Peter S. Beagle
Peter Soyer Beagle (20 d'abril de 1939, Manhattan) ye un novelista, autor d'hestories curties, ensayista y guionista de xéneru fantásticu estauxunidense. Los sos trabayos más notables son les noveles L'últimu unicorniu, Un llugar prestosu y tranquil y Tamsin, la premiada hestoria curtia «Two Hearts», y el guión de «Sarek», un episodiu de la serie de televisión Star Trek: The Next Generation.
Biografía[editar | editar la fonte]
Beagle nació en Manhattan el 20 d'abril de 1939, fíu de Simon y Rebecca Soyer Beagle, y creció nel Bronx.[5] Yá nel institutu llogró la reconocencia de The Scholastic Art & Writing Awards, yá que por un poema ganó unos de los sos premios y una beca pa estudiar na Universidá de Pittsburg, onde llogró un grau n'escritura creativo. Mora en Davis (California).
Carrera lliteraria[editar | editar la fonte]
Beagle escribió la so primer novela, Un llugar prestosu y tranquil (A Fine and Private Place), cuando namái tenía 19 años. Güei, amás de por esa primera, ye conocíu como autor de les noveles L'últimu unicorniu y Tamsin, y otros trabayos de non ficción como I See By My Outfit.
Beagle escribió'l guión del episodiu 71 de la serie de televisión Star Trek: The Next Generation, tituláu «Sarek». Beagle tamién escribió'l guión del filme animáu de 1978 El Señor de los Aniellos, de Ralph Bakshi; y un prólogu pa una edición estauxunidense de principios de los años 1970 de la novela na que se basa esa película animada. El trabayu de Beagle como guionista atayó la so temprana carrera de novelista, articulista en revistes d'ensayu y escritor d'hestories curties. Pero a mediaos de los años 1990 volvió a la prosa de ficción en tolos formatos, y dende entós produció nuevos trabayos a bon ritmu.
Amás del so propiu cupu de trabayu, Beagle ye herederu y albacea lliterariu del autor de ciencia ficción Edgar Pangborn, la hermana de Edgar y la so collaboradora ocasional Mary, y la so madre Xeorxa Wood Pangborn. Dende 2003 trabaya pa volver publicar lo meyor d'esos trés autores de ficción.
En 2005 Beagle publicó un epílogu pa L'últimu unicorniu, un rellatu tituláu «Two Hearts», y empezó a trabayar nuna secuela d'una novela completa. En 2006, «Two Hearts» ganó'l prestixosu premiu Hugo al meyor rellatu y en 2007 ganó'l premiu Nébula de la categoría equivalente. La hestoria, amás, foi nomada como finalista de ficción curtia al World Fantasy Award. En 2006, Beagle ganó'l Inkpot Award por llogros escepcionales en ciencia ficción y fantasía. En 2007, Beagle ganó'l primer WSFA Small Press Award por El regalu» (sic.), un rellatu publicáu por Tachyon Publications en The Line Between. La escoyeta de Beagle de ficción curtia publicada en 2009, We Never Talk About My Brother, foi tamién nomada al World Fantasy Award.[6]
IDW Publishing publicó, dende abril de 2010, una adautación en seis números de comic book de L'últimu unicorniu. Ta previstu que la siga l'adautación de A Fine and Private Place.[7]
Disputa con Granada Media[editar | editar la fonte]
El llibru de Peter S. Beagle L'últimu unicorniu foi afechu nuna 'película animada en 1982, con guión escritu por el mesmu Beagle. En 1979 Beagle robló un contratu con ITC Entertainment que-y axudicaba'l 5% de los beneficios netos de la cinta animada, y tamién el 5% los ingresos brutos por cualesquier mercancía derivada de la película. Dende 1999 esta película ta controlada por una empresa británica, Granada (una subsidiaria d'ITV). Beagle ta envolubráu nuna disputa financiera con Granada per impagu de la so participación contractual en beneficios y ventes. La cantidá debida podría xubir a dellos millones de dólares.[ensin referencies]
Publicaciones[editar | editar la fonte]
Libro[editar | editar la fonte]
- 1960: A Fine and Private Place (novela);
- 1965: I See By My Outfit: Cross-Country by Scooter, an Adventure (non ficción);
- 1968: The Last Unicorn (novela);
- 1969: The California Feeling (llibru de fotografíes col fotógrafu Michael Bry);
- 1974: «Lila the Werewolf» (edición en chapbook d'una novela curtia yá publicada);
- 1975: American Denim (llibru artísticu non de ficción);
- 1976: The Lady and Her Tiger (con Pat Derby, non ficción);
