Ríu Aguadamía

Ríu Aguadamía
Situación
País	España
Autonomía	Principáu d'Asturies
Tipu	ríu
Coordenaes	43°27′32″N 4°58′52″W / 43.4589°N 4.9811°O
	Ríu Aguadamía Ríu Aguadamía (Asturies)
Datos
Llonxitú	5 km
Desembocadura	Mar Cantábricu

L'Aguadamía, tamién nomáu Guadamía o Mía, ye un ríu del oriente d'Asturies, que marca dellos tramos de la llende ente los conceyos de Ribeseya y Llanes. Pal orixe del so nome, Xosé Lluis García Arias propón la siguiente esplicación nel so llibru Pueblos asturianos: el porqué de sus nombres: "Un deriváu d'agua ye aguada 'medría del ríu', 'desbordamientu', 'gran arroxu' qu'acasu esplique dellos hidrónimos como L'Aguadamía, un ríu del oriente d'Asturies que nun tien nada que ver colos d'orixe árabe qu'entamen por GUAD- 'ríu' sinón qu'ha atalantase como 'aguada del Mía' o 'aguadamía' o 'l'agua de Mía' o cenciellamente 'el ríu Mía o Amía', nome col que tamién se conoz esa corriente d'agua (Ríu Mía). Esti últimu términu (Mía) quiciabes habremos arreyalu colos hidrónimos de tipu *AMIA (1) yá vistos."

(1) Voz remanada d'*APUA o *APIA, del mesmu aniciu prerromán *AKW- que'l llatín AQUA 'agua'.

Nacencia: El Colláu, nel conceyu asturianu de Ribeseya.
Boca: Mar Cantábricu, ente la Punta de Mía y el Castru Arenes.
Llonxitú: 5 km
Afluentes principales: nun tien.
Poblaciones que treviesa: Pría, Cuerres.

Referencies[editar | editar la fonte]

Enllaces esternos[editar | editar la fonte]