Rafael Alberti

De Wikipedia
Rafael Alberti
Diputáu nel Congresu de los Diputaos d'España

7 xunetu 1977 - 8 setiembre 1977 - Francisco Cabral Oliveros
Distritu: Cádiz
Eleiciones: eleiciones xenerales d'España de 1977
Vida
Nacimientu El Puerto de Santa María[1]16 d'avientu de 1902[2]
Nacionalidá España [1]
Llingua materna castellanu
Muerte El Puerto de Santa María[3] y Cádiz[4]28 d'ochobre de 1999[5] (96 años)
Familia
Casáu con María Teresa León (es) Traducir (1932 – 1988)
María Asunción Mateo (1990 – 1999)[6]
Fíos/es Aitana Alberti León (es) Traducir
Estudios
Estudios Institución Libre de Enseñanza (es) Traducir
Llingües falaes castellanu[7]
Oficiu poeta, dramaturgu, ilustrador, políticu, escritor, actorpintor
Llugares de trabayu Madrid
Premios
Xéneru artísticu poesía
teatru
Creencies
Partíu políticu Partíu Comunista d'España
IMDb nm0016667
Cambiar los datos en Wikidata

Rafael Alberti Merello (16 d'avientu de 1902El Puerto de Santa María – 28 d'ochobre de 1999El Puerto de Santa María y Cádiz) foi un escritor español, especialmente reconocíu como poeta, miembru de la Xeneración del 27. Se-y considera unu de los mayores lliteratos españoles de la llamada Edá de Plata de la lliteratura española.[15] Na so vida recibió numberosos premios y reconocimientos.

Foi un miembru activu del Partíu Comunista d'España y se exilió tres la Guerra Civil Española. Regresáu a España tres la instauración de la monarquía, foi nomáu Fíu Predilectu d'Andalucía en 1983 y Doctor Honoris Causa pola Universidá de Cádiz en 1985.[16]

Publicó les sos memories sol títulu de La arboleda perdida (n'español: L'arboyela perdida).[17]

Biografía[editar | editar la fonte]

Rafael Alberti nació nuna familia d'orixe italianu (los sos dos güelos yeren orixinarios d'Italia) ya irlandés (una de les sos güeles provenía d'Irlanda) que se dedicaba al negociu del vinu en Cádiz. Cursó la so primer enseñanza coles Carmelites y dempués ingresó nel colexu de xesuites San Luis Gonzaga del Puertu. La disciplina del colexu topetaba col calter del xoven, qu'empezó a experimentar males resultancies académiques, siendo espulsáu en 1916 por mala conducta (a los 14 años). Nun superó'l cuartu añu de bachilleratu.

En 1917 treslládase a Madrid cola so familia. Rafael decide siguir la so vocación de pintor, demostrando gran capacidá estética pa captar el vanguardismu de la dómina. Consigue esponer nel Salón de Otoño y nel Atenéu de Madrid.

En 1920 muerre'l so padre. Ante'l cuerpu yacente del so proxenitor, Rafael escribe los sos primeros versos. Naz el Alberti poeta. Una afección pulmonar oblíga-y a movese a la llocalidá segoviana de San Rafael, na Sierra de Guadarrama. Nel retiru, empieza a trabayar los versos que depués formaríen Marinero en tierra.

Restablecíu, torna a Madrid onde empieza a frecuentar la Residencia d'Estudiantes y arródiase d'otros poetes. Conoz a Federico García Lorca, Pedro Salinas, Jorge Guillén, Vicente Aleixandre, Gerardo Diego y otros nuevos autores que van constituyir el más brillosu grupu poéticu español del sieglu XX.

En 1925, recibe'l Premiu Nacional de Poesía per Marinero en tierra,[18] convirtiéndose nuna figura destacada de la llírica española.

En 1927, con ocasión del tricentenario de la muerte de Luis de Góngora, aquel grupu de poetes decide rindir un homenaxe nel Atenéu de Sevilla al maestru del barrocu español. Aquel actu supunxo l'afitamientu de la llamada Xeneración del 27, protagonista de la edá de plata de la poesía española.

