Política d'Asturies

El Principáu d'Asturies ye una comunidá autónoma uniprovincial española constituida d'alcuerdu cola Constitución Española y l'Estatutu d'Autonomía del Principáu d'Asturies, pela vía del artículu 143 de la primera.

El procedimientu siguíu pa l'establecimientu d'Asturies como Comunidá Autónoma foi'l que vien darréu: ellaboróse un Anteproyeutu pola denomada "Comisión de los 24". El 18 de xineru de 1980 constitúise'l Conceyu de Parllamentarios y Diputaos provinciales encargáu d'ellaborar el Proyeutu d'Estatutu d'Autonomía que finaría los sos trabayos el 12 d'abril. Diez díes dempués, remítese esti proyeutu a la Comisión Constitucional del Congresu y ye aprobáu na so versión definitiva el 15 d'avientu de 1981. La Llei Orgánica 7/1981, de Estatutu d'Autonomía p'Asturies espublízase nel BOE el 30 d'avientu de 1981.

Muérganos institucionales

Los muérganos institucionales del Principáu d'Asturies son la Xunta Xeneral, el Conseyu de Gobiernu y el Presidente.

Divisiones alministratives

Según l'Estatutu d'Autonomía, Asturies muerganízase en 78 conceyos, que caltienen el nome tradicional de conceyos, en cuenta del castellán municipios, y en comarques. Reconózse amás la personalidá xurídica de la Parroquia Rural (emplegada namái en dalgunos conceyos) y podrán facese Arees Metropolitanes (Agora ye área metropolitana'l centru d'asturies).

Conseyeríes

Conseyería de la Presidencia
Conseyería d'Economía y Alministración Pública
Conseyería d'Educación y Ciencia
Conseyería de Cultura, Comunicación social y Turismu
Conseyería de Vivienda y Bienestar Social
Conseyería de Salú y Servicios Sanitarios
Conseyería de Mediu Ambiente, Ordenación del Territoriu ya Infraestructures
Conseyería de Mediu Rural y Pesca
Conseyería d'Industria y Emplegu
Conseyería de Xusticia, Seguridá Pública y Rellaciones Esteriores

Partíos políticos d'Asturies

Llistáu de partíos políticos asturianos n'activo:

Andecha Astur (AA)
Asturianistes
Conceyu Abiertu (CA)
Conceyu Astur (CONCEYU)
Falanxe Asturiana (FA)
Izquierda Asturiana (IAS)
Partíu Comunista d'Asturies (PCA)
Partíu Socialista d'Asturies (FSA-PSOE)
Partíu Asturianista (PAS)
Partíu Carlista d'Asturies
Unión Noreñense Independiente (UNI)
Unión Progreso y Democracia (UPyD)
Unión Renovadora Asturiana (URAS)
Unión Social y Progresista de Corvera (USPC)
Unión Asturianista (UAS)

Eleiciones autonómiques

**Resultaos de les Eleiciones Autonómiques del Principáu d'Asturies**
		1983	1987	1991	1995	1999	2003
PSOE	votos	293.320	222.236	218.193	219.506	280.979	243.709
PSOE	escaños	26	20	21	17	24	22
PP¹	votos	170.654	144.379	161.703	272.396	197.581	237.951
PP¹	escaños	14	13	15	21	15	19
IU-BLOQUE²	votos	60.521	69.175	78.982	106.545	55.241	67.746
IU-BLOQUE²	escaños	5	4	6	6	3	4
URAS	votos	-	-	-	-	43.800	17.217
URAS	escaños	-	-	-	-	3	0
PAS³	votos	-		14.569	20.659		11.087
PAS³	escaños	-		1	1	0	0
CDS	votos		106.155	35.884
CDS	escaños		8	2	0	0	0
TOTAL	votos						609.439
¹ en 1983 presentóse como AP-PDP-UL y en 1987 como FAP. ² en 1983 presentóse como PCE-PCA y entre 1987 y 1999 como IU. ³ en 1991 presentóse como PAS-UNA.

Eleiciones a conceyos

Vér tamién

Referencies

Enllaces esternos

Wikimedia Commons tien conteníu multimedia tocante a Política d'Asturies.