Pokémon Fire Red Version y Leaf Green

De Wikipedia
Saltar a navegación Saltar a la gueta
Pokémon Fire Red Version y Leaf Green
Desendolcador Game Freak
Distribuidora Nintendo
Plataforma Game Boy Advance
Publicación 29 xineru 2004
Serie serie principal de Pokémon (es) Traducir
Xéneru videoxuegu de rol
Mou multixugador y un xugador
Clasificaciones
CERO Toos
ESRB Toos
PEGI PEGI 3 (es) Traducir
USK USK 0
Más información
Páxina web oficial pokemon.com…
' Pokémon Fire Red Version y Leaf Green '
Cambiar los datos en Wikidata

Pokémon Fire Red y Leaf Green (n'asturianu: Pokémon Coloráu Fueu y Verde Fueya), conocíos en Xapón como Pocket Monsters Fire Red & Leaf Green (ポケットモンスター ファイアレッド & リーフグリーン Poketto Monsutā Faiareddo & Rīfugurīn?), fueron llanzaos al mercáu n'ochobre de 2004, siendo básicamente «remakes» de les clásiques versiones Coloráu y Verde, pero desenvueltos con nueva teunoloxía. Son consideraos como parte de la tercer xeneración de la saga de videoxuegos de Pokémon, xunto con Rubín, Zafiru y Esmeralda. Sicasí, Coloráu Fueu y Verde Fueya son muncho más qu'un viaxe al pasáu con gráficos notoriamente ameyoraos (asemeyaos a los de Rubín, Zafiru y Esmeralda), yá qu'inclúin movimientos nuevos, territorios ya islles desconocíes y nuevos entrenadores que vencer.

Como nos sos antecesores, el videoxuegu utiliza a Coloráu (Red) como protagonista. La nueva opción ye la moza llamada Fueya (Leaf), que tamién va poder ser escoyida como personaxe principal. La meta en Coloráu Fueu y Verde Fueya, al igual que nos xuegos anteriores, ye convertise nel meyor entrenador y atrapar tolos Pokémon posibles y, tamién, ganar a una banda de villanos, el Team Rocket. Hai dende l'entamu del xuegu un rival por ganar en distintes situaciones, amás de ganar la Lliga Pokémon (Pokémon League). Sicasí, a diferencia de les primeres versiones pa Game Boy, pue siguise esplorando'l mundu Pokémon gracies a ciertos nuevos eventos que van llevar al xugador a nueves partes del mapa, enxamás vistes.

Xugabilidá[editar | editar la fonte]

Al igual que con tolos xuegos de rol de Pokémon, llanzaos pa consoles portátiles, Coloráu Fueu y Verde Fueya (Fire Red and Leaf Green) atópase en tercer persona. La pantalla principal ye un mundu virtual na que'l xugador mueve al protagonista.[1] Tien una interfaz de menús na que'l xugador pue dir pa configurar los sos Pokémon, organizar los oxetos, revisar la Pokédex, ver la so Ficha d'Entrenador (Trainer Card), guardar la partida y camudar les opciones.[2] Cuando'l xugador atopa un Pokémon salvaxe o ye desafiáu por un entrenador, la pantalla camuda a una pantalla de batalla basada en turnos qu'amuesa'l Pokémon del xugador y el Pokémon retador. Mientres la batalla, el xugador pue escoyer un movimientu que'l so Pokémon va realizar, usar un oxetu, camudar el Pokémon activu, o tratar de fuxir. Tolos Pokémon tienen unos puntos de salú (PS) (Health Points [HP]), cuando los PS d'un Pokémon amenórguense a cero, debilítase y nun pue siguir la batalla hasta que seya sanáu. Una vegada qu'un enemigu Pokémon se debilita, tolos Pokémon del xugador que participen na batalla reciben una cierta cantidá de puntos d'esperiencia (ESP) (experience [EXP]). Dempués d'acumular suficiente ESP, un Pokémon pue xubir de nivel, la mayoría de los Pokémon evolucionen hacia una nueva especie de Pokémon cuando lleguen a un ciertu nivel y con esto aumenten les sos estadístiques, yá seya PS, Ataque, Defensa, Ataque Especial, Defensa Especial o Velocidá (HP, Attack, Defense, Special Attack, Special Defense or Speed); tamién puen deprender un nuevu ataque.[3]

Atrapar Pokémon ye otru elementu esencial del xuegu. Mientres la batalla con un Pokémon salvaxe, el xugador pue llanza-y una Poké Ball. Si'l Pokémon ye atrapáu con ésitu, va tar baxo la titularidá del xugador. Hai diversos factores qu'inflúin na tasa d'ésitu, como los PS del Pokémon oxetivu y el tipu de la Poké Ball utilizada, cuanto menor seya la vida del oxetivu y el tipu de la Poké Ball seya meyor, mayor ye la tasa d'ésitu p'atrapalu.[4] Coloráu Fueu y Verde Fueya, anque son «remakes» de Coloráu y Verde (Red and Green), contienen meyores d'usu, como una función de tutorial que dexa a los xugadores buscar datos en cualquier momentu del xuegu. Amás, al siguir una partida guardada, amuésense les últimes cuatro aiciones que se lleven a cabu, lo que-yos dexa recordar a los xugadores lo que taben faciendo.[5]

Compatibilidá[editar | editar la fonte]

Amás d'estes versiones, hai posibilidá d'intercambiar Pokémon nos xuegos Pokémon Rubín, Zafiru y Esmeralda (Ruby, Sapphire and Emerald), per aciu'l Cable Game Link.

