R Aquarii

De Wikipedia
Saltar a navegación Saltar a la gueta
R Aquarii
R Aquarii
R Aquarii.jpg
Constelación Acuariu
Ascensión reuta α 23h 43min 49,46s
Declinación δ -15º 17’ 04,2’’
Distancia 645 años lluz
Magnitú visual +5,8 a +12,4
Magnitú absoluta +2,20
Lluminosidá 67 soles
Radiu 460 soles
Tipu espectral M7IIIpev
Velocidá radial -22,0 km/s

R Aquarii (R Aqr / HD 222800 / HR 8992)[1] ye una estrella variable na constelación d'Acuariu de magnitú aparente media +7,69. Alcuéntrase a unos 645 años lluz de la Tierra.

R Aquarii ye una estrella simbiótica que se cree ta compuesta por una nana blanca y una variable Mira formando un sistema binariu. La estrella principal Mira ye una xigante colorada de tipu espectral M7III[1] que'l so rellumu varia nun factor de dellos cientos a lo llargo d'un periodu de 386,96 díes; la so variabilidá afayóse por Karl Ludwig Harding en 1810.

Por cuenta de la so atracción gravitatoria, la nana blanca atrai materia de la xigante colorada y dacuando espulsa parte de la mesma n'estraños bucles que formen una nebulosa qu'arrodia la estrella.[2] El conxuntu del sistema apaez robrizu al tar asitiáu nuna rexón del espaciu bien rica en polvu, polo que la lluz azul ye absorbida enantes de llegar a nós.

La nebulosa en redol a R Aquarii ye conocida tamién como Cederblad 211. Según Tom Polakis,[3]hasta 1998 naide pudiera reparar visualmente esti oxetu. Ye posible que la nebulosa sía'l restu d'una nova, que sería reparada por astrónomos xaponeses nel añu 930.

Ver tamién[editar | editar la fonte]

Referencies[editar | editar la fonte]

  1. 1,0 1,1 Datos astronómicos de R Aquarii
  2. R Aquarii (SEDS)
  3. Polakins, Tom. Astronomy Vol. 26, Non. 10:  pp. p. 83.