Pi Bootis

De Wikipedia
Saltar a navegación Saltar a la gueta
Pi Bootis
π12 Bootis
Constelación Boötes
Ascensión reuta α 14h 40min 43,6/43,9s
Declinación δ +16º 25’ 06/04’’
Distancia 309 ± 25 años lluz
Magnitú visual +4,91 / +5,82
Magnitú absoluta -0,45 / +0,94
Lluminosidá 151 / 34 soles
Temperatura 12.400 / 8.100 K
Masa 3,4 / 2,3 soles
Radiu 2,7 / 3,0 soles (aprox)
Tipu espectral B9V / A6V
Velocidá radial -0,6 km/s

Pi Bootis (π Bootis / π Boo / 29 Bootis) ye un sistema estelar de magnitú aparente +4,91 asitiáu na constelación de Boötes. En chinu recibe'l nome de Zuochetier 左攝提二 (Zuǒ shè tí èr). Alcuéntrase a 309 años lluz del Sistema Solar.

En primer instancia, Pi Bootis ye una binaria que les sos dos componentes tópense visualmente separaes 5,5 segundos d'arcu. El periodu orbital d'esta binaria ye de siquier 5000 años y la distancia real ente les dos estrelles ye igual o superior a 500 UA. La componente principal, denomada π1 Bootis (HD 129174 / HR 5475),[1] ye una estrella blancu-azulada de la secuencia principal de tipu espectral B9V. Tien una temperatura efectivo de 12.400 K y una lluminosidá equivalente a 151 soles. El so radiu ye 2,7 vegaes más grande qu'el radiu solar y xira sobre sigo mesma con una velocidá de rotación proyeutada de 24 km/s. Dicha velocidá, baxa pa una estrella de les sos carauterístiques, favorez que la so composición química sía anómala, tando clasificada como «estrella de mercuriu-manganesu». Asina, el so conteníu relativo de mercuriu ye 350.000 vegaes más eleváu que nel Sol. La so masa ye de 3,4 mases solares.[2]

La componente secundaria, π2 Bootis (HD 129175 / HR 5476),[3] ye una estrella blanca de la secuencia principal de tipu A6V. Con una temperatura envalorada de 8.100 K, ye 34 vegaes más lluminosa que'l Sol. Tien una masa 2,3 vegaes mayor que la masa solar y roto a una velocidá de siquier 140 km/s.[2]

Completa'l sistema una tercer estrella de magnitú 11. Visualmente a pocu más de dos minutos d'arcu del par π12, el so rellumu correspuende a una nana de tipu G o K. De la mesma, la brillosa estrella de tipu B9V pue ser una binaria espectroscópica; nada se sabe d'esti subsistema, nin siquier el periodu orbital.[2]

Referencies[editar | editar la fonte]