Provincia del Bierzu
| Provincia del Bierzu | |
|---|---|
|
| |
| Alministración | |
| Tipu d'entidá | provincia histórica d'España |
| Capital | Villafranca del Bierzo |
| Xeografía | |
| Demografía | |
| Fundación | 27 xineru 1822 |

La provincia del Bierzu o Vierzu (castellanu: Provincia del Bierzo o Vierzo, gallegu: Provincia do Vierzo) foi una antigua división provincial española aprobada na organización territorial de 1822 dientro de la rexón de Lleón. Entendía l'actual comarca del Bierzu, amás d'otros conceyos de la provincia de Lleón y dellos territorios güei partíos ente les provincies de Lugo y Ourense.
Introducción
[editar | editar la fonte]Esistieron diverses entidaes alministratives bercianes a lo llargo de la historia. Asina, El Bierzu era una de las cuarenta provincies que formaben la Corona de Castiella dende el Repartimientu de 1591. Hasta la división territorial de Conde de Floridablanca, en 1789, xuníase, davezu, a Lleón y Asturies, refiriéndose nos documentos a ella como "Partíu de Ponferrada", "Partíu del Bierzu" o "Provincia del Vierzu".
Tres 1789 faise necesaria una nueva reorganización del territoriu, pero los socesivos intentos d'integrar El Bierzu na provincia de Lleón o na prefeutura d'Estorga faen que'l rexón del Bierzu siga reclamando el estatus de provincia, enta mientres la guerra, y entá esistiendo dos sectores engarrao, que magar defendíen no fondero lo mesmo, lo formulaben de distintes maneras:
- Partidarios del Antiguu Réxime o Conservadores: partidarios de la división en partíos.
- Lliberales: división inspirada nel modelu departamental francés de 1791.
Seya como fora, precisábase una nueva división, afecha a los nuevos tiempos, que foi impulsada pola incipiente burguesía, y pallo facía falta un nuevu modelu d'estáu.
Antecedentes históricos
[editar | editar la fonte]Ye posible atopar diversos exemplos d'esa identidá a lo llargo de la historia del Bierzu, dende l'alloñáu sieglu VII nel que's fala de territoriu bergidense, hasta cartes nel 1567 solicitando una independencia administrativa. Como pon de relevancia l'historiador estorganu Xosé María Luengo, los bercianos siguíen llamando, a El Bierzu, provincia, independientemente de la fórmula administrativa na que s'encuadrara El Bierzu. Yá nel 1735, na portada de la perrara edición: "Príncipe de la historia del célebre santuario de Nuestra Señora de las Hermitas", escritu por Xuan Manuel de Contreras, diz que yera cura de la parroquial de Santalla "en la provincia del Bierzo" y en 1786, Tomás López realizó el mapa que'l imaxe vemos encabezando esti artículu nel que's pone de relieve-y denominación habitual de "Provincia del Vierzo".
En 1780, constituyéronse los partíos de Lleón, Asturies y Ponferrada.
En 1789, estremóse l'actual provincia de Lleón en trés partes: Lleón, Estorga y Ponferrada.
Orixe de la provincia nel Trieniu Lliberal
[editar | editar la fonte]Tres la xura de la Constitución de 1812 pol Rei el 9 de marzu de 1820 empecipiase na Cortes un nuevu procesu, con calter d'urxencia, d'organización alministrativa del Reinu, nomándose una comisión.
La provincia del Bierzu amena numberosos problemes que'l orixe ye la rivalidá ente los dos principales ciudaes de la rexón: Ponferrada (468 vecinos) y Villafranca del Bierzu (690 vecinos) enfrentaes dende la guerra representando la primera a los nuevos poderes económicos, la nueva burguesía (comerciantes y industriales), y la segunda a los poderes tradicionales del Antiguu Réxime (pequeña nobleza, terratenientes, clericatura). Dambes ciudaes ponen tolos sos recursos y argumentos al serviciu del llogru de la capitalidá provincial.
Nel proyeutu de división provincial del cartógrafu mallorquín Bauzá y del inxenieru Larramendi de 1821 contemplábase la creación de la provincia de Ponferrada, que quedaría, darréu refugada en favor de la provincia del Bierzu con capital en Villafranca del Bierzu.
En septiembre de 1821, la comisión encargada decidió constituyir la provincia del Bierzu, pero entá quedaba por determinar la capitalidá, empezándose l'alderique en sí el 10 d'ochobre. Buscando les dos candidates sofitos y argumentos hasta l'últimu momentu, resultó que'l 14 d'ochobre prevalecieron los argumentos de Villafranca del Bierzu, que pasó a ser la capital. Publicóse na Gaceta de Madrid el 16 d'ochobre col nome de provincia del Bierzu, capital Villafranca.
