Pruvia (parroquia)

Pruvia
Alministración
País	España
Autonomía	Principáu d'Asturies
Provincia	provincia d'Asturies
Conceyu	Llanera
Partíu xudicial	Uviéu
Tipu d'entidá	parroquia d'Asturies
Xeografía
Coordenaes	43°27′07″N 5°45′57″W
Pruvia Pruvia (Asturies)
Superficie	10.86 km²
Altitú	246 m
Llenda con	Villardebeyo, Llugo, Serín, L'Abadía Cenero, Samartindianes, Valbona y Viella
Demografía
Población	2783 hab. (2024)
Porcentaxe	19.85% de Llanera
Densidá	256,26 hab/km²
Más información
Estaya horaria	UTC+01:00

Pruvia ye una parroquia del conceyu asturianu de Llanera. Ye la más oriental del conceyu, y llenda, amás de coles parroquies de Villardebeyo (N y NO) y Lugo (O), colos conceyos de Xixón y Siero. Tien una estensión 10,86 km² y una población de 2783 habitantes (2024). Estos viven nos llugares de La Llomba, L'Otero, Pruvia, Pruvia Riba, Remoria, Santolaya y Puga, y tamién na urbanización Soto de Llanera, que s'asitia cerca Santolaya, en terrenos de lo que yeren Paxón y El Cantu los Carneros.

La parroquia ta poblada a lo menos dende'l Neolíticu, como amuesa la estructura tumular atopada n'Ortal. En cuantes al so patrimoniu arquiteutónicu tenemos, como edificios más destacaos, la casona de los Rodríguez de Pruvia y la ilesia parroquial. Esta última, que ta asitiada en Pruvia de Riba y consagrada a Santiago, ye del sieglu XVII y, anque ta remocicada enforma, entá caltién l'escudu de la familia González Candamo. Y en cuantes a la casona, ye de calter rural y formes austeres: d'ente la so decoración esterior namái destaquen les moldures barroques y los escudos d'armes qu'adornen la fachada. Hai, amás, bien d'exemplos de l'arquiteutura tradicional: horros y paneres, cases, molinos (desaniciaos)... Históricamente había, tamién, una venta o mesón en Puga: Xovellanos fala d'ella nos sos diarios, y queda amás el recuerdu toponímicu de la so situación.

Llocalidaes

Nᵘ	Nome	Población	% población Pruvia (parroquia)
1	L'Otero	22	0,790,79%
2	La Llomba	43	1,551,55%
3	Pruvia	374	13,4413,44%
4	Pruvia Riba	152	5,465,46%
5	Puga	21	0,750,75%
6	Remoria	37	1,331,33%
7	Santolaya	2137	76,7976,79%

Sitios

La Llomba

• El Curuxeo
• La Tabla
• Sotaque

Pruvia

• Fozalguera
  • El Cantu la Pica
  • El Mosquitu
  • El Peñaorcio
• Granda
• El Picu
  • La Corona
• La Campana
  • El Cantu Ligero
  • Paxón
  • Ricao

Pruvia Riba

• Pruvia Riba
  • La Enverniza
  • La Torre
• La Xonferiz
  • La Iría
• Peñadrada
  • El Revoltión
  • La Talaya

Remoria

• El Cantu
• La Casona
• Los Vayos
• Peñacaliente
• Remoria Baxo
• Remoria Riba

Santolaya

• El Cantu
• El Cantu los Carneros
• La Quintana

Enllaces esternos

• Datos: Q13147927