Nos años siguientes, Alberti sufre una crisis esistencial debida a la so delicada salú, les sos penuries económiques y la perda de la fe. La evolución del so conflictu interior manifiéstase na so poesía d'estos años: en Sobre los ángeles toca un fondu d'ablayamientu que namái va superar por aciu el compromisu políticu. Mientres la dictadura del xeneral Primo de Rivera participa en revueltes estudiantiles, sofita'l advenimiento de la Segunda República Española y afíliase al Partíu Comunista. Pa él, la poesía ye una arma necesaria pa solmenar conciencies, una forma de camudar el mundu.[19]

En 1928 atopábase viendo la final de la Copa del Rei de Fútbol ente'l FC Barcelona y la Real Sociedad onde destacó'l porteru culé Franz Platko. El poeta dedicó-y un poema pol so buen partíu.[20]

En 1930 conoz a María Teresa León, cola que fundaría en 1933 la revista revolucionaria Octobre. Viaxa a la Xunión Soviética onde asiste a una xunta d'escritores antifascistes.

En 1936 españa la Guerra Civil. Mientres esti periodu Alberti foi miembru de l'Alianza d'Intelectuales Antifascistes xunto con otros autores como María Zambrano, Ramón Gómez de la Serna, Miguel Hernández, José Bergamín, Rosa Chacel, Luis Buñuel, Luis Cernuda, Pedro Garfias, Juan Chabás, y Manuel Altolaguirre ente otros.[21] Na so actividá, amás de la puramente cultural, fixéronse manifiestos, charres y llamamientos contra l'ascensu del fascismu que víen representáu nel Exércitu subleváu de Franco, y publicáronse boletinos y revistes ente les que destacó El Mono Azul. Ellí, como responsable de la seición "A paséu" Alberti llamentábase con tonu gayoleru sobre l'actitú de personalidaes culturales consideraes ronciegues o non particularmente comprometíes cola llucha contra'l fascismu, ente los que figuraben Unamuno o los sos antiguos amigos Ernesto Giménez Caballero y Rafael Sánchez Mazas. Sicasí y contrariamente a lo suxurío de forma indocumentada por autores ideológicamente engarraos a Alberti, el poeta siempres militó pol tratamientu humanu del enemigu, inclusive metanes los fusilamientos y bombardeos franquistes.[22][23] Precisamente pa evitar la destrucción del patrimoniu español polos bombardeos de los sublevaos, collabora na evacuación de los fondos del Muséu del Prado, de la qu'acueye a intelectuales de tol mundu que sofitaben a la República y llama a la resistencia del Madrid asediado recitando versos que s'espublicen hasta los frentes de batalla. Asina'l dedicáu al 18 de xunetu.[24]

Regresu de Alberti a España en 1977.

Tres la derrota republicana, Alberti y María Teresa León opten pol exiliu. Treslládanse a París hasta que'l gobiernu de Pétain retíra-yos el permisu de trabayu por ser consideraos comunistes peligrosos. En 1940 y ante l'amenaza alemana, s'embarcan en Marsella a bordu del "Mendoza" camín de Buenos Aires onde llegaron el 2 de marzu de 1940. Viven en Buenos Aires y na estancia El Totoral de Córdoba. N'Arxentina naz la so fía Aitana.[25] En Chile van ser acompañaos por Pablo Neruda. Vivieron tamién en Punta del Este y en Roma.

Alberti torna a España en 1977, dempués de la muerte de Franco y la instauración de la monarquía. Esi añu ye escoyíu diputáu al Congresu nes llistes del Partíu Comunista, pero nun tarda n'arrenunciar al escañu pa siguir en Roma'l so trabayu como poeta y pintor.[26]

A partir d'entós asistió a recitales, conferencies y homenaxes multitudinarios. Nun consiguió sillón na Academia, pero llogró la mayor reconocencia lliteraria, el premiu Cervantes, que se-y axudicó en 1983. Antes foi estremáu con gallardones internacionales como'l Lenin de la Paz (1965) y el premiu Roma de Lliteratura (1991), amás del Nacional de Teatru (1980). Arrenunció al otru gran gallardón de les lletres españoles, el Príncipe d'Asturies, por cuenta de los sos fuertes convencimientos republicanos.

