Pierre-Auguste Renoir

De Wikipedia
Saltar a: navegación, buscar
Pierre-Auguste Renoir
PARenoir.jpg
Vida
Nacimientu Limoges25 de febreru de 1841
Nacionalidá Bandera de Francia Francia
Residencia Limoges
París
Cagnes-sur-Mer
Fallecimientu

Cagnes-sur-Mer3 d'avientu de 1919

(78 años)
Sepultura Essoyes
Causa de la muerte causes naturales (Neumonía)
Familia
Casáu con Aline Renoir  (14 abril 1890 -
Pareyes Lise Tréhot
Fíos/es
Estudios
Estudios Escuela de Bellas Artes
(1862 - 1864)
Llingües francés
Alumnu/a de Charles Gounod
Charles Gleyre
Profesor/a de Claude Renoir
Oficiu
Oficiu pintor, escultor y ilustrador
Llugares de trabayu París
Trabayos destacaos Niñas en negro
En la terraza
El palco
Almuerzo de remeros
La Grenouillère
Premios
Miembru de Liga de la Patria Francesa
Artists Rights Society
Movimientu impresionismo
Xéneru artísticu retrato pictórico
desnudo
pintura mitológica
pintura de paisaxe
Serviciu militar
Cuerpu militar Caballería
Lluchó en Guerra franco-prusiana
Renoir autograph.png
Cambiar los datos en Wikidata

Pierre Auguste Renoir (25 de febreru de 1841 - 3 d'avientu de 1919), ye unu de los más célebres pintores franceses. Nun ye fácil clasificalu, perteneció a la escuela impresionista, pero dixebróse d'ella aína por mor del so interés pola pintura de cuerpos femeninos sobre los paisaxes, el pintor Rafael influyó-y abondo.

Biografía[editar | editar la fonte]

Pierre-Auguste Renoir, ca.1910.

Auguste Renoir nació en Limoges en febreru de 1841. En 1845, Renoir y la so familia colaron a París. Ellí, Pierre-Auguste siguió los sos estudios fasta la edá de 13 años. Yá como adolescente, trabayó nel taller de los hermanos Lévy u pintó temes florales sobro porzolana fasta los 17 años. En 1858, Renoir pinta sobro abanicos. Asina adquirió'l gustu poles pieces con abonda lluminosidá y de pincelaes rápides.

En 1862, Renoir quedó güérfanu y foi a un orfanatu Gleyre u conoz a Monet, Bazille y Sisley. Los sos primeros cuadros d'estilu clásicu, románticu y realista nun foron nel so entamu bien criticaos. Magar que, la primer obra qu'espón na galería l'Esmeralda en 1864 tuvo perbona acoyida, pero depués de la esposición tarazóla. Pintó paisaxes y cuerpos humanos a esgaya, sobro too femeninos ( Lise Tréhot que fuera la so amante posó abondes vegaes). Esta moza tuvo importancia enforma na obra del pintor, yá que tres de dixebrase, hubo un cambéu nel estilu del autor. La carrera de Renoir realmente entama en 1867 cola esposición de la Lise à l'ombrelle.

l'almuerzu de los remeros. oleu. 1881

La etapa impresionista de Renoir foi ente 1870 y 1883. Sigue pintando paisaxes pero les obres más carauterístiques tienen por tema la vida social urbana. En toles sos temes l'énfasis ponlu na mocedá y la vitalidá.

Ente 1883 y 1890, Renoir entra nel so periodu ingresco. Depués del so viax per Italia, decide revisar el so estilu. Los contornos tórnense más precisos. Dibuxa les formes con abonda precisión, y los colores sedrán más fríos. Al facese pá per primer vegada dexa la pintura per un tiempu. En tornando al trabayu fai la más importante obra d'esti periodu Grandes baigneuses, cuadru que tardó tres años en rematar.

Le Bal au Moulin de la Galette.

De 1890 a 1900, Renoir camuda otra vuelta d'estilu. Agora ye un amestao de los estilos impresionista y ingresco. Caltién les temes Ingres pero les pincelaes esnidien pel llenzu como nel periodu impresionista. La so primer obra d'esti periodu Jeunes filles au piano, mercóla l'estáu francés p'amosala nel Muséu de Luxemburgu. En 1894, Renoir ye pá per segunda vegada. La chacha de los sos fíos, Gabrielle Renard, conviértese na so modelu preferida.

Ente 1900 y 1919, Renoir entra nel so periodu de Cagnes. Nesta dómina sufre abondes crisis de reumatismu. Cola nacencia del so tercer fíu en 1901 la so pintura camuda.

Al morrer la so muyer Aline en 1915, Renoir, yá en siella de ruedes, continúa pintando p'afogar el so amarguriu.

En 1919, muerre en Cagnes-sur-Mer depués de visitar por cabera vegada'l Louvre u yá s'amuesen les sos pintures. Foi pá del destacáu cineasta francés Jean Renoir.

Ver tamién[editar | editar la fonte]

Enllaces esternos[editar | editar la fonte]