Raza (clasificación de seres humanos)

De Wikipedia
(Redirixío dende Races humanes)
     Caucasoides     Negroides     Mongoloides A     Mongoloides B     Mongoloides C     Mongoloides D     Australoides A     Australoides B     Australoides C

El términu raza ye utilizáu pa definir grupos con carauterístiques hereditaries comunes nos que se subdividen delles especies animales. Se habien descritu cuatro races principales (caucasoide, mongoloide, negroide y australoide) y que estes dividiense en subraces o fenotipos.

Dende los años 1940, los científicos evolucionistes refugaron la conceptualización de raza onde un númberu finitu de carauterístiques esenciales puen usase pa determinar el númberu de races. Munchos científicos evolucionistes y sociales cunten qu'a la definición común de raza, o a cualquier definición de raza relativa a los humanos, fálta-y rigor y validez taxonómica. Argumenten que son imprecises y arbitraries, y que les races reparaes varíen según la cultura esaminada.

Parte de los antropólogos postulen que la especie humana ta compuesta por una única raza y qu'ésta s'estrema en distintes etnies, que de la mesma s'estremen en pueblos. Estes teoríes antropolóxiques apaecieron nos años 1960 en parte como reaición frente a les teoríes científiques relatives al predeterminismu biolóxicu que predeterminaron el segregacionismu y la discriminación racial, presentes por aquel tiempu nel contestu de los países occidentales. Tamién fueron influyentes los resultaos de les investigaciones de los antropólogos Franz Boes y más llueu Claude Lévi-Strauss que resaltaron los enclinos etnocéntricos de toa cultura. A mediaos de la década 1950, la UNESCO encamentó sustituyir la noción de raza humana, considerada non científica y confusa, pola d'etnia, basada más nes diferencies culturales (llingua, relixón, costumes, etc.).

Na antropoloxía moderna la distinción ente factores biolóxicos y étnicos o culturales puramente dichos ta meyor definida. Ello débese a los enfoques multidisciplinarios presentes na actualidá.

Referencies[editar | editar la fonte]

Enllaces esternos[editar | editar la fonte]