El 28 d'ochobre de 1999 morrió onde'l vivía en El Puerto de Santa María, na so ciudá natal. Les sos cenices fueron espardíes nel mesmu mar de la so infancia, del que cantó na so obra Marinero en tierra.

La poesía de Alberti[editar | editar la fonte]

Estrémense cinco momentos na llírica albertina: popularismu, gongorismu, surrealismu, poesía política y poesía de la señardá.

Rafael Alberti en 1978.

El primer ciclu de la so poesía ta constituyíu por Marinero en tierra y los dos llibros siguientes. En Marinero en tierra espresa la so señardá por non poder esfrutar del mar de la so tierra natal nin de la compañía del so padre. En La amante (1926) reflexa les sos impresiones por distintos puntos de Castiella (Santu Domingu de Silos, Aranda de Duero, la Ribera del Duero, Burgos...) onde viaxó col so hermanu, representante de vinos y los sos derivaos. A esta obra siguiólu El alba del alhelí (1927). El poeta asítiase na tradición de los Cancioneros, pero dende la posición d'un poeta de vanguardia.

Nun segundu momentu, una nueva tradición va asoceder a la cancioneril: la de Góngora. La resultancia ye Cal y canto (1929, pero escritu ente 1926 y 1927). El gongorismu ta na fonda tresfiguración estilística a que se someten les temes. Nesti llibru apaecen unos tonos aveseos qu'antemanen a Sobre los ángeles (1929, pero escritu ente 1927 y 1928).

Sobre los ángeles —qu'abre la tercer etapa; esto ye, la surrealista— naz de resultes d'una grave crisis personal y nel marcu de la crisis estética xeneral común entós, a tol arte d'Occidente. El clasicismu anterior salta desfechu y, anque inda'l poeta recurra a formes métriques tradicionales, el versolibrismu apruz triunfante. Les carauterístiques d'esti poemariu son:

Santiago Carrillo (1915-2012) y Rafael Alberti (1902-1999).
  1. Densidá de les imáxenes,
  2. Violencia del versu,
  3. Creación d'un mundu oníricu ya infernal.

Ye'l llibru mayor del poeta, que va enllargar los sos tonos apocalípticos en Sermones y moradas, escritu ente 1929 y 1930, pa cerrar el ciclu surreal col humor de Yo era un tonto y lo que he visto me ha hecho dos tontos (1929), onde se recoyeron poemes dedicaos a los grandes risibles del cine mudu.

La identificación de conducta privada y pública, que puede ser considerada una traza definidora del surrealismu, tradúcese en Alberti nuna toma de posición ideolóxica cercana al comunismu, que lo conduz al ámbitu de la poesía política, que la so primer manifestación ye la elexía cívica Colos zapatos puestos tengo que morir (1930). Col establecimientu de la Segunda República Española (1931), Alberti se escora escontra les posiciones del marxismu.

Los poemes d'estos años van ser recoyíos en Consignas (1933), Un fantasma recorre Europa (1933), 13 bandas y 48 estrelles (1936), Nuestra diaria pallabra (1936) y De un momento a otro (1937), nun conxuntu que l'autor llamaría El poeta en la calle (1938). Hai qu'añedir la elexía Verte y no verte (1935), dedicada a Ignacio Sánchez Mejías. El ciclu ye desigual, pero hai llogros notables.

Monumentu a Rafael Alberti na Plaza del Polvorista, n'El Puerto de Santa María.

