Rabu de gochu

De Wikipedia
Saltar a navegación Saltar a la gueta
Rabu de gochu fritu.

El rabu de gochu ye la parte trasera del gochu, sueli ser de consistencia cartilaxinosa.

Usos[editar | editar la fonte]

Na cocina española del norte esisten platos ellaboraos con rabu de gochu nos que ye ingrediente principal y ye cocináu con llegumes (fabonas, garbanzos, ente otres), dellos platos famosos son les: fabes coloraes con rabu de gochu, rabu de gochu en mueyu, etc. Otru exemplu na cocina zamorana ye la sanantonada (platu ellaboráu con fabes, oreya, rabu y cabeza). Esisten otros nos que ye un ingrediente secundariu, como son: caldereta valenciana, griñones, fabada asturiana, xudíes d'El Barcu d'Ávila, olla de San Antón, etc. Los rabos de gochu pueden adquirise en carniceríes especializaes, casquerías, y otros locales similares. Suel ser un subproductu de la matanza del gochu y dacuando puede atopase como embutíu, adobáu o en salazón. Suelse incluyir nel botillo.

Na provincia d'Albacete, el rabu tostáu ye un platu que s'usa enforma como aperitivo nos chigres de tapes y restoranes, siendo una de les tapes que más sospriende a los visitantes a la provincia pol so sabor. Como más sabrosu ta ye cortáu a trocitos, cociéndolo mientres 15-20 minutos hasta que quede blandu, y una vegada ensugáu, echar nuna sarten bien tapada con aceite caliente pa freirlo mientres unos 10 minutos a fueu fuerte.

Significaos[editar | editar la fonte]

Nes creencies populares el rabu de gochu forma parte d'unu de los atributos del diañu xuntu coles pates de cabra. Antes teníase la creeencia de que los fíos de los matrimonios ente familiares cercanos podíen llegar a nacer con rabu de gochu (Cien año de soledá de Gabriel García Márquez).

Ver tamién[editar | editar la fonte]

Enllaces esternos[editar | editar la fonte]



Rabo de cerdo