Novedaes[editar | editar la fonte]

Ente les novedaes tán el mapa, que foi estendíu con 9 islles totalmente nueves, nes que va haber que cumplir diverses misiones y vencer a dellos rivales. Les apariencies de munchos Pokémon camudaron (el llamáu «sprite») ya inclúinse los Tutores de Movimientos (Move Tutor), que puen enseñar a los Pokémon del equipu ciertos ataques (pero namás una vegada posible caún). Amás d'un tutor qu'enseña trés nuevos y bien poderosos ataques básicos: Planta Feroz (Frenzy Plant) pa Venusaur, Aniellu de Fueu (Blast Burn) pa Charizard ya Hidrocañón (Hydro Cannon) pa Blastoise. Tamién l'apaición del Tubu MT/ME ( TM Case) pa guardar MT's (Máquines Téuniques [Technical Machines]) y ME's (Máquines Escondíes [Hidden Machines]), amás d'un llugar especial pa les Bagues (Berries), lo que fai más ordenada la mochila. Inclúise nesti «remake» el campu de la Crianza Pokémon, pa consiguir neños y/o movimientos güevu, etc. Amestóse l'oxetu Buscallucha (Vs. Seeker) col que pues volver desafiar a un combate a los entrenadores que tean nel esterior. Pue lluchase en multixugador col wireless adaptor (inalámbricamente) faciendo ausente per primer vegada'l cable link nes versiones Pokémon.

Misterios[editar | editar la fonte]

  • Una vegada que consigues la Medaya Volcán (Volcano Badge) nel ximnasiu d'Islla Canela (Cinnabar Island), vas atopar un amigu del personaxe Bill que te llevará a una islla onde vas tener la misión d'atopar a una neña perdida. Dicha neña foi secuestrada pol Pokémon Hypno.
  • Nesa mesma islla (a la que te lleva l'amigu de Bill), al falar con ún de los vixilantes del puertu na versión inglesa, dizte: "Buy it or die" que n'asturianu ye: "Merca esto o muerre". Esti mensaxe sedría pa la xente que nun mercó'l xuegu y lu descargó per internet, sicasí, nun ye un mensaxe oficial, una persona ayena a la empresa foi quien lu puso y asina s'espardió esti rumor, polo tanto, esti mensaxe nun esiste dientro'l xuegu.

Nuevos personaxes[editar | editar la fonte]

  • Celio: Ye un amigu de Bill que ta n'Islla Prima (Knot Island) y va pidir el rubín y el zafiru pa terminar el so trabayu.
  • Gil (Gideon): Científicu que trabaya col Team Rocket, vendiéndo-yos Pokémon u oxetos de gran valor como'l zafiru. Ye l'únicu entrenador del xuegu que tien un Porygon.
  • Consu (Selphy): Ye una entrenadora millonaria a la qu'hai que salvar, porque ta perdida na Cueva Perdida (Lost Cave), de primeres va haber que lluchar contra ella y llueu na so casa va pidir amosa-y Pokémon a cambiu d'oxetos.
  • Pedrita (Lostelle): Ye una neña pequeña que se pierde na Viesca Baga (Berry Forest) y hai que salvala d'un Hypno, dempués el so padre va agradecelo con una Piedra Llunar (Moon Stone).
  • Fueya (Leaf): Ye la protagonista femenina d'esti xuegu (en Pokémon Coloráu, Azul y Mariellu [Red, Blue and Yellow] solamente tenía'l protagonista Coloráu [Red]).

