Pi4 Orionis

De Wikipedia
Saltar a: navegación, buscar
Pi4 Orionis
Pi4 Orionis
Constelación Orión
Ascensión reuta α 04h 51m 12,36s
Declinación δ +05º 36’ 18,4’’
Distancia 1250 años lluz (aprox)
Magnitú visual +3,67 (conxunta)
Magnitú absoluta -4,25
Lluminosidá 16.200 / 10.800 soles ?
Temperatura 21.800 K
Masa 10-11 / 10 soles ?
Tipu espectral B2III / B2IV
Velocidá radial +23,3 km/s

Pi4 Orionis4 Ori / 3 Orionis / HD 30836) ye una estrella na constelación d'Orión. Comparte la denominación de Bayer Pi con otros cinco estrelles, siendo ente éstes la segunda más brillosa con magnitú aparente +3,67. Al igual qu'otres munches estrelles de la constelación —Bellatrix (γ Orionis) o Saiph (κ Orionis) ente elles— forma parte de la asociación estelar Orión OB1. Alcuéntrase a unos 1250 años lluz de distancia del Sistema Solar.

Pi4 Orionis ye una binaria espectroscópica, esto ye, les componentes nun se pueden resolver con telescopiu. Los dos son estrelles calientes de 21.800 K de temperatura y tipu espectral B2, la primaria clasificada como xigante y la secundaria como subxigante. El periodu orbital del sistema ye de 9,519 díes y la lluminosidá conxunta del mesmu ye de 27.000 soles.

Asumiendo que la estrella xigante ye 1,5 vegaes más brillosa que la so compañera (valores típicos pa esta clase d'estrelles), les lluminosidaes respectives seríen 16.200 y 10.800 vegaes mayores que la solar, con unes mases en redol a 10 mases solares. Con estos parámetros resulta una separación ente les dos estrelles d'unes 0,25 UA. Los valores envaloraos de temperatura y lluminosidá suxuren qu'en realidá ambes pueden ser estrelles de la secuencia principal con una edá de menos de 20 millones d'años.

Referencies[editar | editar la fonte]