Nel exiliu, empecipió l'últimu ciclu de Alberti. De la poesía non política destaca Entre el clavel y la espada (1941); A la pintura (1948), retablu sobre les temes y figures del arte pictórico; Retornos de lo vivo lejano (1952) y Oda marítima siguida de Baladas y canciones del Paraná (1953), vertebraos pola tema de la señardá, nos que'l versu cultu alterna col neopopular, y con momentos d'alta calidá, que remanecen en Abierto a todas horas (1964) y nel primer llibru «européu», Roma, peligro para caminantes (1968). La última producción albertiana ye bien bayurosa, ensin que falte'l poeta eróticu, como en Canciones para Altair (1988).

La obra dramática de Alberti ta integrada por El hombre deshabitado (1930), Fermín Galán (1931), De un momento a otro (1938-39), El trébol florido (1940), El adefesio (1944), La Gallarda (1944-45) y Noche de guerra en el Museo del Prado (1956), amás d'adaptaciones y delles pieces curties.

Tres el fallecimientu del poeta creóse la Fundación Rafael Alberti pa espublizar la so obra. Sicasí, anguaño alcuéntrase en procesu de lliquidación.[27]

Obra[editar | editar la fonte]

Poesía[editar | editar la fonte]

La poesía militante de Alberti en San Blas, un barriu obreru emblemáticu (Madrid).
  • Marinero en tierra, M., Biblioteca Nueva, 1925 (Premiu Nacional de Lliteratura).
  • La amante, Málaga, Litoral, 1926.
  • El alba de alhelí, Santander, 1927 (Edición privada de José María de Cossío).
  • Domecq (1730-1928). Poema al Ilmo. Sr. Vizconde de Almocadén, Xerez de la Frontera, Jerez Industrial, 1928.
  • Cal y canto, M., Revista de Occidente, 1929.
  • Sobre los ángeles, M., CIAP, 1929.
  • Yo era un tonto y lo que he visto me ha hecho dos tontos, publicú per primer vegada en distintos númberos de La Gaceta Literaria, 1929.
  • Consignas, M., ochobre de 1933.
  • Un fantasma recorre Europa, M., La tentativa poética, 1933.
  • Versos de agitación, Méxicu, Edit. Defensa Roja, 1935.
  • Verte y no verte. A Ignacio Sánchez Mejías, Méxicu, N. Lira, 1935.
  • 13 bandas y 48 estrelles. Poemas del mar Caribe, M., Manuel Altolaguirre, 1936.
  • Nuestra diaria pallabra, M., Héroe, 1936.
  • De un momento a otro (Poesía e historia), M., Europa-América, 1937.
  • El burro explosivo, M., Edic. 5ᵘ Regimiento, 1938.
  • Entre el clavel y la espada (1939-1940), Bs. As., Losada, 1941. Dibuxos de Rafael Alberti.
  • Pleamar (1942-1944), Bs. As., Losada, 1944.
  • A la pintura. Poema del color y la línea (1945-1948), Bs. As., Losada, 1948. 2ª edic. aumentada, Bs. As., Losada, 1953. 3ª edic. aumentada, M., Aguilar, 1968 (Prólogu de Vicente Aleixandre).
  • Coplas de Juan Panadero. (Libro I), Montevidéu, Pueblos Unidos, 1949 (2ª edición ampliada). Dibuxos de Toño Salazar.
  • Buenos Aires en tinta china, Bs. As., Losada, 1952. Dibujos de Attilio Rossi.
  • Retornos de lo vivo lejano, Bs. As., 1952.
  • Ora marítima seguido de Baladas y canciones del Paraná, Bs. As., Losada, 1953.
  • Balada y canciones del Paraná, Bs. As., Losada, 1954.
  • Sonríe China, Bs. As., Jacobo Muchnik, 1958 (en collaboración con María Teresa León).
  • Poemas escénicos, Bs. As., Losada, 1962 (2ª edic. ampliada y bilingüe español/italianu).
  • Abierto a todas horas, M., Afrodisio Aguado, 1964.
  • Il mattatore, Roma, Eutro edit, 1966.
  • Roma, peligro para caminantes, Méxicu, Joaquín Mortiz, 1968 (2ª edición aumentada- Málaga- Litoral- 1974).
  • Los 8 nombres de Picasso y no digo más que lo que no digo, B., Kairós, 1970.
  • Canciones del Alto Valle del Aniene, Bs. As., Losada, 1972.
  • Disprezzo e meraviglia (Desprecio y maravilla), Roma, Riuniti, 1972 (Bilingüe italiano-español. Antología con poemas inéditos).
Monumentu a Alberti en Leganés.
  • Maravillas con variaciones acrósticas en el jardín de Miró, B., Polígrafa, 1975.
  • Coplas de Juan Panadero (1949-1977), M., Mayoría, 1977.
  • Cuaderno de Rute (1925), Málaga, Litoral, 1977.
  • Los 5 destacagados, Sevilla, Calle del Aire, 1978.
  • Poemas de Punta del Este (1945-1956), 1era edición Seix Barral 1979, 89 páginas, ISBN 84-322-9545-0
  • Fustigada luz, B., Seix Barral, 1980.
  • Versos sueltos de cada día, B., Seix Barral, 1982.
  • Golfo de Sombras, M., Villamonte, 1986.
  • Los hijos del drago y otros poemas, Granada, Diputación, 1986.
  • Accidente. Poemas del Hospital, Málaga, Librería Anticuaria El Guadalhorce, 1987.
  • Cuatro canciones, Málaga, Librería Anticuaria El Guadalhorce, 1987.
  • El aburrimiento, 1988.
  • Canciones para Altair, M., Hiperión, 1989.[28]
  • El poeta español Rafael Alberti recita poemas de Federico García Lorca, Radio Universidad Nacional de La Plata,1961.[1]

