Pimiango

De Wikipedia
Saltar a navegación Saltar a la gueta

Pimiango ye un llugar de la parroquia de Colombres nel conceyu de Ribedeva, n'Asturies.

Cuenta con una población de 121 habitantes (67 muyeres y 54 homes) en 2006[1].

Destaquen les pintures rupestres de la Cueva del Pindal, les ruines del monasteriu de Tina o los restos de les mines de cobre de Tina, con una antigüedá de 4.500 años.

La Mansolea[editar | editar la fonte]

Antiguamente'l pobláu de Pimiango asitiábase en Las Baxuras, per Ḥaerín, dedicándose principalmente a la pesca en simples llanches tanto pel ríu como pela mar. Ente los sieglos XVI y XVII tevo llugar una galerna esceicional qu'acabó con tola flota pesquera de Pimiango, afogando a los sos tripulantes. Los supervivientes, cuasi toos muyeres, fixeron la promesa de nun tornar pescar na mar. En delantre, l'oficiu de zapateru ambulante exercíu polos homes del llugar ocuparía y ayudaría a sostener la economía familiar. Estos zapateros idearon una xíriga, la mansolea, pa nun ser entendíos polos estraños.

Importante pa estos zapateros foi l'abondosa presencia d'algueres pela zona, ya qu'usaben la so corteya pa obtener los taninos colos que curtíen el cueru na fabricación de calzáu.

Referencies[editar | editar la fonte]