Pleurotus eryngii

Pleurotus eryngii
Clasificación científica
Reinu:	Fungi
División:	Basidiomycota
Clas:	Agaricomycetes
Orde:	Agaricales
Familia:	Pleurotaceae
Xéneru:	Pleurotus
Especie:	P. eryngii; (DC.) Quél. 1872
Consultes
	[editar datos en Wikidata]

Pleurotus eryngii, llamada popularmente cogorda de cardu, ye un hongu basidiomiceto del orde Agaricales. La cogorda ye una de les meyor conocíes n'España, onde ye bien apreciada pol so sabor y recoyida como alimentu.

Descripción

Ye una cogorda que presenta gran variedá de tonos pardos, dende la crema hasta el marrón escuro. Tien sombreru más o menos convexu, primeramente circular y nel maduror más irregular d'hasta unos 8 cm. Les sos llámines son ablancazaes y decurrentes sobro el pie que suel ser gruesu y curtiu. Dacuando crez en grupos sobro la mesma cepa. La so carne ye elástica de golor prestoso y duce.

Taxonomía

El taxón P. eryngii ta consideráu como un complexu d'especies. Tradicionalmente aceptóse la esistencia de dos variedaes, la nominal P. eryngii var. eryngii y P. eryngii var. ferulae que crecen acomuñaes, respectivamente, a raigaños de Eryngium o Ferula. Apocayá añediéronse otres, na mesma categoría taxonómica de variedá, basaes nes resultancies d'estudios moleculares y nes sos preferencies ecolóxiques:

Distribúyese P. eryngii var. eryngii (DC.) Quél 1872 - asociáu con Eryngium spp.
P. eryngii var. ferulae (Lanzi) Sacc. 1887 - asociáu con Ferula communis
P. eryngii var. tingitanus Lewinsohn 2002 - asociáu con Ferula tingitana
P. eryngii var. elaeoselini Venturella, Zervakis & La Rocca 2000 - asociáu con Elaeoselinum asclepium^[1]
P. eryngii var. thapsiae Venturella, Zervakis & Saitta 2002 - asociáu con Thapsia garganica^[2]

Los estudios moleculares amosaron que Pleurotus nebrodensis, descritu en primer llugar como la variedá P. eryngii var. nebrodensis ye en realidá una especie distinta.^[3] Pleurotus fossulatus ye otra especie, estrechamente emparentada con dambes.^[3]

Distribución

Distribúyese de forma montesa n'una franxa bien definida nel hemisferiu norte, ente los paralelos 30 y 50° N, que toma dende les mariñes atlántiques pel llende oeste hasta Cazayistán ya India pel este, incluyendo gran parte d'Europa central y la cuenca del Mediterráneu.^[4]

Hábitat

Crez acomuñáu con delles plantes de la familia Apiaceae, sobremanera sobro les del cardu corredor, Eryngium campestre. Suel fructificar na seronda, particularmente si el suelu recibió precipitaciones abondoses y les temperatures son nidies. Dacuando puede fructificar en primavera, siempres que fuera lluviosa y templada . Frecuentemente ye atacada por bárabos, principalmente les recoyíes en primavera.

Referencies

↑ «Mycotaxon: Volume 76 Article Abstract». www.mycotaxon.com. Archiváu dende l'orixinal, el 4 de marzo de 2016. Consultáu'l 2020-12-29.
↑ «Mycotaxon: Volume 81 Article Abstract». www.mycotaxon.com. Archiváu dende l'orixinal, el 6 de abril de 2018. Consultáu'l 2020-12-29.
↑ ^3,0 ^3,1 Zervakis, Georgios I. (2001). «Genetic polymorphism and taxonomic infrastructure of the Pleurotus eryngii species-complex as determined by RAPD analysis, isozyme profiles and ecomorphological characters». Microbiology, 147 (11): páxs. 3183–3194. doi:10.1099/00221287-147-11-3183. ISSN 1350-0872. https://www.microbiologyresearch.org/content/journal/micro/10.1099/00221287-147-11-3183. Consultáu'l 2020-12-29.
↑ Venturella, Giuseppe (2001-11-01). «Genetic polymorphism and taxonomic infrastructure of the Pleurotus eryngii species-complex as determined by RAPD analysis, isozyme profiles and ecomorphological characters». Microbiology 147 (11): páxs. 3183–3194. doi:10.1099/00221287-147-11-3183. ISSN 1350-0872. https://www.microbiologyresearch.org/content/journal/micro/10.1099/00221287-147-11-3183. Consultáu'l 2020-12-28.

Enllaces esternos

[1] «Mycotaxon: Volume 76 Article Abstract». www.mycotaxon.com. Archiváu dende l'orixinal, el 4 de marzo de 2016. Consultáu'l 2020-12-29.

[2] «Mycotaxon: Volume 81 Article Abstract». www.mycotaxon.com. Archiváu dende l'orixinal, el 6 de abril de 2018. Consultáu'l 2020-12-29.

[:0-3] 3,0 ^3,1 Zervakis, Georgios I. (2001). «Genetic polymorphism and taxonomic infrastructure of the Pleurotus eryngii species-complex as determined by RAPD analysis, isozyme profiles and ecomorphological characters». Microbiology, 147 (11): páxs. 3183–3194. doi:10.1099/00221287-147-11-3183. ISSN 1350-0872. https://www.microbiologyresearch.org/content/journal/micro/10.1099/00221287-147-11-3183. Consultáu'l 2020-12-29.

[4] Venturella, Giuseppe (2001-11-01). «Genetic polymorphism and taxonomic infrastructure of the Pleurotus eryngii species-complex as determined by RAPD analysis, isozyme profiles and ecomorphological characters». Microbiology 147 (11): páxs. 3183–3194. doi:10.1099/00221287-147-11-3183. ISSN 1350-0872. https://www.microbiologyresearch.org/content/journal/micro/10.1099/00221287-147-11-3183. Consultáu'l 2020-12-28.

[1]

[2]

[3]

[4]