Antoloxíes[editar | editar la fonte]

  • Poesía (1924-1930), M., Ediciones del Árbol( Cruz y Raya), 1935.
  • Poesías (1924-1937), M., Signo, 1938.
  • Poesías (1924-1938), Bs. As., Losada, 1940.
  • Poesía (1924-1944), Bs. As., Losada, 1946.
  • El poeta en la calle (1931-1965), París, Librairie du Globe, 1966 (Recopilación de toda la poesía social de Alberti). Publicado por primer vez en Poesía (1924-1937) ya editada n'España por Aguilar en 1978.

Teatru[editar | editar la fonte]

  • El hombre deshabitado (1930)
  • Fermín Galán (1931)
  • De un momento a otro (1938-39)
  • El trébol florido (1940)
  • El adefesio (1944)
  • La Gallarda (1944-45)
  • Noche de guerra en el Museo del Prado (1956)

Edición de les sos obres completes[editar | editar la fonte]

En 2002, coincidiendo col centenariu de Alberti, Seix Barral dedicóse a la xera de publicar una edición de la obra completa del autor n'ocho volúmenes.[29] Hasta'l momentu publicáronse seis:[30]

  • I: Teatro I (2003)
  • II: Poesía I (2003)
  • III: Poesía II (2003)
  • IV: Poesía IV (2005)
  • V: Poesía III (2006)
  • VI: Prosa II: Memorias (2010)

Guiones de cine[editar | editar la fonte]

  • La dama duende (1945)
  • El gran amor de Bécquer (1946)

Presencia na cultura de mases[editar | editar la fonte]

Rafael Alberti apaez como personaxe en distintes obres de ficción lliteraria o audiovisual:

Bibliografía[editar | editar la fonte]

Fundación Alberti n'El Puerto de Santa María.
  • E. de Zuleta, «La poesía de Rafael Alberti», en Cinco poetas españoles (Madrid, 1971)
  • Kurt Spang, Inquietud y nostalgia. La poesía de Rafael Alberti (Pamplona, 1973)
  • S. Salinas de Marichal, El mundo poético de Rafael Alberti (Madrid, 1975)
  • J. L. Tejada, Rafael Alberti entre la tradición y la vanguardia (Madrid, 1976)
  • Ricardo Senabre, La poesía de Rafael Alberti (Salamanca, 1977)
  • A. Jiménez Millán, La poesía de Rafael Alberti (1930–1939) (Cádiz, 1984)
  • Rafael Alberti, Obras completas, I. Poesía (1920–1938), introducción de Luis García Montero (Madrid, 1988).
  • Paz Pasamar, P. En torno a Rafael Alberti y las Américas, Cádiz, Anales de la Fundación Rafael Alberti, Puerto de Santa María, 2001.
  • Bailecito de bodas
  • Andrea Galgano, Rafael Alberti e l'immagine che freme, en Frontiera di Pagine II, Roma, Aracne, 2017, páxs. 547-557.

