 2005. Dempués ella volvió utilizar el so nome de nacencia, anque legalmente ésti nun camudara.[2]

En septiembre de 2005 anunció'l so compromisu col actor Jerry O'Connell. Casáronse'l 14 de xunetu de 2007 en California. El 28 d'avientu de 2008 nacieron les sos primeres fíes, les ximielgues Dolly Rebecca Rose y Charlie Tamara Tulip.

Filmografía[editar | editar la fonte]

Películes[editar | editar la fonte]

Añu Títulu Papel
1998 Dirty Work Bearded Lady
1999 Austin Powers: The Spy Who Shagged Me Rebecca Romijn
2000 X-Men Raven Darkhome / Mystique
2002 Femme Fatale Laure Ash / Lily
S1m0ne Faith
Rollerball Aurora
2003 X2: X-Men United Raven Darkhome / Mystique
2004 The Punisher Joan
Godsend Jessie Duncan
2006 X-Men: The Last Stand Raven Darkhome / Mystique
The Alibi Lola Davis
Man About Town Nina Giamoro
2008 Lake City Jennifer
2010 The Con Artist Belinda
2011 Possessing Piper Rose Joanna
X-Men: First Class Raven Darkhome / Mystique (cameo)
2012 Good Deads Heidi
2014 Phantom Halo Sra. Ross
2015 Larry Gaye: Renegade Male Flight Attendant Sally

Televisión[editar | editar la fonte]

Añu Película Rol Notes
1997 Friends Episodiu: El de la moza puerca Cheryl Serie
1998-
2000
House of Style Ella mesma Serie
1999 Hefner: Unauthorized Kimberly Hefner Película
1999-
2000
Dame un respiru Adrienne Barker Serie
2000 Jack & Jill Paris Everett Serie
2002 MADtv Herself (Host) Serie
2006 Pepper Dennis Pepper Dennis Serie
2007 Ugly Betty Alexis Meade Serie
La casa de los Dibuxos Charlotte Serie
2009 Eastwick Roxanne (Roxie) Torcoletti Serie
2014 The Librarians Eve Baird Serie

Referencies[editar | editar la fonte]