R Serpentis

De Wikipedia
Saltar a navegación Saltar a la gueta
Artículu revisáu
R Serpentis
Constelación Serpens
Ascensión reuta α 15h 50min 41.73s
Declinación δ +15º 08’ 01.1’’
Distancia 682 años lluz (aprox)
Magnitú visual +5,16 a +14,4
Magnitú absoluta +2,43 (media)
Lluminosidá 54 soles
Temperatura 3490 K
Radiu 360 soles
Tipu espectral M7IIIe[1]
Velocidá radial +23,7 km/s

R Serpentis (R Ser / HD 141850 / HR 5894 / HIP 77615)[1] ye una estrella variable na constelación de Serpens, asitiada a 1,2º ESE de β Serpentis, en Serpens Caput. La so variabilidá afayóse pol astrónomu Karl Ludwig Harding en 1826,[2] anque yá figura nuna carta estelar de Joseph Lepaute Dagelet de 1783.[3]

R Serpentis ye una estrella variable Mira que la so magnitú aparente varia ente +5,16 y +14,4 nun periodu de 356,41 díes.[4] El mínimu brillu, va trescurríu'l 59% del periodu dempués del máximu rellumu; esta propiedá ye conocida dacuando como «fase» de 0,59. Como otres variables Mira, R Serpentis ye una xigante colorada escura, que'l so tipu espectral varia de M6IIIe cerca del máximu a M8IIIe cerca del mínimu.[3] Esti tipu de variables son estrelles pulsantes con llongures periodu d'oscilación, que van dende los 80 hasta los 1000 díes.

Anque d'alcuerdu al nuevu amenorgamientu de los datos de paralax del satélite Hipparcos, R Serpentis alcuéntrase a 682 años lluz del Sistema Solar,[1] otru estudiu ufierta una distancia enforma mayor próxima a los 1500 años lluz.[5] La midida del so diámetru angular en banda V ye de 16 milisegundos d'arcu, magar l'erru en tala midida ye de casi'l 50%;[6] esta cifra, considerando que la distancia a la que s'atopa ye de 682 años lluz, dexa evaluar de forma averada el so radiu, resultando ser unes 360 vegaes más grande qu'el del Sol.

Ver tamién[editar | editar la fonte]

Referencies[editar | editar la fonte]