Presidente de Trinidá y Tobago

De Wikipedia
Saltar a navegación Saltar a la gueta

El presidente de Trinidá y Tobago ye'l xefe d'Estáu de Trinidá y Tobagu y el comandante en xefe de les sos fuercies armaes. El cargu foi creáu en 1976, añu nel que'l país constituyóse como república. Enantes, el xefe d'estáu fuera la reina Sabela II del Reinu Xuníu. Sir Ellis Clarke, postreru gobernador-xeneral de Trinidá y Tobago, xuró'l cargu como primer Presidente'l 1 d'agostu d'esi añu, nun alcuerdu de transición. Foi escoyíu formalmente Presidente por un colexu eleutoral formáu por miembros de los dos cámares del Parllamentu de Trinidá y Tobago el 24 de setiembre, día que nel que se celebra'l día de la república.

De conformidá cola Constitución de Trinidá y Tobago de 1976, el presidente ye la fonte formal del poder executivu. Sicasí, na práutica quien realmente gobierna ye'l Primer Ministru de Trinidá y Tobago y el so gabinete de gobiernu. El Presidente noma como Primer Ministru al líder del partíu más votáu na Cámara de Representantes (la cámara baxa), y tamién escueye a los miembros del Senáu (la cámara alta) que son primeramente encamentaos pol Primer Ministru y pol Líder de la Oposición.

El Presidente debe de tener siquier 35 años d'edá, anque hasta la fecha nunca hubo nengunu más nuevu de 59, y tien de ser ciudadanu de Trinidá y Tobago, y ser residente nel país nos diez años previos a la so eleición.

Llista de presidentes de Trinidá y Tobago[editar | editar la fonte]

Referencies[editar | editar la fonte]

Enllaces esternos[editar | editar la fonte]



Presidente de Trinidad y Tobago