Qasigiannguit

De Wikipedia
Saltar a navegación Saltar a la gueta
Blue globe icon.svgQasigiannguit
Qasigiannguit-aerial.jpg
Alministración
PaísBandera de Dinamarca Reinu de Dinamarca
País autónomuBandera de Groenlandia Groenlandia
Conceyu Qeqertalik
Tipu d'entidá ciudá
Nome oficial Christianshåb (da)
Códigu postal 3951
Xeografía
Coordenaes 68°49′12″N 51°11′36″O / 68.8201°N 51.1932°O / 68.8201; -51.1932Coordenaes: 68°49′12″N 51°11′36″O / 68.8201°N 51.1932°O / 68.8201; -51.1932
Qasigiannguit alcuéntrase en Groenlandia
Qasigiannguit
Qasigiannguit
Qasigiannguit (Groenlandia)
Superficie 2.77 km²
Demografía
Población 1115 hab. (2016)
Porcentaxe 1.8801392019097E+170%
1.9883884318605E+172%
100% de Reinu de Dinamarca
Groenlandia
Qeqertalik
Densidá 402,53 hab/km²
Más información
Fundación 1734
Llocalidaes hermanaes Vejle
Cambiar los datos en Wikidata

Qasigiannguit[1] (pronunciáu [qaˌsiɣiˈaŋːuitˢʰ]), d'antiguo en danés Christianshåb[2], ye un pueblu allugáu nel oeste de Groenlandia, na costa sudeste de la badea de Disko nel conceyu de Qeqertalik. Ocupa una superficie de 3000 km² y una población de 1115 habitantes (2016)[3]. La industria principal ye la pesca del camarón y l'Hippoglossus hippoglossus.

Historia[editar | editar la fonte]

L'asentamientu foi fundáu como un puestu comercial pa la compañía de Jacob Severin en 1734[4] col nome Christianshaab n'honor al rei Christian VI de Dinamarca.[5] El nome yera dacuando escritu n'inglés Christian's Hope.[6] Severin llogró'l monopoliu del comerciu de Groenlandia de parte del rei en 1749, los daneses establecieron a partir de 1739 un violentu monopoliu comercial escontra dellos holandeses interesaos en comerciar con Groenlandia desde Qasigiannguit.

El misioneru Poul Egede vivió en Christianhåb ente 1736 y 1740. La so antigua casa ye l'edificiu de maera más antiguu que se caltién de Groenlandia. Terminó de construyise'l 25 de xunetu de 1734[7] pero reasitiáronlo al llugar qu'ocupa güei en 1806 por mor del fuerte vientu nel so allugamientu orixinal nel otru llau de la badea. Aínda esisten les ruines del antiguu asentamientu. En 1997 inauguróse un muséu na casa d'Egede. Nel branu de 1999, un descubrimientu arqueolóxicu apurrió al muséu una colección d'afayos de distintes cultures prehistóriques.[8]

Economía[editar | editar la fonte]

La industria principal del área ye la pesca de camarón y halibut. Hai una fábrica procesadora y empacadora de cangrexu que se creó 1959. Consigo, la población medró de 300 a 1.400. Xunto a un hospital y una escuela vocacional, s'atopa'l seminariu de pedagoxía de la Universidá de Nuuk en Qasigiannguit.

Demografía[editar | editar la fonte]

Con 1115 habitantes (2016)[9] ye la segunda llocalidá más grande del conceyu de Qeqertalik. La ciudá ta perdiendo población constantemente, amenorgó más del 27% en relación colos niveles de 1990 y en casi un 17% en relación colos niveles de 2000.[10]

Evolución de la población de Qasigiannguit ente 1991 y 2010. (Fonte: Departamentu d'Estadístiques de Groenlandia)[10]
Evolución de la población de Qasigiannguit ente 1991 y 2010. (Fonte: Departamentu d'Estadístiques de Groenlandia)[10]

Tresporte[editar | editar la fonte]

Pel iviernu, Air Greenland opera servicios aéreos dende l'helipuertu de la ciudá a Ilulissat, Qeqertarsuaq na islla Disko y Aasiaat.[11] Tamién hai comunicaciones per barcu pel branu y la seronda, cuando les agües de la badea de Disko son navegables.[12] La empresa Diskoline coneuta Qasigiannguit con Ilulissat, Aasiaat, Ikamiut, Akunnaaq y Qeqertarsuaq.

Referencies[editar | editar la fonte]

  1. Na ortografía anterior a 1973 yera Kasigianguit. Tamién dacuando escritu como Qasigianguit.
  2. Na ortografía anterior a 1948 yera Christianshaab.
  3. estadística
  4. Marquardt, Ole. "Change and Continuity in Denmark's Greenland Policy" in The Oldenburg Monarchy: An Underestimated Empire?. Verlag Ludwig (Kiel), 2006.
  5. Del, Anden. "Grønland som del af den bibelske fortælling – en 1700-tals studie Archived 2012-07-15 at the Wayback Machine" ["Greenland as Part of the Biblical Narrative – a Study of the 18th-Century"]. (danés)
  6. i.a., Lieber, Francis & al. Encyclopædia Americana: A Popular Dictionary of Arts, Sciences, Literature, History, Politics and Biography. "Greenland". B.B. Mussey & Co., 1854.
  7. O'Carroll, Etain (2005). Greenland and the Arctic, páx. 181. ISBN 1-74059-095-3.
  8. Museum Archived 2010-09-22 at the Wayback Machine.
  9. estadística
  10. 10,0 10,1 «Population by Localities». Departamentu d'Estadístiques de Groenlandia.
  11. «Booking system». Air Greenland. Archiváu dende l'orixinal, el 22 d'abril de 2010. Consultáu'l 8 de xunetu de 2010.
  12. Horariu de Diskoline Archived 2009-05-22 at the Wayback Machine

Enllaces esternos[editar | editar la fonte]