Ramphocelus bresilius

De Wikipedia
Saltar a navegación Saltar a la gueta
Ramphocelus bresilius
Map marker icon – Nicolas Mollet – Birds – Nature – white.png Les especies d'aves con nome común en llingua asturiana márquense como COA. En casu contrariu, conséñase'l nome científicu o de la SEO.
Commons-emblem-notice.svg
 
Sangretoro brasileñu
Ramphocelus bresilius -Sao Paulo Bagre, Cananeia, Sao Paulo, Brasil -male-8.jpg
Machu
Estáu de caltenimientu
Preocupación menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Thraupidae
Xéneru: Ramphocelus
Especie: R. bresilius
(Linnaeus, 1766)
Sinonimia
Tanagra bresilia
[editar datos en Wikidata]

Ramphocelus bresilius) ye una especie d'ave de la familia Thraupidae, endémica de la rexón costera del este de Brasil, dende Paraíba escontra'l sur hasta Santa Catarina.

Hábitat[editar | editar la fonte]

El so principal hábitat natural, son les restingues o gordones mariniegos del Atlánticu, incluyendo tamién los montes húmedos, montes antiguos bien degradaos y carbes seques, tropicales o subtropicales, de tierres baxes.[2]

Frugívoro, ye bono d'alcuéntrase nel so bioma natural, onde haya abondos alimentos disponibles. Tiende a portase de manera agresiva escontra otres especies d'aves al reclamar la comida. Puede apaecer nes ciudaes y vése-y na redoma del cuetu Pan d'Azucre en Rio de Janeiro o na Pista Cláudio Coutinho, que bordia'l parque, na base del monte.[2]

Fema

Descripción[editar | editar la fonte]

En promediu mide 19 cm de llargor y pesa 31 g. Presenta dimorfismu sexual vultable. El plumaxe del machu ye coloráu vivu. Parte de les nales y de la cola son negres. El plumaxe de la fema ye menos vistosu, de color pardu nes partes cimeres y castañal acoloratada nes inferiores.[3] El machu tien una callosidad blanca brillosa na base del quexal.[3]

Reproducción[editar | editar la fonte]

Llega al maduror sexual a los 12 meses, anque'l machu namái adquier un añu dempués el so curiosu plumaxe. Reproduzse en primavera y branu.[3] Constrúi un nial en forma de copa, ocultu ente la xamasca, nel que la fema pon dos tres güevos de color azul verdosu, con llurdios negros.[2] La incubación dura 13 díes y les críes independícense dempués de 35 díes de la eclosión de los güevos.[3]

Referencies[editar | editar la fonte]

  1. BirdLife International (2009) Ramphocelus bresilius; IUCN (2011) IUCN Red List of Threatened Species, Version 2011.1. Consultáu'l 12 de xunetu de 2011.
  2. 2,0 2,1 2,2 Pereira, José Felipe Monteiro (2008) Aves y Pássaros Comuns do Rio de Janeiro: 123. Rio de Janeiro: Technical Books. ISBN 978-85-61368-00-5
  3. 3,0 3,1 3,2 3,3 Tiê-Sangue; WikiAves.