El 27 de xineru de 1822 publicase el Decretu pol qu'El Bierzu conviertese en provincia, col nome de provincia de Villafranca y capital en Villafranca. Cuenta entós con 86.365 habitantes y exerz la so xurisdicción sobre los Partíos Xudiciales de Villafranca del Bierzu, Ponferrada, Torenu, y O Barco de Valdeorras. En llinies xenerales les llendes de la provincia coinciden col mapa de 1786 equí representáu más la comarca de Valduerras.
Diputaos provinciales
[editar | editar la fonte]
El 10 de marzu de 1822 nomóse xefe políticu de la provincia del Bierzu al abogáu lliberal, Juan de Zárate y Murga.
Los diputaos que formaron la Diputación Provincial fueron los mesmos que fueren escoyíos por El Bierzu pa formar parte de la Diputación Provincial de Lleón cuando El Bierzu formaba parte d'ella, estableciéndose formalmente la toma de posesión de les actes de diputaos el 5 de mayu de 1822 y el 3 d'agostu la eleición de xuraos y Fiscal. Los diputados yeran: Benito Lorenzo (párroco de Calamocos), Francisco Monasterio del Palacio (párroco de Bienvibre), Eustaquio Mª. González Yebra y Cabeza de Vaca (vecín de Ponferrada), Manuel Mª. Losada (de Portela), Tomás Aquino Prada (de Rubiá), Antonio Valcarce (de Ponferrada) y Genadio Núñez (de Villafranca); los suplentes seríen Joaquín Válgoma (Cacabieḷḷos), Francisco Francia (Villafranca) y Pedro Regalado Gabilanes (Columbrianos). La see de la Diputación foi el Colexu de los Xesuites de Villafranca. El 21 d'agostu el coronel Carlos de Villapadierna foi nomáu nuevu xefe políticu.
Final de la provincia
[editar | editar la fonte]Tras la invasión francesa de 7 d'abril de 1823 solo El Bierzu y Galicia, nel cuadrante noroeste de la Península Ibérica, siguíen fieles a la Constitución.
El Bierzu atopase n'estáu de guerra dende el 16 d'abril coles tropes del xeneral Bourke a la entrada del Bierzu, preparándose p'aguantar, pero un armisticiu (que nun comunicó a les fuerces bercianes comandaes pol coronel Francisco Colombo) retiró les tropes constitucionales a Lugo el 4 de xunetu. Este mesmu día, unviaos del exército realista llegaron a los conceyos de Ponferrada y Villafranca del Bierzu, destruyendo cualquier simboloxía constitucional.
Las fuerces bercianes, al mandu del nuevu xefe políticu de la provincia del Bierzu, Nicolás de Castro (con calter interín), empacipiaron una resistencia dende los montes del oeste bercianu. Llomaes de rebeldes y a pesar de les partíes unviaes pa conteneles, contraatacaron y el 17 y 18 d'agostu de 1823 tomaron Villafranca del Bierzu y Ponferrada, respectivamente restableciendo l'orde constitucional mientres cuatro díes. Les fuerces constitucionales bercianes aguantaron hasta finales de setiembre.
Los nuevos gobernantes empezaron les purgues contra los constitucionalistes, pero los distintos distintos y la población nun collaboraron negándose a delatar a simpatizantes constitucionales coles más diverses escuses. El 1 d'ochobre de 1823 declaráronse nules les actuaciones del Gobiernu Constitucional, dexándose en suspensu la provincia del Bierzu.
En 1832 incluyóse al Bierzu como provincia segregada d'Ourense y Lleón, el 30 de payares de 1833 designóse una nueva división territorial, creada por Javier de Burgos, na que nun esistía yá nenguna provincia berciana. L'antigua provincia del Bierzu, foi estremada en trés: la mayor parte anguaño forma parte de la provincia de Lleón, ente qu'otros once pueblos que tradicionalmente pertenecieren a la merindá de Aguiar (Bierzu Oeste) otorgaronse a la Provincia de Lugo y gran parte de lo que güei ye la comarca de Valduerras (cinco conceyos actuales) pasaron a formar parte de la provincia d'Ourense.
Intentos posteriores de recuperación
[editar | editar la fonte]La supresión de la provincia nun foi tomada, en principiu, como daqué definitivu, sinón como un castigu énte la defensa de la opción constitucional del Bierzu. Sigue citándose nos documentos oficiales llocales a la estinta provincia como si siguiera vixente y los nuevos representantes ponferradinos, aunque acurdies con la reivindicación, siguen echando la culpa de tolos males al fechu de conceder la capitalidá a Villafranca del Bierzu. En 1834, creáronse los partios xudiciales de Ponferrada y Villafranca del Bierzu.
