Premiu al Meyor Cantar

Premiu al Meyor Cantar
	[editar datos en Wikidata]

El Premiu al Meyor Cantar nació nel añu 2007 como reconocimientu del Gobiernu del Principáu d'Asturies a la creación musical en llingua asturiana o gallegoasturianu. Acordies coles bases, puen optar a esti gallardón les canciones con lletra n'asturianu o gallegoasturianu que se comercializaran ente’l 1 de xineru y el 31 d'avientu del añu anterior a la convocatoria, una y buenes sían obres musicales de creación orixinal.

Un xuráu formáu por espertos en música y llingua asturiana escueye a los cinco finalistes, que van actuar en direuto na gala que se celebra con motivu del Día Internacional de la Llingua Materna. La Gala d'Entrega del Premiu suel retresmitise en direuto pela Televisión del Principáu d'Asturies (TPA). L’actu suel emprimar a les 19.00 hores nel Auditoriu de la Casa de la Cultura “Teodoro Cuesta”, de Mieres del Camín. L'espectáculu inclúi la actuación del grupu ganador de l'anterior edición y ciárrase cola interpretación del cantar ganador.

Dende 2009, el galladornáu col Premiu al Mayor Cantar conviértese automáticamente nel representante asturianu nel festival Liet International.

El grupu ganador recibe como premiu una escultura creada pola artista María Jesús Rodríguez, que lleva por títulu “La Payarina ” (aluminiu, oleu y barniz. 18x18x4cm) y que tien un valor estimáu nel circuitu artísticu de más de dos mil euros.

Ganadores[editar | editar la fonte]

2007: Azul y gris (Marta Mori), de Toli Morilla.
2008: Nosh (Carmen Trevías), d'Herbamora.
2009: La nada y tu (Antón García), d'Alfredo González.
2010: Tierra (Xera), de Xera.
2011: Condenáu (David Artime Coto), de Skama la Rede.
2012: Si nun conoces Vaḷḷouta (Macu González), d'Asturiana Mining Company.
2013: Ensin ti (Diego Díaz Martino), de Taranus.
2014: Volviche (Xosé Miguel Suárez Fernández), de Banda de Gaitas El Trasno.
2015 y 2016: La lloca (Xulio Arbesú), d'Anabel Santiago.
2017: La ñeve y la esmeralda (Luis Núñez), de Luis Núñez y los Folganzanes.

Referencies[editar | editar la fonte]

Enllaces esternos[editar | editar la fonte]