Referencies[editar | editar la fonte]

  1. 1,0 1,1 1,2 Afirmao en: Nouveau Dictionnaire des auteurs de tous les temps et de tous les pays. Tomu: 1. Páxina: 44. Editorial: Éditions Robert Laffont. Llingua de la obra o nome: francés. Data d'espublización: 1994. Autor: Paul de Roux.
  2. Afirmao en: Diccionario biográfico español. Identificador DBE: 6001/rafael-alberti-merello. Apaez como: Rafael Alberti Merello. Editorial: Real Academia de la Historia. Llingua de la obra o nome: castellanu. Data d'espublización: 2011.
  3. Afirmao en: Enciclopedia Mundial de las Artes de la Marioneta. Identificador de la Enciclopedia Mundial de las Artes de la Marioneta: rafael-alberti. Llingua de la obra o nome: inglés.
  4. Afirmao en: Archivio Storico Ricordi. Data de consulta: 3 avientu 2020. Identificador del Archivio Storico Ricordi: 12774.
  5. Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
  6. URL de la referencia: https://elpais.com/diario/1990/07/14/ultima/647906402_850215.html. Data de consulta: 16 payares 2017.
  7. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  8. URL de la referencia: https://elpais.com/diario/1996/01/19/cultura/822006013_850215.html. Data de consulta: 16 payares 2017.
  9. URL de la referencia: https://elpais.com/diario/1981/10/27/cultura/372985214_850215.html.
  10. URL de la referencia: https://elpais.com/diario/1983/11/11/cultura/437353203_850215.html. Data de consulta: 16 payares 2017.
  11. URL de la referencia: http://www.u-bordeaux-montaigne.fr/fr/universite/decouvrir-bordeaux-montaigne/histoire-d-universite.html.
  12. URL de la referencia: http://archivo.ugr.es/pages/trabajosdocumentos/honoriscausa.
  13. Identificador del Boletín Oficial del Estado: BOE-A-1996-12009.
  14. URL de la referencia: http://dogc.gencat.cat/ca/pdogc_canals_interns/pdogc_resultats_fitxa/?action=fitxa&documentId=201435.
  15. Mainer habla sobre "La Edad de Plata de la literatura española" · ELPAÍS.com
  16. Historia de la Universidad de Cádiz - De febreru de 1984 a xunu de 1986
  17. Ver la reseña de Miguel García-Posada a los volúmenes III y IV de las mismas, ABC literario, 13-12-1987.
  18. El concurso nacional de literatura ofrece el primer premiu a Marinero en tierra de Rafael Alberti" Diario El Sol, 13 de xunu de 1925
  19. "Alberti y la Política"
  20. 1928-1988 .la "Oda a Platko" de Rafael Alberti, sesenta años después
  21. «Rafael Alberti Merello (I)».
  22. Andrés Trapiello, Las armas y las letras, 1994, p. 66
  23. http://www.trazegnies.arrakis.es/trapiello2.html
  24. http://vinamarina.blogspot.com.es/search?q=Alberti+18+de+xunetu
  25. Lanacion Alberti y León, los inmigrantes
  26. Alberti dimite como diputado del PCE" · ELPAÍS.com
  27. Desahucio póstumo para la literatura
  28. Véase la reseña de Miguel García-Posada en ABC Literario, 11-3-1989.
  29. Fundación Rafael Alberti, Obras completas
  30. Grupo Planeta, obras de Rafael Alberti

Enllaces esternos[editar | editar la fonte]