Saltar al conteníu

Premiu Pepe Campo

De Wikipedia
(Redirixío dende Premiu 'Pepe Campo')
Premiu Pepe Campo
Historia
Primer entrega 1997
[editar datos en Wikidata]

El Premiu 'Pepe Campo' ye un gallardón convocáu pola Sociedá d'Humanitarios de Samartín de Morea (Ayer) en collaboración cola Conseyería de Cultura del Gobiernu d'Asturies, pasando por delles modalidaes hasta convertise en certame pa monólogos que traten temes d'actualidá social, política y cultural, en prosa o en versu, siempres en llingua asturiana.

El premiu lleva'l nome del escritor d'Ayer, Pepe Campo (Morea, 1921-1992) autor d'una bayurosa obra conformada por monólogos y poesíes de calter popular.

En 1997 la Sociedá d'Humanitarios de Samartín convócalu como concursu de narrativa:

Palmarés como premiu pa rellatos[editar | editar la fonte]

-Xandru Martino Ruz, de Ribeseya, por “Tienes unos güeyos que manquen”

-Accésit a Maria Belén Quirós López, de Vayu, (Grau), por “Tres nueches en La Fontona”, de “Caxigalines”

-María Meana Fernández, de Candás por “Alcordances”

-Accésit a Pablo Rodríguez Medina, de L’Entregu, por “Los guardianes del mármole”.

-Pablo Rodríguez Medina por “Los Paraísos perdíos”

-Naciu Varillas,de Xixón, pol testu “Nun t’esmolezas que siempres te voi entender”.

-Pablo Rodríguez Medina, con “Esparabanes nel silenciu”

Palmarés como premiu de narrativa pa rapazos[editar | editar la fonte]

Pola mor del probetayu númberu d'obres que se presenten, decídese cambiar les bases de la convocatoria y empobinar el Concursu “Pepe Campo” a rapazos d'hasta 20 años. Tanto na edición de 2002 como la de 2003, el premiu queda ermu al ver que les obres presentaes nun tienen calidá suficiente.

Palmarés como premiu pa monólogos[editar | editar la fonte]

Ye nel 2004, aprovechando la fornada de nuevos monologuistes y la ruina acoyida del concursu na so modalidá anterior, cuando Los Humanitarios entamen el Concursu de Monólogos, respetando’l nome del escritor costumista, que tamién trabayó esti xéneru. Esi mesmu añu nun hai participación y el premiu, otra vuelta queda ermu.

El premiu paez anguaño afitáu como l'únicu entamáu pal monólogu asturianu, ún de los xéneros con más tradición na lliteratura asturiana, y que vive na década última un momentu d'importante renovación y ésitu.

Edición Ganador/a Títulu
2004 Ermu
2005 José Antonio de Dios Mio güelu ye un top-model
2006 Inaciu Galán y González & Isaac García de l'Arada Los asturianos al volante
2007 Benxa Pérez L'home y la gochería
2008 Inaciu Galán y González Les vacaciones
2009 Carlos Alba "Cellero" Medio analfabetu
2010 Inaciu Galán y González La mio fía cásase
2011 Carlos Alba "Cellero" La llei del cuchu
2012 Jose Manuel Reguero López El Maestru Un fallu tienlu cualquiera
2013 Inaciu Galán y González Yá llegó la Navidá
2014 José Alfonso González Castellanos Que me despierten dientro un sieglu
2015 Carlos Alba "Cellero" Emprendamos de la crisis
2016 Inaciu Galán y González Les coses de la política nueva
2017 José Alfonso González Castellanos La Constitucionona
2018 Inaciu Galán y González Viaxar n'avión
2019 Manuel Reguero “El Maestru” y Mención Especial escolar a ”La Feriona de Xixón” de Miguel Ángel, alumnu del CRA José Antonio Robles. Maldita xubilación
2020 Canceláu pol andanciu de coronavirus
2021 Aymara González Montoto Somos unes repunantes
2022 Inaciu Galán y González Nel tiempu l'andanciu
2023 Chema Fonsagra Cuernos

Referencies[editar | editar la fonte]

Enllaces esternos[editar | editar la fonte]