Piedra d'Ezana

De Wikipedia
Saltar a navegación Saltar a la gueta
Artículu revisáu
Aksum
Patrimoniu de la HumanidáUNESCO
EzanaGreekTablet.jpg
Inscripción en griegu que da cuenta de la victoria de Ezana sobre varios pueblos vecinos.
Llugar Flag of Ethiopia.svg Etiopía
Criterios Cultural: i, iv
Inscripción 1980 (4 ° Sesión)
Área África
Cambiar los datos en Wikidata

La piedra d'Ezana ye un oxetu del antiguu reinu d'Aksum. Ye un monumentu de piedra que documenta la conversión del rei Ezana al cristianismu y el sometimientu de dellos pueblos vecinos ente los que taben los Meroe. Anguaño caltiense in situ nel parque del rei Ezana, un espaciu públicu nel centru de Aksum, n'Etiopía.[1]

Monedes acuñaes cola efixe de Ezana.

El rei Ezana gobernó ente'l 330 d.C. y el 356 d. C. l'antiguu reinu aksumita del Cuernu d'África. Ezana lluchó escontra los nubios y grabó les sos victories en piedra en gue'ez (l'antiguu llinguaxe etíope), sabéu (árabe del sur) y griegu p'allabar a Dios poles sos victories. Los grabaos en piedra apurren un monumentu trillingüe en distintes llingües, de manera asemeyada a la piedra de Rosetta.

La Ilesia Ortodoxa Etíope o Tawahedo tuvo los sos entamos mientres esta dómina. La Hestoria Ecelesiástica de Rufino de Aquilea narra que San Frumenciu, esclavu y tutor del nuevu rei, convirtióse al cristianismu. Escontra'l final del so reináu, en redol al añu 350, el rei Ezana llanzó una campaña escontra los kushites qu'acabó col Reinu de Kush; delles inscripciones en piedra escrites en gue'ez (y con escritura gue'ez) foron atopaes en Meroe, la ciudá principal y central de los Kushites.

Vease tamién[editar | editar la fonte]

Referencies[editar | editar la fonte]

  1. (2010) Etiopía, 1ª sined, Barcelona: Athena Mediu. ISBN 978-84-92963-53-9.

Enllaces esternos[editar | editar la fonte]