R Horologii

De Wikipedia
Saltar a navegación Saltar a la gueta
R Horologii
R Horologii
Constelación Horologium
Ascensión reuta α 02h 53min 52,77s
Declinación δ -49º 53’ 22,8’’
Distancia 1004 años lluz (aprox)
Magnitú visual +4,7 a +14,3 (variable)
Magnitú absoluta -0,23
Temperatura 4640 K
Tipu espectral M7 IIIe
Velocidá radial +60 km/s

R Horologii (R Hor / HD 18242 / HR 868 / HIP 13502)[1][2] ye una estrella variable na constelación de Horologium. Cuando algama'l so rellumu máximu —magnitú aparente +4,7— ye la segunda estrella más brillosa de la so constelación dempués de α Horologii. Alcuéntrase a unos 1000 años lluz de distancia del Sistema Solar.

R Horologii ye una xigante colorada de tipu espectral M7 IIIe. Ye una variable Mira que'l so rellumu bazcuya ente magnitú +4,7 y +14,3, siendo una de les variables d'esti tipu más brillosos del hemisferiu sur. El so periodu, de 407,6 díes, paez aumentar col tiempu, yá que enantes yera de 401,5 díes.[2] Les variables Mira, llamaes asina pola estrella Mira (ο Ceti), son estrelles nos últimos estadios del so evolución que la so inestabilidá provién de pulsaciones na so superficie que provoquen cambeos nel so color y rellumu. Nun futuru non bien alloñáu R Horologii va espulsar definitivamente les sos capes esteriores y va formar una nebulosa planetaria, quedando como remanente estelar una nana blanca nel so centru.

Al igual qu'otres variables Mira como L2 Puppis, S Orionis o O Orionis, R Horologii amuesa emisión máser de monóxidu de siliciu.[2]

Ver tamién[editar | editar la fonte]

Referencies[editar | editar la fonte]