Picoides arcticus

De Wikipedia
Picoides arcticus
Estáu de caltenimientu
Preocupación menor (LC)
Esmolición menor (IUCN)
Clasificación científica
Reinu: Animalia
Filu: Chordata
Clas: Aves
Orde: Piciformes
Familia: Picidae
Xéneru: Picoides
Especie: P. articus
(Swainson, 1832)
Distribución
Consultes
[editar datos en Wikidata]

El picu árticu[1] (Picoides articus) ye una especie d'ave piciforme de la familia de los picatueros (Picidae). Vive nos montes d'América del Norte y tien un llargor mediu de 23 cm. L'área de cría inclúi Canadá, Alaska y el noroeste d'Estaos Xuníos, llegando pel sur a árees montascoses del norte de California y pel este hasta Nueva Inglaterra.

El plumaxe de los adultos ye negru na cabeza, llombu, ales y rabadilla. Dende'l gargüelu hasta'l banduyu ye blancu, ente que los lladrales son blancos con franxes negres. Esiste dimorfismu sexual, presentando'l machu una mancha de color mariellu na corona.

El so hábitat natural son los montes de coníferes, prefier les zones que fueron quemaes o les que bordien al monte nes que persisten tueros d'árboles muertos.[2]

Aliméntase fundamentalmente d'inseutos y canesbes qu'atopa na corteza de los árboles. Realiza tolos años un cuévanu nuevu nun tueru que lu sirve como nial.[3][4]

Referencies[editar | editar la fonte]

  1. Bernis, F; De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Séptima parte: Piciformes)». Ardeola. Handbook of the Birds of the World (Madrid: SEO/BirdLife) 49 (1):  páxs. 121-125. ISSN 0570-7358. https://www.seo.org/wp-content/uploads/tmp/docs/vol_49_1_septimo.pdf. 
  2. Kenn Kaufman, Hector Gomez de Silva: Guía de Campu Kaufman a les aves de Norte-America. Consultáu'l 16-11-2010
  3. Dixon, Rita D., and Victoria A. Saab. (2000). Black-backed Woodpecker (Picoides arcticus), The Birds of North America Online (A. Poole, Ed.). Ithaca: Cornell Lab of Ornithology; Retrieved from the Birds of North America Online.
  4. BirdLife International (2008). «Picoides arcticus» (inglés). Llista Roxa d'especies amenazaes de la UICN 2024. Consultáu'l 1 de payares de 2010.

Enllaces esternos[editar | editar la fonte]