Puertu del Couño

Puertu del Couño
	puertu de monte
Situación
País	España
Autonomía	Principáu d'Asturies
Cordal	Cordelera Cantábrica
Coordenaes	43°02′42″N 6°43′12″W / 43.045°N 6.72°O
	Puertu del Couño Puertu del Couño (Asturies)

El Puertu del Couño ye un pasu de monte del Principáu d'Asturies. Asitiáu a 1315 msnm na carretera AS-348, xune les poblaciones de Ventanueva nel conceyu de Cangas del Narcea y San Antolín de Ibias, capital del conceyu d'Ibias

Descripción

Mientres munchos años, el puertu del Couño foi la principal vía de comunicación de Ibias col restu d'Asturies, xunto col Pozu de les Muyeres Muertes, de 1.098 metros, asitiáu na AS-29 y qu'enllaza La Riela con San Antolín.

La xubida al puertu puramente dicha empecipia un par de quilómetros dempués de pasar Ventanueva, na llocalidá de Moal. Mientres los primeros quilómetros d'ascensión traviésase un paisaxe montiego, onde abonden carbayos y hayas, dexando a la izquierda l'accesu a la Reserva Natural Integral de Muniellos. Una vegada pasada esta primer zona, entramos nuna rexón de monte baxu y carba que nos acompañará hasta'l visu del puertu. La xubida por esta aguada tien un total de 14 quilómetros de llargor y nun se traviesen nucleos de población.

Una vegada coronáu, empecípiase un llargu descensu de más de 20 quilómetros hasta llegar a San Antolín, travesando Centenales y Valdebois. Finalmente llégase a Cecos, a tan solo 3 quilómetros de Santantolín, onde conclúi la baxada.

Puertu del Couño y ciclismu

El puertu del Couño vio'l pasu de la Vuelta a Asturies en delles ocasiones mientres los últimos años, nun percorríu que travesaba'l Pozu de les Muyeres Muertes hasta Ibias, xubía depués el Couño y remataba nel Santuariu de La nuesa Señora del Xardón, en Cangas del Narcea.

Ver tamién

Pasos de monte más altos del mundu

Referencies

Enllaces esternos

Web del Conceyu de Ibias
Web sobre la Reserva de Muniellos (enllaz rotu disponible n'Internet Archive; ver l'historial y la última versión).
Páxina web del Conceyu de Cangas