Quimera d'Arezzo

De Wikipedia
Obra artísticaQuimera d'Arezzo
Tipos escultura
Artista valor desconocíu
Xéneru escultura animalista (es) Traducir
Estilu arte etruscu
Material bronce
Dimensiones 78,5 cm (Alçada
Coleición Museo Arqueológico Nacional de Florencia (es) Traducir (Florencia)
Catalogación
Códigu muséu 1
Cambiar los datos en Wikidata

La estatua de bronce Quimera d'Arezzo ye ún de los exemplos más conocíos del arte de los etruscos. Alcontróse n'Arezzo, una antigua ciudá etrusca y romana de la Toscana, en 1553 y foi reclamada darréu pa la coleición del Gran Duque de Toscana, Cósimu I de Medici, que la espunxo públicamente nel Palazzo Vecchio, y colocó les pieces de bronce de menor tamañu nel so propiu estudiu nel Palazzo Pitti, onde "el Duque s'entetenía llimpiándoles elli mesmu, con ferramientes d'orfebre", según Benvenuto Cellini llantó na so autobiografía. La Quimera inda se conserva en Florencia, anguaño del muséu arqueolóxicu. Mide al rodiu de 80 cm d'altor.

Na mitoloxía griega la monstruosa Quimera devastaba'l so llugar natal, Lycia, hasta que la matara l'héroe Belerofonte. De primeres, esta estatua foi identificada como un lleón polos sos descubridores n'Arezzo, por cuenta de que'l rau, qu'habría tener forma de culiebra, taba perdíu. Sicasí, reconocióse ceo que representaba la Quimera del mitu, siendo recaudáu parte del rau d'ente pieces y cachinos de bronce más pequeños que trayeron a Florencia, según Giorgio Vasari. El rau de bronce actual ye una restauración del sieglu XVIII.

La Quimera yera úna d'ente una ayalga d'estatues de bronce que por seguridá enterraran con procuru na antigüedá. Surdieron por casualidá, mentes se cavaven unes zanxes na redolada la ciudá, xustamente per fuera de la Porta San Laurentino. Anguaño hai una réplica de bronce cerca del llugar.

Na so pata delantera drecha hai una inscripción que foi interpretada de diverses maneres, pero recientemente acordóse que diz TINSCVIL, demostrando que la estatua yera un oxetu votivu dedicáu al dios etruscu supremu del día, Tin o Tinia.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]