- 1978: The Fantasy Worlds of Peter S. Beagle (coleición ómnibus qu'inclúi A Fine and Private Place, The Last Unicorn, «Come Lady Death», y «Lila the Werewolf»);
- 1982: The Garden of Earthly Delights (llibru artísticu non de ficción);
- 1986: The Folk of the Air (novela, anguaño siendo reescrita y espandida pa nueva publicación);
- 1993: The Innkeeper's Song (novela);
- 1995: In the Presence of the Elephants (llibru de fotografíes);
- 1996: The Unicorn Sonata (novela p'adolescentes, anguaño siendo reescrita y espandida a una serie de cuatro volúmenes);
- 1997:
- Giant Bones (coleición d'hestories curties orixinales allugaes nel mundu de The Innkeeper's Song);
- The Rhinoceros Who Quoted Nietzsche and Other Odd Acquaintances (coleición d'ensayos de ficción y non ficción);
- 1999:
- The Magician of Karakosk and Other Stories (reedición pa Europa de Giant Bones);
- Tamsin (novela);
- 2000: «A Dance for Emilia» (novela curtia n'edición de luxu en tapa dura pa regalu);
- 2006:
- The Line Between (coleición d'hestories);
- Your Friendly Neighborhood Magician: Songs and Early Poems (edición llindada en chapbook d'una coleición de lletres de cantares y poesía);
- 2007: The Last Unicorn: The Lost Version (borrador de la novela en tamañu de novela curtia, publicáu por Subterranean Press);
- 2008: Strange Roads (chapbook de trés histories en collaboración con Lisa Snellings-Clark para Dreamhaven Books);
- 2009: We Never Talk About My Brother (coleición de ficción curtia de Tachyon Publications);
- 2010: Mirror Kingdoms: The Best of Peter S. Beagle (escoyeta de Subterranean Press, editada por Jonathan Strahan).
Como editor[editar | editar la fonte]
- 1995: Peter S. Beagle's Immortal Unicorn(coeditor, antoloxía d'hestories orixinales, estremada en dos volúmenes al ser reimpresa en rústica: Peter S. Beagle's Immortal Unicorn en 1998 y Peter S. Beagle's Immortal Unicorn 2 en 1999);
- 2010: The Secret History of Fantasy, (antoloxía publicada por Tachyon Publications).
Audiollibros[editar | editar la fonte]
Tolos audiollibros lleíos por el mesmu Beagle:
- 1990: The Last Unicorn, resumíu y namái publicáu en cinta de casete;
- 2002:
- A Fine and Private Place, versión íntegra, en CD y casete;
- Giant Bones, versión íntegra, en CD y casete;
- Tamsin, versión íntegra, en CD y casete;
- 2005: The Last Unicorn, versión íntegra, en CD y casete, con música de Jeff Slingluff.
Películes y episodios de televisión producíos[editar | editar la fonte]
- 1974: The Dove;
- 1977: The Greatest Thing That Almost Happened;
- 1978: The Lord of the Rings;
- 1982: The Last Unicorn;
- 1990: «Sarek» (episodiu 71 de la serie de televisión Star Trek: The Next Generation);
- 1992: «A Whale of a Tale» (episodiu piloto pa la serie de televisión de The Little Mermaid);
- 1996:
Referencies[editar | editar la fonte]
- ↑ Afirmao en: SNAC. Identificador SNAC Ark: w69p46cf. Apaez como: Peter S. Beagle. Data de consulta: 9 ochobre 2017. Llingua de la obra o nome: inglés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Identificador Beca Guggenheim: peter-s-beagle.
- ↑ URL de la referencia: https://www.comic-con.org/awards/inkpot. Data de consulta: 28 xunetu 2021.
- ↑ Beagle, Peter S.. «Unoficially Peter S. Beagle. Biography». Consultáu'l 20 d'ochobre de 2010.
- ↑ «2009 World Fantasy Awards Nominees» (inglés). Locus Online News. Locus Publications (24 d'agostu de 2010). Consultáu'l 24 d'ochobre de 2010.
- ↑ «Wondercon Special Guests» (n'inglés). Comic-Con Magacín: p. 18. Iviernu de 2010.
Enllaces esternos[editar | editar la fonte]
- Peter S. Beagle (sitio web oficial). (n'inglés)
- Unofficially Peter S. Beagle (sitiu provisional que va ser sustituyíu pol anterior cuando ésti tea dafechu operativu). (n'inglés)
- Conlan Press, editor pa Estaos Xuníos de los llibros, audiollibros y ediciones roblaes de Beagle. (n'inglés)
- Green Man Review Special Peter S. Beagle issue: crítica masiva de tolos trabayos de Beagle, con artículos, audiu, información confidencial y poesía. (n'inglés)
- Fanblog sobre Peter S. Beagle n'español.
- Páxina de Peter Beagle en Tachyon Publications. (n'inglés)
- Peter S. Beagle na Internet Speculative Fiction Database (inglés).
| Control d'autoridaes |
|
|---|
Datos: Q285007
Multimedia: Peter S. Beagle
