Ríu Pra

Ríu Pra
Situación
Tipu	ríu
Coordenaes	43°20′33″N 5°29′57″W / 43.3424744°N 5.49913485°O
	Ríu Pra Ríu Pra (Asturies)
Datos
Desembocadura	Ríu Piloña

El ríu Pra ñaz na Travesera de Baluga, a 800 metros d'altitú, na parroquia yerbata de Santu Medero. Trescurre en Bimenes per Rozaes, Martimporra y Santuyano nesti conceyu y entra en Nava per Priandi. Nesti conceyu traviesa Priandi, Grátila, Piloñeta (onde recibe les agües del Ríu La Peña, tamién ricu antaño en molinos d'agua), Ḥuentesanta. Tres d'un pasu breve pela parroquia de Tresali au recibe les agües del Ríu Pendón en Frainoquiso, entra na de Cecea, onde depués de pasar pelos pueblos de La Cueva y Grandiella, (recibiendo ente dambes poblaciones el caudal del Ríu Los Cuervos) conflui en La Vega col ríu Viáu, formando entrambos los dos el ríu Piloña.

Nel so cursu per Bimenes y tovía per Priandi pue apreciase la presencia antaño d'una bayura de molinos d'agua . Del so pasu per Nava hai de destacar qu'ente Piloñeta y Ḥuentesanta pasa delláu del Palaciu de la Ferrería, y más p'alantre pela planta embotelladora y enantes balneario de Ḥuentesanta.

Tolos sos afluentes son recibíos pela mandrecha.

Referencies[editar | editar la fonte]

Enllaces esternos[editar | editar la fonte]