Rýbinsk

De Wikipedia
Saltar a navegación Saltar a la gueta
Rýbinsk
Rybinsk viewd from Volga.jpg
Flag of Rybinsk.png Coat of Arms of Rybinsk (Yaroslavl oblast).png
Alministración
PaísBandera de Rusia Rusia
ÓblastsÓblast de Yaroslavl
Tipu entidá organización territorial de Rusia
Nome oficial Усть-Шексна
Рыбная слобода
Рыбинск
Щербаков
Рыбинск
Андропов
Рыбинск
Nome llocal Рыбинск
Códigu postal 152900–152939
Xeografía
Coordenaes 58°03′N 38°50′E / 58.05°N 38.83°E / 58.05; 38.83Coordenaes: 58°03′N 38°50′E / 58.05°N 38.83°E / 58.05; 38.83
Rýbinsk is located in Rusia
Rýbinsk
Rýbinsk
Rýbinsk (Rusia)
Superficie [convert: unknown unit] km²
Altitú 100 Q11573
Demografía
Población 190 429 hab. (2017)
Porcentaxe 15.05% de Óblast de Yaroslavl
Densidá Error d'espresión: Operador < inesperáu hab/km²
Más información
Fundación 1071
Prefixu telefónicu 4855
Estaya horaria UTC+03:00
www.rybinsk.ru/
Cambiar los datos en Wikidata

Ríbinsk (rusu: Рыбинск) ye una ciudá asitiada nel Óblast de Yaroslavl, centru de la Rusia europea, a la vera del banzáu homónimu, que pertenez a la cuenca del Volga. La so población nel añu 1989 yera de 250 000 habs., en 2002 menguó a 223 000 habs. y en 2010 siguió menguando hasta quedase en 200 000 residentes.[1]

Historia[editar | editar la fonte]

Hestoria temprana[editar | editar la fonte]

Ribinsk ye unu de los más antiguos asentamientos eslavos sobre'l Volga. Nos primeros documentos escritos apaez col nome de Ust-Sheksna (la desaguada del Sheksna). Mientres esti periodu l'asentamientu taba dedicáu al comerciu d'artesanía y metales. A mediaos del sieglu XIII los mongoles invadieron esta ciudá, al igual que gran parte de Rusia.[2]

Dende 1504 nos documentos apaez col nome de Rybnaya Sloboda que significa El pueblu de pescadores, y ye asina porque dende equí mandábense munchos esturiones a la corte de Moscú. Mientres esti periodu, el pueblu yera un asentamientu llibre o slobodá y yera bien importante pa la Compañía de Moscovia que capitalizaba'l comerciu con Europa Occidental, y como yera un pueblu bastante ricu, empezaron a construyise ilesies de piedra, de les cualos solo una llegó hasta los nuesos díes. Lo que sí se caltuvo hasta l'actualidá ye'l santuariu de la familia Ushakov

Dómina dorada[editar | editar la fonte]

Nel sieglu XVIII la slobodá siguió espolletando col comerciu nel Volga. Catalina II de Rusia, llamada Catalina la Grande, dio a la villa categoría de municipalidá y la rebautizó col so nome actual. Este yera'l llugar onde'l cargamentu que traíen grandes barcos yera recolocado n'otros de menor tamañu que s'afaíen o que podíen salear pol canal Volga-Bálticu que conectaba la Rusia fonda col mar Bálticu. Nesta dómina la población de Ríbinsk nun superaba los 7000 residentes, sicasí, daba acomodación diariamente a 170 000 marineros y 2000 embarcaciones llixeres, polo que se-y llamó la capital de les barcaces.

La más sobresaliente obra neoclásica, construyida nesti periodu, foi la catedral de la Rescatadora Tresfiguración que foi construyida a la vera del Volga ente 1838 y 1851. Foi construyida según diseñu del decanu de l'Academia Imperial de les Artes Avraam Melnikov, que lo preparara pa la catedral de San Isaac de San Petersburgu, pero como nun ganó'l concursu pa construyir esta catedral —el ganador foi Auguste de Montferrand— uso'l diseñu pa la de Ríbinsk.

Sieglu XX[editar | editar la fonte]

Nos años de la Xunión Soviética, Ríbinsk siguió camudando de nome: de 1946 hasta 1957 la ciudá llamóse Shcherbakov —n'honor al políticu Aleksandr Shcherbakov—, de 1957 a 1984 de nuevu Ríbinsk, dende 1984 hasta 1989 el so nome foi Andrópov —n'honor a Yuri Andrópov, políticu soviéticu y secretariu xeneral del Partíu Comunista— y vuelta al so nome actual.

Mapes[editar | editar la fonte]

Xeografía[editar | editar la fonte]

Alcontrada na confluencia de los ríos Volga y Sheksná, ye un importante centru industrial y de tresporte.[3]

Economía local[editar | editar la fonte]

Ente les sos industries destaquen les de construcción de barcos y les manufactures de prenses d'imprenta. El banzáu homónimu, xuntu al cual asítiase Ríbinsk, foi construyíu en 1940, llevantando preses nos ríos Volga y Sheksná, y tien una estación hidroeléctrica.

Imáxenes[editar | editar la fonte]

Referencies[editar | editar la fonte]

  1. «Estadístiques Rusia». Consultáu'l 2 d'agostu de 2017.
  2. «Rusia Weekly». Consultáu'l 2 d'agostu de 2017.
  3. «Departamentu Rusia». Consultáu'l 2 d'agostu de 2017.



Rýbinsk