Ray Combs

De Wikipedia
Saltar a navegación Saltar a la gueta
Ray Combs
Ray CombsPicto infobox character.png
Vida
Nome completu Raymond Neil Combs, Jr.
Nacimientu Hamilton Traducir3  d'abril de 1956
Nacionalidá Bandera de Estaos Xuníos d'América Estaos Xuníos
Fallecimientu

Glendale Adventist Medical Center Traducir2  de xunu de 1996

(40 años)
Sepultura Greenwood Cemetery Traducir
Causa de la muerte aforcamientu
Estudios
Estudios James A. Garfield High School Traducir
Llingües inglés
Oficiu
Oficiu comediante en direuto, comediante, presentador de televisión, actor de cine y actor de televisión
Nominaciones
IMDb nm0173667
Cambiar los datos en Wikidata

Raymond Neil "Ray" Combs, Jr. (3 d'abril de 19562 de xunu de 1996) foi un actor, comediante y presentador de concursos de nacionalidá estauxunidense, conocíu pol so trabayu nel show Family Feud emitíu pola CBS y en redifusión ente 1988 y 1994.

Primeros años[editar | editar la fonte]

Nacíu en Hamilton, Ohio, entró nel mundu de la comedia en camudándose a Los Angeles en 1983. Empezó la so carrera preparando al públicu enantes del entamu de diverses sitcoms. Johnny Carson afayólu y convidólu a actuar en The Tonight Show Starring Johnny Carson n'ochobre de 1986, dándo-y el públicu, puestu de pies, una ovación tres la so intervención. Gracies a tou ello, llueu consiguió trabayar col públicu de la serie Amen.

En 1985 actuó nel episodiu de The Facts of Life "Doo-Wah", nun papel secundariu, y nesa dómina tamién foi artista convidáu nun capítulu de The Golden Girls. Amás, en 1987 foi panelista de la versión presentada por John Davidson de Hollywood Squares, y tuvo un pequeñu papel como policía nel filme Overboard, protagonizáu por Kurt Russell y Goldie Hawn.

Presentador de Family Feud[editar | editar la fonte]

En 1988 los productores de concursos Mark Goodson y Howard Felsher escoyeron a Combs pa presentar una nueva versión de Family Feud, que emitióse al empar pola CBS a partir del 4 de xunetu y en redifusión a partir del 19 de setiembre. Primeramente'l públicu aceptó l'actuación de Combs en Family Feud, a pesar de la inevitable comparanza col anterior presentador, Richard Dawson. Según el llocutor de Feud Gene Wood, Combs tamién viaxó estensamente polos Estaos Xuníos pa promocionar el show, incluyendo actuaciones como artista convidáu nos shows de la CBS Card Sharks y The Price Is Right, protagonizaos por Bob Eubanks y Bob Barker, respeutivamente.

En 1990 Combs foi'l primera y únicu presentador de Family Feud n'utilizar un micrófonu inalámbricu de mano. El 29 de xunu de 1992 la CBS espandió'l show de trenta minutos a una hora de duración, y el so títulu pasó a ser Family Feud Challenge. La edición emitida en redifusión llamóse The New Family Feud.

En 1993, sicasí, los índices d'audiencia del programa menguaron en finando'l so creador, Mark Goodson. La CBS atayó la versión n'horariu diurnu'l 10 de setiembre, anque permaneció en redifusión, tamién con peligru de ser canceláu. Jonathan Goodson, que fuera nomáu presidente de Mark Goodson Productions en finando'l so padre un añu enantes, tomó entós la decisión de reemplazar a Combs con Richard Dawson. La grabación del últimu episodiu en redifusión tuvo llugar el 27 de mayu de 1994.[1]

Otres actuaciones[editar | editar la fonte]

Combs fixo tamién un par d'actuaciones pa World Wrestling Entertainment, actuando como llocutor convidáu del cuadriláteru en WrestleMania VIII, onde prestó al públicu del RCA Dome d'Indianápolis faltando y metiéndose colos The Nasty Boys, Jacques Rougeau y Barry Darsow enantes de ser cazáu y echáu fora del ring. Darréu foi comentarista convidáu de la Survivor Series (1993), trabayando en collaboración con Vince McMahon y Bobby Heenan. Heenan y Combs fixeron amistá, daqué que'l primeru esplicaba na so autobiografía, señalando que pensaba que Combs sentíase rebaxáu por dedicar se a la presentación de concursos.[2]

Combs tamién apaeció como él mesmu n'episodios de In Living Color y 227. Amás, tuvo una actuación na serie televisiva de The Nashville Network "The Statler Brothers Show", onde fixo un númberu de comediante en vivu.

Cayente y fallecimientu[editar | editar la fonte]

En xunetu de 1994 Combs sufrió un accidente de tráficu que-y produció una mancadura d'un discu intervertebral como resultáu de la cual quedáron-y remortines dolioses. Amás tuvo problemes financieros al fracasar dos de los sos clubes rellacionaos cola comedia, siendo embargada la so casa en Hamilton. En septiembre de 1995 Combs y la so esposa, Debbie, cola que s'había casáu 18 años enantes y tuviera 6 fíos, dixebráronse.

Combs fixo dellos intentos de volver a la televisión – sobremanera como presentador del concursu emitíu por televisión per cable Family Challenge – anque en tolos casos fracasó. Una selmana enantes de finar intervieno per últimu vegada en televisión, en direutu nuna edición especial de The Home and Family Show con Cristina Ferrare y Chuck Woolery, programa nel que faló de les sos esperiencies presentando Family Challenge.

El 1 de xunu de 1996 Combs foi ingresáu na nala psiquiátrica del Glendale Adventist Medical Center pa ser sometíu a un periodu d'observación de 72 hores en protagonizando diversos desordes de conducta na so casa.[3] El 2 de xunu Combs suicidóse aforcándose coles sábanes de la so cama n'a'l cuartu de bañu de la so habitación nel hospital. Tenía 40 años d'edá. El so cuerpu foi treslladáu a la so ciudá natal, Hamilton (Ohio), siendo soterráu nel Campusantu Grenwood d'esa población.

Referencies[editar | editar la fonte]

  1. Footage of Combs' last Fast Money game, where he can be seen walking off the set
  2. Heenan, Bobby (2004). Bobby the Brain: Wrestling's Bad Boy Tells All. Triumph Books, 137–138. ISBN 1-57243-668-9.
  3. Condon, Lee (4 de xunu de 1996). Police To Probe Suicide Of Talk Show Host Who Hanged Self In Hospital. Daily News (Los Angeles). http://www.thefreelibrary.com/POLICE+TO+PROBE+SUICIDE+OF+TALK+SHOW+HOST+WHO+HANGED+SELF+IN+HOSPITAL-a083937544. Consultáu 'l 17 de mayu de 2010. 

Enllaces esternos[editar | editar la fonte]