Nesti periodi, un "consorciu" d'alcaldes y párrocos de tolos conceyos bercianos tomaron l'alcuerdu de facer una Agrupación o Xunta rexonal qu'afigurara l'antigua diputación berciana, estremando, pa ello, El Bierzu en seis grupos llamaos "Siendes": Sienda de Galicia (capital Villafranca del Bierzu), Sienda d'Ancares y Ribas del Sil, Sienda de Ponferrada, Sienda de Bienvibre-Boeza, Sienda d'A Ponte de Domingos Flórez y Sienda de Castilla (dende el sur de Ponferrada hasta la llende con Zamora).
En 1836 la nueva Llei electoral, favorecedora de rentistes y terratenientes, dio llugar a una nueva alministración inoperante na práctica. Esta llei perxudicó seriamente les opciones de recuperar el estatus de provincia pa El Bierzu.
Asocediéronse diversos intentos y protestes de los representantes bercianos (siempre los de Villafranca per un sitiu y los de Ponferrada por otru) col fin de recuperar la provincia, especialmente a partir de la rexencia d'Espartero (1841). Por Ponferrada intercedieron, principalmente, el diputáu Pascual Fernández Baeza y el senador Nemesio Fernández García. Por Villafranca del Bierzu, Apolinar Suárez de Deza col sofitu de la comarca de Valduerras.
En 1842 abriéronse nueves ilusiones, sobre manera per parte de Ponferrada, énte el proyeutu presentáu esi añu por Fermín Caballero, que contemplaba la creación de la provincia de Ponferrada.
Esti proyeutu supunxo que la villa de Ponferrada empezara una serie d'iniciatives en pos de recuperar la provincia y la capitalidá provincial, ente elles les intervenciones de los diputaos ponferradinos Pascual Fernández Baeza, Nemesio Fernández y del lleonés Patricio de Azcárate Corral énte el rexente del Reinu, Espartero.
En 1846, énte el fracasu del proyeutu de Fermín Caballero, José Pérez Carús dirixe un nuevu espediente, esti énte la reina, movilizando a tolos sos representantes, añadiéndose a ellos el cacabelense marqués de Villagarcía, Francisco Antonio Álvarez Lorenzana Armesto y Válgoma y Tejeiro, miembru del Conseyu de S.M., diputáu y contador xeneral del Reinu.
Cabo indicar que políticos y personaxes de fora del Bierzu manifestáronse a favor de recuperar la provincia pa El Bierzu, ye este el casu del deán de la catedral de Murcia, Manuel Goyanes los sofitos lleguen tamién dende Lleón, en boca del so diputáu Patricio de Azcárate.
El propiu ministru Pascual Madoz era favorable a la so recuperación y nesa intención manifestóse públicamente. Entá dempués de tantos reveses los bercianos partidarios de la provincia nun rindense y siguen reivindicando la provincia siendo los sos principales defensores l'abogáu (y posterior alcalde de Ponferrada) Isidro Rueda y l'alcalde de Villafranca del Bierzu Santiago Capdevila, pero esta vegada empiecen a manifestarse en contra los grupos más conservadores que ven nel aislamientu de la rexón la so meyor baza nel caltenimientu de los sos privilexos y rentes, destaca la oposición de la familia Valdés, el mayor rentista bercianu.
Mientres el Bieniu Progresista (1854-1855), y entá tres los fracasos de los proyeutos e iniciativas anteriores, volvieron a surdir los pronunciamientos dende los dos conceyos, Villafranca del Bierzu y Ponferrada, engarraos siendo esti postreru el principal frenu a los sos aspiraciones. Adulces, los antes lliberales fueron atropando rentes gracies a los sos puestos públicos ya influyencies, atopando que, l'aislamientu del Bierzu pudo favorecer a los sos intereses. Aun así, surdieron iniciatives en pos de la recuperación del estatus provincial del Bierzu. El conceyu de Ponferrada presentó la propuesta del "establecimientu de la Provincia del Bierzu" otru tantu, pel so llau, fixo el conceyu villafranquinu. Darréu, les crisis socesives, la falta d'inversiones n'infraestructures y l'inestabilidá política fixeron recultar al sector de la burguesía lliberal que sofitabla la provincia abandonan l'idea al revalorizarse les sos rentes pol aislamientu de la rexón.
Ver tamién
[editar | editar la fonte]Referencies
[editar | editar la fonte]Bibliografía
[editar | editar la fonte]- García González, Miguel J. (1994). Historia de El Bierzo. Instituto de Estudios Bercianos y Diario de León. ISBN 84-88635-02-8.
Enllaces esternos
[editar | editar la fonte]- «La provincia del Bierzo, 200 años de una historia efímera» (castellanu). El Bierzo Digital (27.1.2022). Consultáu'l 6.4.2026.