Ptuj

Ptuj
Alministración
País	Eslovenia
City municipality of Slovenia (en)	Urban Municipality of Ptuj (en)
Tipu d'entidá	ciudá
Nome oficial	Ptuj (sl)
Nome llocal	Ptuj (sl)
Códigu postal	2250
Xeografía
Coordenaes	46°25′07″N 15°52′17″E / 46.4186°N 15.8714°E
	Ptuj Ptuj (Eslovenia)
Superficie	25.649 km²
Altitú	232 m y 237 m
Llenda con	Municipality of Duplek (en)
Demografía
Población	17 880 hab. (2022); - 8944 homes (1r xineru 2020); - 9015 muyeres (1r xineru 2020)
Porcentaxe	100% de Urban Municipality of Ptuj (en)
Densidá	697,1 hab/km²
Más información
Estaya horaria	UTC+01:00 (horariu estándar); UTC+02:00 (horariu de branu)
Llocalidaes hermaniaes	Aranđelovac, Saint-Cyr-sur-Loire, Burghausen, Varaždin (en) , Ohrid y Banská Štiavnica
	ptuj.si

Ptuj d'antiguo Optuj (alemán: Pettau, llatín: Poetovio) ye una ciudá al sudeste d'Eslovenia y conceyu de rexón del Drava de la Baxa Estiria.

Historia

Ptuj ye una de les ciudaes más antigües d'Eslovenia. Data de la Edá de piedra, pero la ciudá algamó la so mayor prosperidá mientres la dómina romana. N'agosto del añu 69, l'emperador Vespasianu foi aclamáu poles tropes acantonaes nella, episodiu nel cual apaez, ello ye que la primera mención escrita de la ciudá.

Nel añu 570, la ciudá foi ocupada polos ávaros y los eslavos; tres la cayida del reinu ávaru foi parte del Imperiu Francu. Dende 840 perteneció al Principáu de Pribina y Kocelj, pasando ente 874 y 890 a quedar so la influencia del arzobispáu de Salzburgu y volvió ganar los derechos de ciudá nel sieglu X, cola primer regulación de los mesmos en 1356. Ptuj foi incorporada al ducáu d'Estiria en 1555. Dende entós tuvo amestada al Sacru Imperiu Romanu Xermánicu y más tarde a Austria.

Campu de batalla durante las Guerres otomanes del sieglu XVI y XVII, foi amburada numeroses vegaes, la postrera en 1744. Nel sieglu XIX yera una ciudá d'escasa importancia hasta l'apertura de la llínea ferrial Viena-Trieste.

Desmebrado l'Imperiu austrohúngaru dempués de la Primer Guerra Mundial. L'exércitu del xeneral eslovenu Rudolf Maister prindó la ciudá y la amestar a Estáu de los Eslovenos, Croates y Serbios. Naquella dómina la ciudá yera mayoritariamente de fala alemana. Dempués de la guerra la población alemana menguó notablemente.

En 1941, Ptuj foi ocupada pola Tercer Reich, que deportó a la población eslovena y repobló la ciudá con alemanes del sur del Tirol y del condá de Gottschee, tres la guerra, estos al pie de los germanófonos locales fueron deportaos a Austria y munchos aniciáronse nos Estaos Xuníos. De magar, Ptuj tuvo poblada casi dafechu por eslovenos.

En 1959 construyóse una nueva ponte de formigón armáu sobre el ríu Drava en llugar del de madera. En 1969, pela redolada de Ptuj, na marxe derecha del ríu Drava, afayáronse agües termales que sentaron les bases pal desenvolvimientu d'un balneariu termal.

Xeografía

Tien una superficie de 25,649 km², alcuéntrase a unos 232 metros sobre'l nivel del mar. Además del ríu Drava, el conceyu tamién la travesáu polos regueros Grajena y Ragoznica, que desagüen nel llagu de Ptuj.

Les ciudaes importantes más cercanes son Maribor, a unos 23 km al noroeste, y Varaždin en Croacia, a unos 38 km al este. Llenda coles siguientes llocalidaes: Draženci, Grajena, Hajdoše, Kicar, Mestni Vrh, Pobrežje, Podvinci, Spuhlja, Zabovci, Zgornja Hajdina.

Demografía

Na ciudá vivien 17 880 habitantes (2022)^[1]. El centru d'enseñanza secundaria y l'hospital desempeñen un papel importante en Ptuj.

Cultura

Cada añu, en Ptuj celébrase el Festival Kurentovanje, nel que compiten mázcaras d'antroxu de diversos llugares, incluyida la mázcara d'antroxu local kurent, una especialidá mundialmente famosa y declarada Patrimoniu Cultural Inmaterial de la UNESCO.

La principal atracción de la ciudá ye el castiellu construyíu nel visu del monte. La ilesia católica n'honor a San Xurde foi construyida nel sieglu XII. Otres atracciones inclúin los monesterios dominicos y minorites, según ruines romanes.

Ciudaes hermaniaes

Aranđelovac (Serbia)
Banská Štiavnica (Eslovaquia) dende'l 2002
Burghausen (Alemaña) dende'l 2001
Saint-Cyr-sur-Loire (Francia) dende'l 1998
Ohrid (Macedonia del Norte) dende'l 2006
Varaždin (Croacia) dende'l 2004

Referencies

↑ URL de la referencia: http://pop-stat.mashke.org/slovenia-cities.htm.

Bibliografía

Kosi, Miha; Fridl, Jerneja (2009) Zgodnja zgodovina srednjeveških mest na Slovenskem. Llubliana: Zgodovinski inštitut Milka Kosa ZRC SAZU. ISBN 978-961-254-115-6.
Pertassek, Rudolf (1992). Pettau, Die älteste steirische Stadt. Graz: Edition Strahalm. ISBN 3-900526-57-5.

Enllaces esternos

Sitiu web oficial

[fb2c85a605c92db75879d0968cbf25b896e64083-1] URL de la referencia: http://pop-stat.mashke.org/slovenia-cities.htm.

[1]