Pokémon raros y de coleición[editar | editar la fonte]

Non tolos Pokémon puen consiguise per aciu intercambios con otres versiones. Dellos llexendarios namás puen ser consiguíos cola ayuda d'un eventu de Nintendo (llamáu Mystery Gift o Regalu Misteriosu), gracies a esti consíguese un ticket virtual que dexa tomar un barcu a islles remotes a les que nun ye posible dir normalmente y onde hai Pokémon que nun tán n'otra parte del xuegu. Nel casu de Coloráu Fueu/Verde Fueya (Fire Red/Leaf Green), estos Pokémon son: Ho-Oh y Lugia (precísase'l Misti-Ticket [Mystic Ticket] pa dir a una islla llamada Piedra Ombligu [Navel Rock]), Deoxys forma d'Ataque (namás disponible en Coloráu Fueu, ye necesario l'Ori-Ticket [Aurora Ticket] pa dir a la Islla Orixe [Birth Island]) y Deoxys forma de Defensa (namás disponible en Verde Fueya, mesmu ticket, mesma islla). Amás, según el Pokémon que s'escoyó al entamu del xuegu, dempués de ganar al Altu Mandu (Elite Four), va apaecer ún de los trés Perros Llexendarios (Legendary Beasts): Si la eleición foi Bulbasaur va apaecer Entei, si foi Charmander va apaecer Suicune y si foi Squirtle va apaecer Raikou.

Esclusivos[editar | editar la fonte]

En toles versiones de la serie esisten Pokémon esclusivos, esto ye, creatures que puen atopase nún de los xuegos ensin la posibilidá de qu'apaeza n'otru. Esto principalmente asocede pa que los xugadores puean mercar dambes versiones de los xuegos, yá qu'a pesar de que'l desenvolvimientu del mesmu seya esautamente igual nes dos versiones, per aciu'l cable link puen almacenase los Pokémon d'una versión y llevalos a la otra, p'asina completar el llistáu.

Nel casu de Coloráu Fueu/Verde Fueya (Fire Red/Leaf Green) los Pókemon esclusivos son:

  • Pa Coloráu Fueu son: Ekans, Arbok, Oddish, Gloom, Vileplume, Bellossom, Psyduck, Golduck, Growlithe, Arcanine, Shellder, Cloyster, Scyther, Scisor, Elekid, Electabuzz, Wooper, Quagsire, Murkrow, Skarmory, Qwilfish y Delibird.
  • Pa Verde Fueya son: Sandshrew, Sandslash, Bellsprout, Weepinbell, Victreebell, Slowking, Slowpoke, Slowbro, Vulpix, Ninetails, Staryu, Starmie, Pinsir, Mantine, Magbie, Remoraid, Octillery, Misdreavus, Sneasel, Azurill, Marill y Azumarill.

Receición[editar | editar la fonte]

 Receición
Analises agregaos
Autor Puntuación
Metacritic81/100 (FireRed) (basada en 38 reseñes)[6]
GameRankings82.14% (FireRed) (basada en 37 reseñes)[7]
Analís
Publicación Puntuación
Allgame3.5/5 estrelles (FireRed)[8]
Game Informer8/10[9]
GameSpot8.4/10 (FireRed)[10]
GameSpy4/5 estrelles (FireRed)[11]
IGN9.0/10 (FireRed)[12]
Nintendo Power4.5/5 estrelles[13]

Referencies[editar | editar la fonte]

  1. Pokémon Versión Coloráu Fueu y Verde Fueya Manual de Instruciones, Páxina 14. Consultáu'l 2 de mayu de 2013
  2. Pokémon Versión Coloráu Fueu y Verde Fueya Manual de Instruciones, Páxina 16. Consultáu'l 2 de mayu de 2013
  3. Pokémon Versión Coloráu Fueu y Verde Fueya Manual de Instruciones, Páxina 24 y 28. Consultáu'l 2 de mayu de 2013
  4. Pokémon Versión Coloráu Fueu y Verde Fueya Manual de Instruciones, Páxina 31. Consultáu'l 2 de mayu de 2013
  5. «E3 2004: Pokemon Fire Rede» (inglés). IGN (11 de mayu de 2004). Consultáu'l 2 de mayu de 2013.
  6. Error de cita: La etiqueta <ref> nun ye válida; nun se conseñó testu pa les referencies nomaes metacritic
  7. «Pokemon FireRed Version for GameBoy Advance». GameRankings. Consultáu'l 23 de xunu de 2009.
  8. Deci, T.J. «Pokémon: FireRed Version - Overview». Allgame. Consultáu'l 25 de xunetu de 2009.
  9. «Pokémon FireRed/LeafGreen review». Game Informer (138):  p. 146. October 2004. Archivado del original el 28 de mayu de 2007. https://web.archive.org/web/20070528113350/http://www.gameinformer.com/NR/exeres/Y9172302-9793-4D17-BE98-11CD16A7C01Y.htm. 
  10. Error de cita: La etiqueta <ref> nun ye válida; nun se conseñó testu pa les referencies nomaes gamespotreview
  11. Error de cita: La etiqueta <ref> nun ye válida; nun se conseñó testu pa les referencies nomaes gamespy
  12. Error de cita: La etiqueta <ref> nun ye válida; nun se conseñó testu pa les referencies nomaes IGN
  13. «Pokémon FireRed and Pokémon LeafGreen review». Nintendo Power (184):  p. 123. October 2004. 


Predecesor:
Rubí y Zafil
Coloráu Fueu y Verde Fueya
2004
Socesor:
Diamante y Perlla