Premiu del Sindicatu d'Actores a la meyor actriz de repartu

De Wikipedia
Premiu del Sindicatu d'Actores a la meyor actriz de repartu
Llocalización Los Angeles
Historia
Primer entrega 1994
Sitiu oficial
[editar datos en Wikidata]

El Premiu del Sindicatu d'Actores a la meyor actriz de repartu ye un premiu dau pol Sindicatu d'Actores de Cine pa reconocer la interpretación femenina de repartu más destacada del añu anterior; la ganadora elíxese per aciu del votu d'otros otros actores pertenecientes al sindicatu.[1] Esti premiu dase xunto colos de meyor actor, meyor actriz y meyor actor de repartu valorando les actuaciones individuales nuna película del añu anterior.

Historia[editar | editar la fonte]

Mentanto los ventidós años nos que se fizo esta gala, un igual númberu d'estremaes actrices se premiaron nesta categoría. A diferencia de toles demás categoríes de los premios del Sindicatu d'Actores, esta ye la única que presentó un empate na so historia; foi en 1997, cuando les actrices estauxunidenses Kim Basinger y Gloria Stuart ganaron poles películes L. A. Confidential y Titanic respeutivamente.

Adicionalmente, siete actrices que ganaron esti premiu nun algamaron facese col Óscar a la meyor actriz de repartu. Estes foron: Kate Winslet por Sense and Sensibility (1995), Lauren Bacall por The Mirror Has Two Faces (1996), Gloria Stuart por Titanic (1997; perdió escontra la so compañera d'empate, Kim Basinger), Kathy Bates por Primary Colors (1998), Judi Dench por Chocolat (2000), Helen Mirren por Gosford Park (2001) y Ruby Dee por American Gangster (2007). Nel añu 2008 l'actriz británica Kate Winslet recibió'l premiu pola película The Reader, pero inusualmente, Winslet ganó l'Óscar por esta película na categoría de meyor actriz, siendo la primer vegada qu'una actriz nun se nomina na mesma categoría que nos premios del Sindicatu d'Actores.

Ver tamién[editar | editar la fonte]

Referencies[editar | editar la fonte]

  1. «Los actores eligen a los actores» (inglés). MujerHoy.com. Consultáu'l 8 de setiembre de 2011.

Enllaces esternos[editar | editar la fonte]