Provincia de Bumerdés

De Wikipedia
Saltar a navegación Saltar a la gueta
Provincia de Bumerdés
Vue d'un village de Timezrit.JPG
Alministración
PaísBandera d'Arxelia Arxelia
ISO 3166-2 DZ-35
Capital Boumerdès Traducir
División
Xeografía
Coordenaes 36°46′N 3°29′E / 36.77°N 3.48°E / 36.77; 3.48Coordenaes: 36°46′N 3°29′E / 36.77°N 3.48°E / 36.77; 3.48
Boumerdes in Algeria.svg
Superficie 1591 km²
Altitú media 61 m
Demografía
Población 801 068 hab. (2008)
Densidá 503,5 hab/km²
Cambiar los datos en Wikidata

Bumerdés (en francés: Boumerdès, en árabe: ولاية بومرداس Wilāyá Būmardās, en bereber: Bumerdas) ye un vilayato del norte d'Arxelia, allugáu ente Arxel y Tizi-Ouzou, siendo la so capital la ciudá costera de Bumerdés (enantes Rocher-Noir).

Xeografía[editar | editar la fonte]

El vilayato cubre una superficie de 1.456,16 km² y tien más de 80 km de mariña. La so población ye de 786.602 habitantes. Atiesta al norte col mar mediterraneu, al este col vilayato de Tizi-Ouzou, al sur col vilayato de Bouira, al sur oeste col de Blida y al oeste col vilayato d'Arxel.

La provincia tien un clima mediterraneu, templáu na mariña (18 °C de media añal) y daqué más calorosu nel interior (25 °C de media añal).

La llanura costera ocupa 36,5 % de la superficie de la provincia, los altiplanos y montes 26,5 %, y los montes 26 %.

Los principales ríos son l'Isser y el Sebaou.

Los conceyos de la provincia (o vilayato) son: Boudouaou, Boudouaou El Bahri, Corsu, Tidjelabine, Hammadi, Khemis El Khechna, Ouled Haddadj, Ouled Moussa, Larbatache, Kharrouba, Keddara, Thenia, Souk El Had, Beni Amrane, Ammal, Zemmouri, Si Mustapha, Isser, Chabet L'Ameur, Timezrit, Naciria, Bordj Menaiel, Laghata, Djinet, Sidi Daoud, Ouled Aissa, Baghlia, Taourga, Ben Choud, Dellys y Afir.

Turismu[editar | editar la fonte]

La provincia tien un gran potencial turísticu, anguaño en fase de desenvolvimientu y favorecíu pola recién meyora de les comunicaciones per tierra. Tradicionalmente los braniantes concentráronse na mariña que cunta con 26 sableres nes que ta autorizáu bañase, d'un total de 41. Hai 16 hoteles y 7 campings. Mientres la temporada turística 2010, la provincia de Bumerdés acoyó a 9.987.000 turistes.

Recursos[editar | editar la fonte]

La pesca ye unu de los principales recursos de la provincia gracies a los sos dos grandes puertos pesqueros: Dellys y Zemmouri. En 2011, un tercer puertu pesqueru ta en fase de construcción nel cabu Djinet. Dende 2011, el cabu Djinet cuenta con una planta desaladora qu'abastez de 100.000 m³/día a la rexón.

Cultura[editar | editar la fonte]

La investigación científica xuega un papel destacáu na vida de la provincia gracies a la universidá M'Hamed Bougara de Bumerdés, creada en 1998 a partir de 6 institutos nacionales d'investigación científica y teunolóxica. Magar la investigación n'hidrocarburos foi la so vocación primera, la ufierta actual diversificóse y los estudios adoptaron la estructura curricular LMD de la Xunión Europea por cuenta de los sos intercambios permanentes con universidaes estranxeres.[1]

Notes y referencies[editar | editar la fonte]

  1. Universidá M'Hamed Bougara de Boumerdès. En francés[1] y n'inglés[2]

Enllaces esternos[editar | editar la fonte]

Provincia de Bumerdés