Provincia del Cabu
| Provincia del Cabu | |||||
|---|---|---|---|---|---|
| |||||
| Alministración | |||||
| Dominiu británicu | [[Xunión Sudafricana|{{{2}}} | ||||
| Tipu d'entidá | Provincies de Suráfrica | ||||
| Capital | Ciudá del Cabu | ||||
| Nome llocal |
The Cape of Good Hope Province (en) Provinsie van die Kaap die Goeie Hoop (af) | ||||
| Llingües oficiales |
inglés Afrikaans | ||||
| Xeografía | |||||
| Coordenaes | 31°S 22°E / 31°S 22°E | ||||
 | |||||
| Superficie | 717414 km² | ||||
| Demografía | |||||
| Población | 6 125 335 hab. (1991) | ||||
| Densidá | 8,54 hab/km² | ||||
| Fundación | 31 mayu 1910 | ||||
 | |||||
.svg)
La Provincia d'El Cabu o Provincia d'El Cabu de Bona Esperanza o El Cabu (n'afrikaans: Kaapprovinsie, Provinsie Kaap die Goeie Hoop, die Kaap, Kaapland), ye una rexón y antigua división alministrativa asitiada nel sur de la República de Sudáfrica, nel estremu meridional d'África, y que na actualidá ta estremada ente les Provincies d'El Cabu Septentrional, el Cabu Oriental y el Cabu Occidental.
Ciudá del Cabu, n'El Cabu Occidental, ye la ciudá más importante. Otres son Port Elizabeth, East London y Vitenhage n'El Cabu Oriental; Kimberley n'El Cabu Septentrional y Paarl n'El Cabu Occidental.
Xeografía[editar | editar la fonte]
La mayor parte de la rexón ye un pandu onduláu, con una altitú media d'unos 915 msnm. Ta llindada al sur por una serie de serrapatosos cordales qu'inclúin los montes Drakensberg y Stormberg. Al sur d'estos cordales hai un vastu altiplanu grebu, conocíu como'l Karroo, que la so altitú bazcuya ente los 305 y los 915 msnm. El Karroo ta llindáu al sur por cadenes montascoses costeres. El cabu Agulhas, al suroeste del cabu de Bona Esperanza, ye l'estremu más meridional d'África. El ríu más importante ye l'Orange, que flúi en direición oeste escontra l'océanu Atlánticu.
La temperatura medio añal nes proximidaes de Ciudá d'El Cabu son unos templaos 16,7 Cº; magar nes zones montascoses predominen les temperatures más baxessobremanera mientres la estación iverniza. Les precipitaciones d'agua son más abondoses na mariña meridional; l'interior ye semiárido.
Población[editar | editar la fonte]
Los pueblos de habla bantú, cuantimás los xhosa, constitúin la mayor parte de la población negra, qu'algama los 1,6 millones d'habitantes. Les persones d'orixe européu, una llixera mayoría de los cualos son falantes de la llingua afrikaans, en contraste colos falantes d'inglés, lleguen a los 1,3 millones d'habitantes aproximao. Los mestizos (coloured), persones de padres racialmente mistos (negros, blancos, asiáticos) y los asiáticos conformen el restu.
Economía[editar | editar la fonte]
La principal actividá económica nel territoriu de l'antigua Provincia d'El Cabu ye la cría de ganáu: les sos estenses praderíes son bien afeches pal llendo y apacentamiento. Críense vaques, oveyes, cabres, avestruces, caballos y pollinos. Los cultivos tán llindaos, na so mayor parte, a zones del este, sur y sureste. Ente los principales, atópense les vides, les olivares, los cítricos y otres frutes, l'avena, la cebada, el trigu y el tabacu.
La minería de diamantes ye la principal fonte de riqueza; les mines cercanes a Kimberley tán ente les más granibles del mundu. Tamién s'esplota asbesto azul, estañu, cobre y manganesu. Otres industries dedicanse a la ellaboración de vinu y brandy, les conserves de frutes, el procesáu d'alimentos, la ellaboración de cerveza, la pesca, la esplotación forestal, la manufactura de texíos, la construcción de materiales, muebles, zapatos y productos metálicos.
Historia[editar | editar la fonte]
La colonización europea de la rexón empezó en 1652, cuando la Compañía Neerlandesa de les Indies Orientales estableció una colonia, llamada Colonia del Cabu, na badea de Mesa, cerca de l'actual Ciudá del Cabu. La inmigración neerlandesa a la colonia acentuose mientres el sieglu XVIII. En 1795, mientres la Revolución francesa (1789-1799), les fuercies militares britániques apoderaronse de la colonia. En 1803 volvió quedar so control neerlandés pero foi cedida a los británicos en 1806 y convirtióse oficialmente en colonia de Gran Bretaña en 1814.
Delles reformes, qu'incluyíen l'abolición de la esclavitú (1833), fueron establecíes polos británicos, pero les primeres décades del so gobiernu tuvieron marcaes por una serie de guerres ente los xhosa y otros pueblos de habla bantú y el creciente antagonismu ente los neerlandeses o bóers, y los sectores británicos de la población. Al sentise primíos sol gobiernu británicu, los bóers empezaron el Gran Trek y estableciéronse finalmente nes repúbliques de Transvaal y l'Estáu Llibre d'Orange.
El descubrimientu en 1867 de diamantes al oeste de Griqualandia, entós parte de Transvaal, anovó les hostilidaes ente los bóers y los británicos. La Colonia d'El Cabu se anexonó Griqualandia Occidental en 1871, y, al añu siguiente, el gobiernu británicu garantizó una autonomía total, sacante n'asuntos esteriores y económicos. La colonia amiéstose a la República de Sudáfrica de los Bóers (Transvaal) en 1877; pero, al atopar una resistencia encarnizada, retirose en 1881.
En 1890 Cecil Rhodes convirtióse nel primer ministru de la Colonia d'El Cabu, y les rellaciones ente los británicos y los bóers deterioráronse. Rhodes dimitió en 1896, pero trés años más tarde empezó la Guerra Bóer. La victoria británica creó les condiciones favorables pal establecimientu d'un dominiu federal en Sudáfrica. En 1910 les colonies britániques de Sudáfrica confederaronse na Unión Sudafricana (anguaño la República de Sudáfrica), y la Colonia d'El Cabu convirtióse na Provincia del Cabu de Bona Esperanza (o Provincia del Cabu). En 1994, cola celebración de les primeres eleiciones llibres en Sudáfrica, la Provincia d'El Cabu foi estremada en tres provincies: El Cabu Septentrional, El Cabu Oriental y El Cabu Occidental.
Referencies[editar | editar la fonte]
Datos: Q849164